Palonga 24:14 - Tataroha Diana

¹⁴ Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Palonga 24:14 ပူးပေါင်းရင်းမြစ်များ

Matiu 10:32

“Oto mala uri nga iini nge ko unu tahangaꞌinie i naꞌona mo iinoni uri ingeie iinoni ineu, nge ineu noꞌone ne kei unu tahangaꞌinie i naꞌona Aamaku i Lengi.

Matiu 22:40

Aana aahuꞌine ahutana mo Haꞌatolanga a Mosis na mo haꞌa-uusulinge mo propet ni oto e ro haꞌatolanga ienini.”

Matiu 7:12

“Mo ola nge saemiu mwala ke dauꞌi huniꞌomu, nge iꞌomu noꞌone omu ke dauꞌi hunie mwala. Aena aana loꞌongaꞌinge aana ahutana mo Haꞌatolanga a Mosis na haꞌa-uusulinge mo propet ni otona.”

Tataroha Diana I Sulie A Jisas Kraes Nge A Luk E Uusue 1:70

Uure oto mai naꞌo, e unue kaꞌu aana mo propet maaꞌi ingeie

Tataroha Diana I Sulie A Jisas Kraes Nge A Luk E Uusue 16:16

Na a Jisas e heꞌi teꞌuri loꞌu, “Holaꞌinaꞌo mo Haꞌatolanga a Mosis na walana mo propet kire haataꞌinie tala hunie mwala. Taꞌe uure aana a Jon Loto Maaꞌi e lae mai, oto tarohaꞌinilana Tataroha Diana i sulie Aalahanga a God ko si lae. Na mo pulitaa ni iinoni hunge ko si meni eriꞌapasie silinge mai i laona aalahanga ngeena.

Tataroha Diana I Sulie A Jisas Kraes Nge A Luk E Uusue 16:29

“Taꞌe a Ebraham e teꞌuri, ‘Mo eesimu kire toꞌo aana oto mo Haꞌatolanga a Mosis na mo Uusu-uusu Maaꞌi mo propet hao huni saaiꞌi. Toliꞌaasie kire ke saaiꞌi maraada.’

Tataroha Diana I Sulie A Jisas Kraes Nge A Luk E Uusue 24:27

Oto a Jisas ko aehota luhesie hunirerue mo ola uusuleni e lae i sulie maraana i laona mo Haꞌatolanga a Mosis lae hule aana mo Uusu-uusu Maaꞌi mo propet.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Jon E Uusue 1:45

Oto a Pilip e lae haitalea a Nataniel, ko si teꞌuri hunie, “Melu lio oodoie oto a Kraes nge a Mosis e uusu-uusu i sulie i laona uusu-uusu aana mo Haꞌatolanga, na mo propet noꞌone kire uusu-uusu i sulie. Ingeie oto a Jisas ni Nasaret, kalena a Josep.”

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 13:15

Maholo mo mwane paine haahie nume ni palo-palo kire saaie uusu-uusu aana mo Haꞌatolanga a Mosis na mo Uusu-uusu Mo Propet, oto kire ko si dolosi aana Pol na mo malahune uuri, “Mo eesimeelu, mala uri omu ko toꞌo aana nga mei wala huni haꞌasusue saena mwala ie, na omu ke unue oto molana.”

Palonga 15:5

Taꞌe ngaeta mo Parise nge kire hiiwalaimoli oto aana a Jisas kire uure, oto kire ko teꞌuri, “E tohungei roroꞌa oto liutaa hunie mo Aapoloa Aaopa nge kire ko sare lulu i sulie a Jisas ke tola i sulie mo Haꞌatolanga a Mosis na kire ke torihesiꞌo.”

Palonga 19:23

Taꞌe i naꞌona e lae mwaanie leune nga maaola-olanga paine e rau i tehulaꞌana Tala Ni Meurihe.

Palonga 19:9

Taꞌe ngaeta mo iini aada kaꞌa sare hiiwalaimoli ike aana mei wala ienini. Na kire ko aehota ere aaelasie oto Tala Ni Meurihe i naꞌona mwala. Oto a Pol e lae mwaanire na ko toolea noꞌone mo pwaarongoisuli peꞌie. Na ko lai haꞌa-uusulire i sulie tolahana a Jisas mola susue dinge wau i laona nume ni sukulu a Tiranas.

Palonga 22:14

Oto ko teꞌuri loꞌu, ‘God mo weuwaka e lio hilisiꞌo hunie o ke saie nga taa e oalaꞌinie hunie o kei esuie, na hunie o ke leesie Koni-konihe Oodotaꞌi ingeie, na hunie o ke rongoa oto walana maraana.

Palonga 24:22

A Filiks mone e saenanau i sulie Tala Ni Meurihe, oto e haꞌamamaloa ere-erenga ko si teꞌuri, “Maholo a Lisias, poro paine haahie sinolai ramo ngeena, kei lae mai, nge ne ke si niie mei wala ooreta aana ere-erenga iꞌoe.”

Palonga 24:5

“Melu lio saie a mwane ie, ingeie nga mwane oto huni esuie aaelanga tarau, na ko esuie haꞌa-erenga i matolana mo Jiu aana taꞌena nga leu aana walumalau. Na ingeie ngaeta naꞌohai mwane aana pulitaa a Jisas ni Nasaret.

