Palonga 21:33 - Tataroha Diana

³³ Maholo poro paine e lae mai hule i saana Pol oto e unue mo ramo ingeie kire ke tapolie na kire ke pwasue aana e ro iieli heu. Oto ko si dolosi aana mwala uuri, “?A tei mwane ni ie? ?Na nga taa ni e asuie?”

Palonga 21:33 ပူးပေါင်းရင်းမြစ်များ

Palonga 12:6

I upui rodo aana hai rodo i naꞌona hai dinge a Herod e loꞌongaꞌinie hunie kei leie a Pita, a Pita ko maꞌahu i matolana e ro ramo. Kire hoꞌosie aana e ro iieli heu, na ngaeta mo kakalihe kire uure noꞌone i aena maa aana nume ni hoꞌo.

Palonga 20:23

Nou saie mola aana ahutana mo huilume nge no ko hule aani, Liꞌoa Maaꞌi ko haꞌapasulieu taane aana uri kire kei haꞌaloieu na neꞌileku kei lae i laona nume ni hoꞌo.

Palonga 21:11

E lae mai saameelu oto e hele aana rorotoꞌoni a Pol na ko pwesue oto aeꞌaena na nimana maraana oto ko teꞌuri, “Liꞌoa Maaꞌi e unue uri mwala ni Jiu i Jerusalem kire kei pwesue iini nge e toꞌo aana rorotoꞌoni ienini uurini, na kire kei niie i nimana mo Aapoloa Aaopa.”

Palonga 22:29

Oto mwala nge kire dau-deu aakau huni dolosie mo dolosinge aana Pol peꞌie rapusilana, kire mani toliꞌaasie oto aana maholona. Na poro paine haahie sinolai ramo ngeena ko meꞌu oto, aana e dau huꞌisie haꞌatolanga aana e hoꞌosie nga tohungei mwane ni Rom aana iieli heu.

Palonga 22:30

Poro paine haahie mae ngeena ko sare saie nga taa nge mo Jiu kire ko heliwala aana a Pol haahie. Oto e dangi hoꞌowa, e lokoa mo naꞌohai pris na pulitaa ni lei-lei, ko si luhesie a Pol mwaanie nume maꞌutaꞌa, na e toolea, ko lai haꞌa-uuresie i naꞌona pulitaa ni lei-lei.

Palonga 25:16

“Taꞌe nou unue mola hunire uri tolahameelu mo Rom e kaꞌa urine ike huni haꞌaloie mwane mola mwaakule. Taꞌe leilana kei holaꞌi lae i naꞌona mo iini nge kire ko pwelu wala i lengine hunie ke toꞌo aana nga maholo huni aalamie ere-erenga ikire honosie.

Palonga 26:29

Oto a Pol ko teꞌuri, “Maꞌalana kele maholoi sato e oꞌoruꞌe wa ke tewa loꞌu, taꞌe no ko aare-aarea God hunie mwala nge omu ko pwaarongo hunieu siꞌiri omu ke mani sada peꞌieu. Taꞌe hoꞌosilemiu aani iieli heu haꞌalaa nge nou sereꞌinie ke rau eemiu.”

Palonga 28:20

Oto aena mei olana nge nou lokoꞌomu mei hunie ne ke ere i sulie peꞌiꞌomu. Ineu nou hiiwalaimoli aana a Kraes, iini nge ahutaka ikie mo Israel kie mani hiiwalaimoli aana uri kei haro haꞌa-uurikie. Oto aena mei olana nge hoꞌosileku e lae peꞌie iieli heu ienini.”

Epesas 6:20

Ineu i laona nume ni hoꞌo aana maholo ie aena aana nou tarohaꞌinie Tataroha Diana ngeena mala mwane auꞌesu oalana a God. Oto omu ke aarengaꞌi talaku mwaanie uri nou meꞌu ni tarohaꞌi loꞌu.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

2 Timoti 1:16

Taꞌe a Onesiporas e kaꞌa toliꞌaasieu ike, na e tohungei peꞌi-peꞌieu tarau na e kaꞌa masa ike honosieu maꞌalana nou oꞌoꞌo i nume ni hoꞌo. Aena urine nge no ko aarea a Aalaha ke haꞌadianaꞌaa uluhe ingeie.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.