Palonga 23:6 - Tataroha Diana

⁶ Ngaeta mo mwane aana pulitaa ni lei-lei ngeena ikire mo iini aana aapa mo Sadiusi, na ngaeta mo iini aana aapa mo Parise. A Pol e saie urine mone, oto ko ere paine hunire na ko teꞌuri, “Maeni eesiku, ineu ngaeta Parise ni ie, na mo weuweku mo Parise noꞌone. Na hiiwalaimolinge ineu uri a God kei taꞌea mo iini e mae. Na aena mei olana kaꞌu omu ko leieu haahie ie.”

Palonga 23:6 ပူးပေါင်းရင်းမြစ်များ

Matiu 10:16

Oto a Jisas ko heꞌi teꞌuri loꞌu hunie mo hurulaꞌaa, “Omu ke rongo kaꞌu. No ko uusungeꞌiniꞌomu i matolana mwala e oorahaꞌaa, na saeda huni horoꞌiꞌomu mala mo wawaulo ni meꞌesu ko seunie mo sipu. Aena ngeena omu ke saenanau aana mo tala ni horonga ikire, taꞌe iꞌomu, omu ke maneko mola mala hiroikuu.

Matiu 22:23

Oto loꞌu mola aana hai dingena, ngaeta mo Sadiusi kire lae mai saana a Jisas. Ikire mo Sadiusi ngeena kire hiiwalaimoli uri nga iini saꞌa taꞌelaꞌi ike loꞌu mwaanie maenga.

Matiu 3:7

Mwala hunge aana mo Parise na aana mo Sadiusi, ikire noꞌone kire lae mai saana hunie ke loto maaꞌi aada. Taꞌe maholo a Jon e leesie urine, e si teꞌuri hunire, “!Iꞌomu oto mo mwaa ala-ala! ?Omu ko loꞌo-loꞌongaꞌi uri mala omu ko loto maaꞌi haꞌalaa, omu ko tehisie saewasunge a God nge kei lae maine?

Palonga 22:3

“Ineu mwane ni Jiu ni ie. Nou hute aana huilume i Tasas aana poꞌo ni henue i Silisia, taꞌe nou peine oto mola i leu i Jerusalem. Haꞌa-haꞌa-uusuli ineu kaꞌu a Kamaliel nge kie ko meni haꞌa-haꞌamaꞌu aana, na e haꞌa-uusulieu hunie ne ke dau i sulie mo haꞌatolanga mo weuwaka. Na nou aꞌailaꞌa ni esu nana God, mala oto omu ko esuie siꞌiri.

Palonga 22:30

Poro paine haahie mae ngeena ko sare saie nga taa nge mo Jiu kire ko heliwala aana a Pol haahie. Oto e dangi hoꞌowa, e lokoa mo naꞌohai pris na pulitaa ni lei-lei, ko si luhesie a Pol mwaanie nume maꞌutaꞌa, na e toolea, ko lai haꞌa-uuresie i naꞌona pulitaa ni lei-lei.

Palonga 22:5

A Naꞌohana Mo Naꞌohai Pris na pulitaa ni lei-lei kire sai haꞌawalaimoliꞌaa mola walaku. Na ikire nge kire niie mo uusu-uusu nge kire uusuꞌi hunie mo mwane ikolu ni Damaskas. Na ineu nge nou lae wau i Damaskas huni tapolie mwala, na ni hoꞌosire aani iieli heu na huni toolera mai i Jerusalem huni haꞌaloire.

Palonga 23:1

A Pol e toꞌomaaie pulitaa ni lei-lei oto ko teꞌuri, “Maeni eesiku ni Israel, manataku e tahanie taane mola iiꞌonga ineu i naꞌona God lae mai hule siꞌiri.”

Palonga 23:15

Oto iꞌomu na mo mwane aana pulitaa ni lei-lei, omu ke uusungeꞌinie nga mei wala hunie poro paine haahie sinolai ramo ni Rom, hunie kire ke toolea mai a Pol i seemiu hunie ke leesiꞌomu. Taꞌe omu ke eero mola uri omu ko sare saie loꞌu ngaeta mo ola i sulie. Oto melu kei deu aakau huni horoꞌie i naꞌona kei hule i leu i seemiu.”

Palonga 23:20

Oto saanau ngeena ko teꞌuri, “Mo rato ni Jiu kire mani neꞌisae tararuru huni haꞌatohu eemu hunie o ke toolea a Pol i saana pulitaa ni lei-lei i hoꞌowa. Kire kei eero ni unue uri kire ko sare saie loꞌu nga mo ola i sulie.

Palonga 23:7

Maholo a Pol e ere urine mango, pulitaa ni lei-lei ko oopa oto peꞌie ere-haitelilinge i matolada mo Sadiusi na mo Parise,

Palonga 24:15

Na nou norutoꞌo noꞌone aana God mala mo rato ni mwane ngeena, uri ahutana iinoni, maꞌalana mo iinoni diana wa mo iini aaela, kire kei meni taꞌelaꞌi mwaanie maenga.

Palonga 24:21

mwaanie taꞌa-taꞌa mei wala mola ni nou unue i naꞌoda aana nou teꞌuri, ‘Hiiwalaimolinge ineu uri a God kei taꞌea mo iini e mae mwaanie maenga. Oto aena mei olana nge omu ko leieu haahie siꞌiri ie.’ ”

Palonga 28:20

Oto aena mei olana nge nou lokoꞌomu mei hunie ne ke ere i sulie peꞌiꞌomu. Ineu nou hiiwalaimoli aana a Kraes, iini nge ahutaka ikie mo Israel kie mani hiiwalaimoli aana uri kei haro haꞌa-uurikie. Oto aena mei olana nge hoꞌosileku e lae peꞌie iieli heu ienini.”

Pilipae 3:5

Ineu tohungei mwane ni Israel oto toꞌohuu. Nou hute mola aana komu a Benjamin, na ineu oto tohungei mei epu ni Hibru toꞌohuu. Aapa aana mo Haꞌatolanga a Mosis nou lulu i suliꞌi uure oto aana maholo nou mwei-mwei. Torihesiꞌonga ngeena kire asuie noꞌone aaku oto aana tohungana maholo hunie. Na nou tohungei lulu i sulie mo haꞌatolanga ngeena oto, hule aana nou neꞌie oto ngaeta Parise.

Kolosi 1:5

Omu ko deu diana oto urine, aana omu ko maaꞌoohi susutoꞌo mola hunie ilenimwaꞌenga nge a God e neꞌi diana aana oto loosiꞌomu taꞌau i Lengi ngeena. Haiholotaꞌinge a God huniꞌomu ngeena, omu holaꞌi rongoa oto mo wala toꞌohuu i sulie maholo omu aehota ni rongo i sulie Tataroha Diana a Jisas.

Hibru 6:19

Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.