Palonga 25:8

Oto purihaꞌana a Pol ko si aalamire ko teꞌuri, “Nou kaꞌa da ike nga mei ola ke lae huꞌisie mo Haꞌatolanga mo Jiu, wa nga mei ola ke lae huꞌisie Nume Maaꞌi Peine, wa inemauri Peine ni Rom.”

Palonga 26:22

Taꞌe a God ko peꞌieu mola tarau hule mai siꞌiri. Oto aena urinena nou sai uure mola ni laeliwala nana mo iini mwai-mwei lae hule aana mo iini peine. Nou kaꞌa unue ike nga mei ola aaopa mwaanie nga taa mo propet na a Mosis kire unue kaꞌu kei reu.

Palonga 26:27

Oto a Pol ko teꞌuri hunie inemauri, “Akripa Inemauri, nou saie iꞌoe noꞌone o hiiwalaimoli aana walu ola nge mo propet kire uusuꞌi.”

Palonga 26:4

“Ahutana mo Jiu kire mani saie tolahai ola nge nou oꞌoꞌo aana i naꞌo, aehota oto aana maholo nou neꞌi mwela ue peꞌie mwala ineu, lai hule aana maholo nou hoꞌalaꞌi hunie i Jerusalem.

Palonga 26:6

Ineu, nou hiiwalaimoli aana mei heiholotaꞌinge nge a God e asuie peꞌie mo weuwemami oto i naꞌo, na aena mei olana mola nge kire ko sare leieu haahie siꞌiri ie.

Palonga 28:22

Na melu ko tohungei sare rongoa loꞌongaꞌinge iꞌoe sulie mwala aana taꞌena nga leu kire ko tohungei ere aaelasie hiiwalaimolinge aaopa ngeena.”

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 3:13

God mo weuwaka, iini a Ebraham na Aesak na Jekob kire mani palo-paloa oto waite, ingeie oto nge ko haꞌamanikuluꞌaa koni-konihe ingeie a Jisas. Taꞌe iꞌomu ni omu niie wau i nimana a Paelat hunie horoꞌilana maꞌalana a Paelat e sare toliꞌaasie hunie ke iiꞌo luhetaꞌi, taꞌe iꞌomu nge omu uure honosie mwaanie e toliꞌaasie.

Palonga 5:30

Na iꞌomu nge omu horoꞌie a Jisas aana omu uie i lengine poꞌu-poꞌu, taꞌe God nge mo weuwaka i naꞌo kire palo-paloa nge e taꞌea loꞌu mwaanie maenga.

Palonga 7:32

Ineu oto God mo weuwemiu, God a weuwe Ebraham na God a weuwe Aesak na God a weuwe Jekob nge kire ko palo-paloa. Eksodas 3:6 A Mosis ko tohungei eriri na ko meꞌu ni lio loꞌu weu hunie dunge.

Palonga 9:2

na ko haꞌatohu aana hunie ke uusue nga mo uusu-uusu hunie ke tooleꞌi weu aana huilume paine i Damaskas. Mo uusu-uusu ngeena kire unue uri mo rato aana mo nume ni palo-palo mo Jiu i leune ke peꞌie a Sol huni tapolie ahutana mo mwane na mo keni nge kire ko lulu i sulie Tala Ni Meurihe, na huni toolera loꞌu hunie haꞌaloilada taꞌau i Jerusalem.

Uusu-uusu A Pol Hurula'aa Hunie Mo Rom 1:9

No ko esu nana God aana ahutana saeku aani laeliwalanga aana Tataroha Diana i sulie a Kalena, na a God e leesie noꞌone uri nou kaꞌa mou-mou ike mwaanie aarengaꞌinge talamiu.

Uusu-uusu A Pol Hurula'aa Hunie Mo Rom 3:21

Taꞌe ie a God ko haataꞌinie tolaha ni oodotaꞌinge ingeie nge e asuie mwala ke neꞌi iinoni oodotaꞌi i maana. Mo Haꞌatolanga a Mosis na mo Uusu-uusu Maaꞌi mo propet kire lae peꞌi ere i sulie mei olana, taꞌe maꞌalana ke urine na oodotaꞌinge i maana a God e kaꞌa uure ike mai mwaanie lulu i sulilana mo Haꞌatolanga ngeena. !Haꞌike!

1 Korinit 11:19

Saꞌa mola mo oopanga ngeena ko haataꞌi diana aana taane mo iini ko lulu i sulie a God toꞌohuu, na mo iini ko lupweꞌi deu-deu mola.

Kalesia 5:20

Kire ko paloa mola mo god eero-eero, na kire ko deu i sulie mola mo liꞌoa aaela. Kire ko esuie mola maelonganga hunire hailiu, na haiseuninge, na heotaꞌinge. Kire ko maaola-ola aani saewasunge, na kire ko loꞌongaꞌinire mola maraada, na kire ko esuie mola oopanga, na kire neꞌie oto ngaeta pulitaa haꞌa-haꞌa-ere.

2 Timoti 1:3

No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

Taetas 3:10

Mala nga iini ko da oopanga hunie mwala, nge o ke haꞌa-oodohie mola. Taꞌe mala uri o ko haꞌa-oodohie oto haꞌarue na e kaꞌa sare rongo huniꞌo, nge o ke aatopuri mola aana.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”