Palonga 24:25 - Tataroha Diana

²⁵ Taꞌe maholo a Pol ko ere i sulie mauringe diana, na kinetaꞌinilaka maraaka mwaanie oorahaꞌaa, na leilana walumalau, a Filiks ko si tohungei meꞌu na ko teꞌuri, “!Mamalo kaꞌu! Mala uri no ko toꞌo aana loꞌu nga maholo ne ke si soiꞌo loꞌu mei.”

Palonga 24:25 ပူးပေါင်းရင်းမြစ်များ

Matiu 22:5

“Taꞌe mwalana kaꞌa sare rongo loꞌu hunie mo koni-konihe ngeena, na kire lae mola i sulie saeda. Nga iini e lae mola i hohola ingeie, na ngaeta iini mola aana uusiꞌe.

Tataroha Diana I Sulie A Jisas Kraes Nge A Jon E Uusue 16:8

Na maholo kei lae mai, nge ke si haataꞌi diana aana hunie walumalau uri kire roroꞌa aana oorahaꞌaa, na uri kire kaꞌa saie ike oodotaꞌinge, na uri a God kei saronai leire taane.

Palonga 10:42

Na a Jisas e unue oto huniꞌemeelu uri melu ke tarohaꞌinie Tataroha Diana hunie mwala. Na melu ke tarohaꞌinie uri ingeie oto a God e lio hilisie hunie kei leie ahutana mwala maꞌalana kire mae oto wa kire mauri ue.

Palonga 17:13

Taꞌe maholo mo rato ni Jiu weu i Tesalonaeka kire rongoa uri a Pol ko tarohaꞌinie loꞌu walana God taꞌau i Berea, kire lae mai kire ko si ere i saena mwala hunge loꞌu aana huilume ngeena hunie kire ke saewasulirerue.

Palonga 17:2

Na i sulie tolahana a Pol aana taꞌena nga huilume, e lae oto ko lai aare-aarengaꞌi peꞌire na ko lai ere-ere peꞌire, na ko saaie Uusu-uusu Maaꞌi nada. Na e iiꞌo i leune hunie e oolu Dinge Maaꞌi Mo Jiu,

Palonga 17:32

Maholo mwala kire rongoa uri a Pol ko ere i sulie taꞌelaꞌinge mwaanie maenga, oto ngaeta mo iini ko haꞌamwasi mola aana. Taꞌe ngaeta mo iini kire ko teꞌuri, “Melu saetoꞌo aana o ke ere i sulie mei neꞌisaenga ngeena loꞌu aana nga maholo.”

Palonga 2:37

Oto maholo mwala kire rongoa mei wala ngeena, kire ko si tohungei hii aaela oto hiitoꞌo, na kire ko ere uuri hunie a Pita na mo hurulaꞌaa, “?Maeni eesimemi, oto emi ke si ue eena?”

Palonga 24:15

Na nou norutoꞌo noꞌone aana God mala mo rato ni mwane ngeena, uri ahutana iinoni, maꞌalana mo iinoni diana wa mo iini aaela, kire kei meni taꞌelaꞌi mwaanie maenga.

Palonga 24:26

Saena Filiks uri a Pol ke nii mumuni aana nga mei toꞌoha nana hunie ke luhesie mwaanie nume ni hoꞌo. Oto mo maholo hunge, ko hei uusungeꞌi oto hunie a Pol huni ere-ere peꞌie.

Palonga 26:28

Oto a Akripa Inemauri ko teꞌuri, “?Uri o ko loꞌongaꞌi o sai huꞌisie manataku hunie ne ke hiiwalaimoli oto mola aana kele maholoi sato oꞌoruꞌe urini?”

Palonga 9:6

O ke taꞌelaꞌi oto, na o ke lae wau i huilume. Nga iini taane wau i leune ke si unue huniꞌo nga taa ni esuie.”

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Uusu-uusu A Pol Hurula'aa Hunie Mo Rom 14:12

Oto i leune kie saie uri a God hahaiteli ni kei leie ahutana mo iinoni.

