Palonga 23:35 - Tataroha Diana

³⁵ ko si teꞌuri, “Mo mwane nge kire ko sare horoꞌiꞌo kire kei hule mai leu, nge ne ke si pwaarongo honosie mo ere-erenga iꞌomu.” Oto e si unue hunie mo ramo ingeie kire ke kakalie i laona nume paine ingeie nge a Herod e asuie holaꞌinaꞌo.

Palonga 23:35 ပူးပေါင်းရင်းမြစ်များ

Matiu 2:1

A Jisas e hute i Betlehem aana poꞌo ni henue i Jiudia, aana maholo a Herod Inemauri Peine ko aalaha. Oto loꞌu i purine a Jisas e hute, ngaeta mo mwane saenanau kire uure oto mai haꞌatau i pwaalana sato, kire ko lae oto mai hule aana hanue paine i Jerusalem. Mo mwane ngeena kire tohungei saenanau i sulie loꞌongaꞌinge aana mo heeꞌu taꞌau i salo.

Matiu 2:16

Maholo a Herod Inemauri Peine e saie uri saenanaunge mo mwane i pwaalana sato e liue oalaꞌinge aaela ingeie, e tohungei saewasu oto liutaa. Oto e si loꞌo-loꞌongaꞌinie nga taa mo mwane i pwaalana sato kire ere-ere i sulie maholo nge kire holaꞌi leesie ho heeꞌu ngeena. Oto e si uusungeꞌinie mo ramo aana mae ingeie hunie i Betlehem na mo henue loꞌu karaꞌinie, hunie kire ke horo mangoa ahutana mo mwela mwane kire si hute lae hule aana mo iini nge e ro halisi e mango oto aada.

Matiu 2:3

Maholo a Herod e rongoa mo wala ngeena, ko tohungei tolahiꞌe oto liutaa, na ahutana mo Jerusalem kire ko tolahiꞌe oto noꞌone peꞌie.

Matiu 27:27

Oto mo ramo kire toolea a Jisas i laona lolata ahuie toohi peine a Paelat. Kire si soie mai ahutana mo ramo aana pulitaa ikire, na kire mani ruru i saana a Jisas huni haꞌamwasi aana.

Tataroha Diana I Sulie A Jisas Kraes Nge A Jon E Uusue 18:28

Oto mola i waꞌalie i maahuꞌo-huꞌo, kire si toolea a Jisas mwaanie nume a Kaiapas hunie nume paine ni aalahanga mo Rom. Mo mwane paine ikire mo Jiu, kire ko haꞌahili-hili aena aana kire sare iiꞌo rereꞌa malisine Houlaa Ni Liumwaanie. Oto kire kaꞌa sare sili ike i laona nume ni aalahanga ngeena mwaanie kire waelie haꞌatolanga ikire aana kire sili i laona nume mo Aapoloa Aaopa, na urine kire loꞌuhangaꞌa oto.

Palonga 23:30

Na maholo nou rongoa uri kire ere toli loosi hunie, nge no ko tolana uusungeꞌinie oto wau i seemu ie. Na nou haꞌarongoa mo Jiu nge kire holaꞌi haꞌapelie ngeena uri kire ke haataꞌinie mo loꞌongaꞌinge ikire aamu.

Palonga 24:1

Oto e lime hai dinge e saro mango, a Ananaeas, Naꞌohana Mo Naꞌohai Pris na ngaeta mo rato ni Jiu na ngaeta mwane satana a Tetalas, kire lai hule wau i Sisaria. A Tetalas ngaeta mwane saenanau i sulie mo haꞌatolanga na e sai ere i naꞌona mo pulitaa ni lei-lei. Oto kire mani lae mai uure i naꞌona Aalaha Paine Filiks huni ere honosie a Pol.

Palonga 24:10

Oto a Filiks e salo aana kiꞌine hunie a Pol ke ere-ere, oto a Pol ko teꞌuri, “Poro paine, nou saie mo helisi hunge oto o ko leie mo heliwalanga iꞌemeelu mo Israel, oto no ko tohungei ilenimwaꞌe huni aalamie nga taa kire ko haꞌapelieu haahie.

Palonga 24:19

Taꞌe ngaeta mo Jiu aana poꞌo ni henue i Esia nge kire lae mai tapolieu. Mala ko toꞌohuu uri ineu nou deu huꞌisie nga mei ola, nge e malisine kire ke lae mai uure i naꞌomu huni haꞌapelieu aana mei ola ngeena.

Palonga 24:22

A Filiks mone e saenanau i sulie Tala Ni Meurihe, oto e haꞌamamaloa ere-erenga ko si teꞌuri, “Maholo a Lisias, poro paine haahie sinolai ramo ngeena, kei lae mai, nge ne ke si niie mei wala ooreta aana ere-erenga iꞌoe.”

Palonga 24:23

Na e unue ngaeta ramo paine haahie tangalai ramo ke kakalie a Pol, taꞌe ke lio rako aana a Pol na ke toliꞌaasie mo malahune ke peꞌie aana mo ola e saetoꞌo aani.

Palonga 25:16

“Taꞌe nou unue mola hunire uri tolahameelu mo Rom e kaꞌa urine ike huni haꞌaloie mwane mola mwaakule. Taꞌe leilana kei holaꞌi lae i naꞌona mo iini nge kire ko pwelu wala i lengine hunie ke toꞌo aana nga maholo huni aalamie ere-erenga ikire honosie.