Palonga 22:14 - Tataroha Diana

¹⁴ Oto ko teꞌuri loꞌu, ‘God mo weuwaka e lio hilisiꞌo hunie o ke saie nga taa e oalaꞌinie hunie o kei esuie, na hunie o ke leesie Koni-konihe Oodotaꞌi ingeie, na hunie o ke rongoa oto walana maraana.

Palonga 22:14 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 15:16

Iꞌomu, omu kaꞌa lio hilisieu ike, taꞌe ineu ni nou lio hilisiꞌomu. Na nou niie mei esunge ie namiu, hunie omu ke hungu eeni hue-huei ola diana nge e sai iiꞌo huu. Oto aena leune, taꞌena nga mei ola omu ko sukaa mwaanie a Mamaꞌa aena aana omu norutoꞌo aaku, a Mamaꞌa ke si niie huniꞌomu.

Palonga 13:17

God ikie mo Israel, e lio hilisie mo weuwaka i naꞌo na e haꞌapainaꞌaa komu ikire aana maholo kire iiꞌo ni awataa i Ijip. Na aana nanamanga ingeie e saka nge e naꞌoda mwaanie poꞌo ni henue ngeena.

Palonga 22:15

Na iꞌoe oto iini ingeie huni tarohaꞌinie hunie mwala aana walu ola nge o leesiꞌi na o rongoꞌi ngeena.

Palonga 22:18

Na a Aalaha e ere uuri hunieu, ‘O ke lae oto lau-leu mwaanie i Jerusalem, aana mwala i leu kire saꞌa sare rongo ike hunie mo ola o ko unuꞌi i sulieu.’

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Palonga 26:16

O ke taꞌelaꞌi, na o ke uure hala-hala. No ko haataꞌi huniꞌo siꞌiri hunie o ke neꞌie koni-konihe ineu. O ke laengaꞌinie nga taa o ko leesie aaku siꞌiri, na nga taa ne kei haataꞌinie loꞌu eemu mai puri.

Palonga 5:30

Na iꞌomu nge omu horoꞌie a Jisas aana omu uie i lengine poꞌu-poꞌu, taꞌe God nge mo weuwaka i naꞌo kire palo-paloa nge e taꞌea loꞌu mwaanie maenga.

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Palonga 9:17

Oto a Ananaeas e lae oto, e lai sili weu i nume ngeena e si hele i pweune a Sol aana nimana, na ko teꞌuri, “!Aasiku, Sol! A Jisas nge e haataꞌi eemu maholo o lae mai sulie tala, ingeie oto a Aalaha na e uusungeꞌinieu mei ie hunie o ke lio-lio loꞌu, na hunie o ke honu aana Liꞌoa Maaꞌi.”

Uusu-uusu A Pol Hurula'aa Hunie Mo Rom 1:1

Saediananga mwaanieu a Pol, iinoni euꞌesu a Kraes Jisas. A God e lio hilisieu na e soieu hunie ne ke neꞌi hurulaꞌaa ingeie huni tarohaꞌinie Tataroha Diana a God.

1 Korinit 11:23

Aana mei haꞌa-uusulinge nge nou niie huniꞌomu i sulie ngau-maaꞌinge, nou toolea mwaanie a Aalaha. Oto aana hai rodo nge pwelolana Aalaha ikie a Jisas e lae, e hele aana ho bred,

1 Korinit 15:3

Aana mo eehuꞌi ola niilana e holaꞌi lae hunieu, oto nou haꞌarongoꞌomu eeni. A Kraes e mae honotana mo oorahaꞌaanga ikie, oto mala uusulana e lae i laona mo Uusu-uusu Maaꞌi.

1 Korinit 15:8

Oto i purine mo haataꞌinge ngeena e mango, nge ko si haataꞌi ooreta hunieu, maꞌalana nou kaꞌa malisine ke haataꞌi hunieu. Mala mwela e kaꞌa hute aana pongine aana tala nikana e kaꞌa loꞌongaꞌinie, ineu noꞌone nou hute haalu aana tala aaopa mwala e kaꞌa loꞌongaꞌinie. Ineu oto nou lai mwei-mwei liutaa aana mo hurulaꞌaa, aena aana nou teungeꞌinie kaꞌu soihaadaꞌinge a God. Oto nou kaꞌa malisine ike uri kire ke saieu aana nga hurulaꞌaa.

1 Korinit 9:1

?Oto e ue maeni eesiku? ?Uri omu kaꞌa saie ike uri ineu nou sai esuie noꞌone taꞌena nga ola a God e toliꞌaasie hunikie mo iinoni? !Omu saie taane! Na hule aana omu saie taane noꞌone oto uri ineu nga hurulaꞌaa ni ienini. Na loꞌu omu meni saie oto uri ineu nou leesie Aalaha ikie a Jisas aana maaku. Iꞌomu oto mo tolimaa aana asunge ineu nana a Aalaha, aana omu ko aehota hiiwalaimoli oto i tehulaꞌana asunge ineu.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Kalesia 1:12

Nou kaꞌa rongoa ike mwaanie nga iinoni wa uri nga iinoni ke haꞌa-uusulieu aana. A Jisas Kraes oto maraana ni e haataꞌinie aaku.

Kalesia 1:15

!Taꞌe lae-lae, a God e oolisie manataku! Aana manata-diananga a God e paine hunieu, na aana ko ilenimwaꞌe ni esuie urine, nge uure oto aana maholo na nou kaꞌa hute ue, taꞌe a God e oopaau oto huni esu nana.

2 Timoti 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa a Kraes Jisas, hunie ne ke tarohaꞌinie maurihe huu e haiholotaꞌinie hunie mo iini kire lado peꞌie Kalena, a Kraes Jisas.

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.