Palonga 25:11 - Tataroha Diana

¹¹ Mala uri ne ke asuie nga mei ola e malisine oto maenga, nge nou saꞌa tahisie ike loꞌu maenga i tehulaꞌana. Taꞌe mala uri mei ola nge mo Jiu ko sare leieu haahie ie e kaꞌa toꞌohuu, nge nga iini e kaꞌa toꞌo aana ike nga nanamanga hunie ke toliꞌaasieu hunire. !Oto nou saetoꞌo aana Inemauri Peine ni Rom maraana ni ke leieu!”

Palonga 25:11 ပူးပေါင်းရင်းမြစ်များ

Palonga 16:37

Taꞌe a Pol e teꞌuri mola hunie mo ramo ngeena, “Iꞌemereꞌi e ro mwane ni Rom ni ie, na kire tohungei waelie oto haꞌatolanga aana kire kaꞌa toliꞌaasiꞌemereꞌi huni ere luhesie nga mei ola hunire, taꞌe kire rapusiꞌemereꞌi mola mwaakule i maana mwala, na kire neꞌiꞌemereꞌi i laona nume ni hoꞌo. ?Oto e ue ni kire ko si sare toliꞌaasiꞌemereꞌi mola mumuni aana maholo ienini? !Haꞌike! E malisine ikire maraada ni kire kei haro lae mai huni haꞌa-iisitaangaꞌiniꞌemereꞌi mwaanie nume ni hoꞌo.”

Palonga 18:14

Taꞌe maholo a Pol ko sare aalamire, oto a Galio ko holaꞌi teꞌuri oto hunire mo Jiu, “Mala uri omu ke da wala i sulie nga mei ola aaela wa nga mei takalonga a mwane ie ke asuie, haꞌalaa nou sai rongo taane huniꞌomu mo Jiu.

Palonga 22:25

Taꞌe maholo kire ko pwesue hunie kire kei repusie, a Pol ko si dolosi aana ngaeta poro paine haahie nga tangalai ramo nge e uure karaꞌinie, ko teꞌuri, “?Uri e malisine mola omu ke rapusie nga mwane ni Rom nge e kaꞌa dau huꞌisie ike nga mei ola?”

Palonga 25:10

Taꞌe a Pol ko ere mola uuri, “Leinge ienini, Inemauri Peine ni Rom ni e toꞌo aana, oto i leu oto e malisine leileku ke lae aana, na nga leu haꞌike loꞌu. Na o sai diana aana kaꞌu oto uri nga mei ola nou kaꞌa dau huꞌisie takoie mo Jiu ngeena.

Palonga 25:12

Oto a Festas e holaꞌi ere-ere kaꞌu peꞌie mo mwane saenanau ingeie, ko si teꞌuri, “O saetoꞌo aana Inemauri Peine ni Rom ke leiꞌo. E diana mola. Ne kei uusungeꞌiniꞌo oto wau i saana.”

Palonga 25:21

Taꞌe e sereꞌi, na e unue uri saena hunie Inemauri Peine ni Rom haꞌalaa ke si leie. Oto nou unue kire ke kakalie lae hule aana maholo nou sai uusungeꞌinie wau i saana Inemauri Peine ni Rom.”

Palonga 25:25

Taꞌe nou kaꞌa lio saie ike nga mei ola aaela ke asuie hunie horoꞌilana ke lae i tehulaꞌana. Oto ingeie maraana nge e saetoꞌo aana Inemauri Peine ni Rom nge ke leie, na aena urine mola nge nou neꞌisae huni uusungeꞌinie oto wau i saana.

Palonga 26:32

Oto a Akripa Inemauri ko teꞌuri loꞌu hunie a Festas, “Mala uri a mwane ngeena ke suꞌuri haaraie Inemauri Peine ni Rom hunie ke leie ere-erenga ingeie, haꞌalaa kolu sai toliꞌaasie oto ke iiꞌo luhetaꞌi mola.”

Palonga 28:19

Taꞌe ahutana mo rato ni Jiu i Jerusalem kire tohungei sereꞌinie ne ke iiꞌo luhetaꞌi urine, oto aena mei olana nge nou sukaa mola Inemauri Peine ni Rom hunie ke leieu. Taꞌe nou saie nga mei ola ne ke haliwala peꞌie mwala ineu haahie haꞌike oto ooꞌoo.

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,