Palonga 21:24 - Tataroha Diana

²⁴ na mo dinge aana haiholotaꞌinge ngeena e si mango mola. Oto o ke lae peꞌire hunie ahutemiu omu ke asuie palonga ni haꞌarereꞌanga. Na iꞌoe, o ke holie walu ola hunire mala suhi pweunge na ngaeta mo ola loꞌu hunie palonga ngeena. Mala o kei teꞌurine, nge ahutana mo Jiu nge kire rongoa mo laladonga i suliꞌo ngeena, kire kei saie nga mo ola toꞌohuu haꞌike aana kire kei lio saie uri o ko hele maꞌutaꞌa taane ue aana ahutana mo ola i sulie mo Haꞌatolanga a Mosis.

Palonga 21:24 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 11:55

Oto maholo ko karaꞌinie oto Houlaa Ni Liumwaanie ikire mo Jiu, mo iini hunge aana mo henue hailiu kire hanetaa taꞌau i Jerusalem i naꞌona Houlaa Ni Liumwaanie hunie haꞌarereꞌalada i sulie mo Haꞌatolanga a Mosis.

Tataroha Diana I Sulie A Jisas Kraes Nge A Jon E Uusue 3:25

Oto erenga haitapali ko aehota lae oto i matolana mo pwaarongoisuli a Jon na ngaeta mwane ni Jiu haahie mo Haꞌatolanga a Mosis i sulie haꞌahili-hilinge aani lotonga rereꞌa.

Palonga 18:18

Oto a Pol e iiꞌo tewa oto loꞌu peꞌie mo mwaasine i lalo aana Kraes i Korinit. Lae-lae e si loꞌongaꞌi huni lae loꞌu hunie poꞌo ni henue i Siria. A Prisila na Akuila kirerue hakusie aana laenga ngeena, na maholo kire hule i Senggria, a Pol e si pala oꞌoruꞌe aana iihune pwaune aena aana mo dinge aana haiholotaꞌinge maaꞌi ingeie kire si mango. Oto kire taꞌe aana haka,

Palonga 21:26

Oto e dangi hoꞌowa a Pol e lae peꞌie e hai mwane ngeena hunie kire ke asuie palonga ni haꞌarereꞌanga. Oto purihaꞌana, e si lae wau i Nume Maaꞌi Peine a God huni haꞌarongoa mo pris aana maholo uri taa nge e hiu hei dinge hunie haꞌarereꞌanga kei mango, hunie mo pris kei esuie mo uunu-olanga nada.

Palonga 24:18

Na i purine nou esu mangoa uunu-olanga ni haꞌarereꞌanga i naꞌona God, nge kire si leesieu wau i laona Nume Maaꞌi Peine. Na aana maholona nga mwala kaꞌa iiꞌo ike peꞌieu hunie kire ke da eꞌengonga.

1 Korinit 9:20

Maholo nou esu peꞌie mo Jiu, nou iiꞌo mola mala ngaeta mwane ni Jiu huni da kire ke hiiwalaimoli. Na maꞌalana nou kaꞌa iiꞌo oto i mamalutana mo Haꞌatolanga a Mosis, taꞌe maholo nou esu peꞌie mo Jiu i mamalutana mo Haꞌatolanga a Mosis ngeena, nou iiꞌo oto noꞌone mala ikire hunie ne ke peꞌire hunie kire ke hiiwalaimoli.