Palonga 22:25 - Tataroha Diana

²⁵ Taꞌe maholo kire ko pwesue hunie kire kei repusie, a Pol ko si dolosi aana ngaeta poro paine haahie nga tangalai ramo nge e uure karaꞌinie, ko teꞌuri, “?Uri e malisine mola omu ke rapusie nga mwane ni Rom nge e kaꞌa dau huꞌisie ike nga mei ola?”

Palonga 22:25 ပူးပေါင်းရင်းမြစ်များ

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Matiu 8:8

Oto naꞌohai mwane aana mae ngeena ko teꞌuri, “!Haꞌike, aalaha ineu! Nou kaꞌa malisine ike uri o ke lai sili i nume ineu, taꞌe o ke unue mola nga mei wala na koni-konihe ineu kei awaa oto.

Palonga 10:1

Ngaeta mwane ni Rom e oꞌoꞌo wau aana huilume i Sisaria, satana a Konilias na ingeie ngaeta naꞌohai ramo haahie tangalai ramo aana pulitaa ni ramo nge kire haaraꞌinie aana, “Pulitaa mo Ramo ni Itali.”

Palonga 16:37

Taꞌe a Pol e teꞌuri mola hunie mo ramo ngeena, “Iꞌemereꞌi e ro mwane ni Rom ni ie, na kire tohungei waelie oto haꞌatolanga aana kire kaꞌa toliꞌaasiꞌemereꞌi huni ere luhesie nga mei ola hunire, taꞌe kire rapusiꞌemereꞌi mola mwaakule i maana mwala, na kire neꞌiꞌemereꞌi i laona nume ni hoꞌo. ?Oto e ue ni kire ko si sare toliꞌaasiꞌemereꞌi mola mumuni aana maholo ienini? !Haꞌike! E malisine ikire maraada ni kire kei haro lae mai huni haꞌa-iisitaangaꞌiniꞌemereꞌi mwaanie nume ni hoꞌo.”

Palonga 22:26

Maholo poro paine ngeena e rongo urine, ko si lae oto i saana poro paine haahie sinolai ramo ngeena na ko teꞌuri, “?Nga taa ni o ko sare da? !A mwane ngeena mwane ni Rom ni ngeena!”

Palonga 23:17

Oto a Pol e soie mai ngaeta mwane paine haahie tangalai ramo ni Rom ko si teꞌuri hunie, “O ke toolea saanau ie wau i saana poro paine haahie sinolai ramo, aana ko sare haꞌarongoa aana nga mei ola.”

Palonga 23:27

A mwane ie, mo rato ni Jiu kire tapolie, na kire ko karaꞌi horoꞌie oto, taꞌe nou lae mai peꞌie mo ramo ineu, oto nou lauhie aena nou saie ingeie ngaeta mwane ni Rom.

Palonga 25:16

“Taꞌe nou unue mola hunire uri tolahameelu mo Rom e kaꞌa urine ike huni haꞌaloie mwane mola mwaakule. Taꞌe leilana kei holaꞌi lae i naꞌona mo iini nge kire ko pwelu wala i lengine hunie ke toꞌo aana nga maholo huni aalamie ere-erenga ikire honosie.

Palonga 27:1

Maholo kire unue uri melu kei lae aana haka hunie poꞌo ni henue i Itali, kire si niie a Pol na ngaeta mo mwane nge kire ko iiꞌo i laona nume ni hoꞌo noꞌone hunie ngaeta ramo paine haahie nga tangalai ramo hunie ke kakalire. Ramo ngeena satana a Jiulias na ingeie aana pulitaa ni ramo kire haaraꞌinie “Pulitaa ni Ramo a Inemauri Peine ni Rom.”

Palonga 27:3

Oto aana dinge i puri nge melu si lai aarapuu aana huilume i Saedon. A Jiulias mone ko aamasie a Pol, oto e toliꞌaasie mola ke lai leesie mo malahune wau i leune hunie kire ke peꞌie aana taꞌena nga mei ola e saetoꞌo aana.

Palonga 27:43

Taꞌe ramo paine haahie tangalai ramo ngeena ko sare haꞌa-uurie a Pol, oto e uure honosie mo ramo mwaanie kire asuie mei neꞌisaenga ngeena. Taꞌe e unue mola mo iini nge kire sai oolo, kire ke husu mola i eesi hunie kire ke oolo i oone.