Uusu-uusu A Pol Hurula'aa Hunie Mo Rom 2:16

Na mala Tataroha Diana no ko tatarohaꞌinie ko unu tahangaꞌinie, a God ke si haataꞌinie kira tei nge kire oodotaꞌi aana maholo a Jisas Kraes kei leie taꞌe-taꞌena nga ola e iiꞌo mumuni i lalo aana mau-meuringe mo iinoni.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

2 Korinit 6:2

Omu ke rongoa kaꞌu nga taa a God e unue aana e teꞌuri, Aana tohungana maholo huni haataꞌinie manata-diananga ineu eemiu, nou rongo i sulie aarengaꞌinge iꞌomu, na maholo omu saetoꞌo aana nga iini ke peꞌiꞌomu, nge nou haꞌa-uuriꞌomu oto. Aesaea 49:8 !Oto omu ke rongo kaꞌu! Maholo huni hele aana manata-diananga a God ni oto ienini. !Siꞌiri oto dinge ni haꞌa-uuringe!

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Kalesia 5:23

na kie ke neꞌi iinoni maneko, na kie ke neꞌi iinoni e sai nihisie tolahana mwaanie aaelanga. Nga taꞌa-taꞌa haꞌatolanga e kaꞌa uure honosie ike walu ola ienini wa ke unue uri kire aaela.

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes

Taetas 1:8

Taꞌe kire ke takuhie mola mo awataa, na kire ke mwaꞌe-mwaꞌe mola huni esuie mo ola diana. Kire ke kinetaꞌinie tolahada hunie kire ke asuie mola mo ola oodotaꞌi. Kire ke iiꞌo maaꞌi, na kire ke nihisie saeda mwaanie aaelanga.

Hibru 12:21

Walu ola kire leesiꞌi ngeena e tohungei lio ni meꞌunge, hule aana a Mosis noꞌone na e unue uuri, “No ko tohungei meꞌu hule aana no ko eriri oto.” Diutronomi 9:19

Hibru 3:13

Taꞌe siꞌiri, maholo omu toꞌo aana ue nga dinge huni peꞌiꞌomu heiliu, nge omu ke haꞌa-aꞌailaꞌaa hiiwalaimolinge iꞌomu heiliu. Omu ke asu ooni-ooni urine suli dinge mwaanie oorahaꞌaa e eeroꞌomu na e haꞌamaꞌutaꞌaa saemiu honosie a God.

Hibru 4:1

Haiholotaꞌinge a God ngeena e iiꞌo mola ue, uri mo iini nge kire hiiwalaimoli aana kire sai mamalo aana leu ni mamalo e dau aakau aana loosire. Oto omu ke lio-lio diana talamiu, mwaanie uri nga iini eemiu e oore aani helesilana mei mamalonga ngeena.

Hibru 6:2

Na kie ke suꞌuri ere-ere tarau mola aana mo haꞌa-uusulinge i sulie loto-maaꞌinge, na aarengaꞌinge talana mwala peꞌie helenga i pweude aani ninime, na tahelaꞌinge mwaanie maenga, na leinge huu. Aana ahutana mo neꞌisaenga ngeena, mo wala mola aana aehotalana haꞌa-uusulinge i sulie a Kraes.

Hibru 9:27

Aana iinoni ko mae mola hautaꞌai, na mai puri a God kei leie.

Jemes 2:19

Mala uri o ko hiiwalaimoli uri e taꞌa-taꞌa God mola, nge e diana. Taꞌe aamasitoꞌo uri mo liꞌoa aaela kire hiiwalaimoli noꞌone urine, na kire ariri peꞌi meꞌunge aana.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.

2 Pita 1:6

na omu ke sapeie loꞌu kinetaꞌinge aana tolahamiu, na omu ke sapeie loꞌu mei tolahai esunge taraꞌasi aani hiiwalaimolinge, na omu ke sapeie loꞌu iiꞌonga maaꞌi,

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 3:7

Maeni mwela ineu, suꞌuri toliꞌaasie nga iini ke haꞌatakaloꞌomu. Aana iini nge helelana e lae oto i sulie oodotaꞌinge, iini urine e oodotaꞌi oto, mala kaꞌu oto a Kraes e oodotaꞌi.