Palonga 20:4 - Tataroha Diana

⁴ Na ngaeta mo iini nge kire hakusie a Pol aana maholona, nga mwane ni Berea a Sopata, kalena a Piras, na e ro mwane ni Tesalonaeka, a Aristakas na a Sekandas, na e ro mwane ni Debe, a Gaeas na a Timoti, na e ro mwane aana poꞌo ni henue i Esia, a Tikikas na a Tropimas.

Palonga 20:4 ပူးပေါင်းရင်းမြစ်များ

Palonga 14:20

Taꞌe maholo mo pwaarongoisuli haalu aana hanuena kire lae mai uure kali-kelie, oto e uure i lengi, ko si lae mola wau i laona huilume. Oto aana hai dinge loꞌu i puri, nge a Pol na Banabas kire si lae loꞌu hunie huilume i Debe.

Palonga 14:6

Taꞌe maholo kirerue rongoa tataroha i sulie neꞌisaenga ikire ngeena, oto kirerue tahi mola hunie poꞌo ni henue i Likeonia. I leune kirerue ko si lae kalie loꞌu e ro huilume i Listra na i Debe

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 17:1

A Pol na Saelas kirerue lae i liu i huilume i Ampipolis na huilume i Apolonia kire si lai hule wau aana huilume i Tesalonaeka. Na mo Jiu kire toꞌo aana nga nume ni palo-palo noꞌone i leune.

Palonga 17:13

Taꞌe maholo mo rato ni Jiu weu i Tesalonaeka kire rongoa uri a Pol ko tarohaꞌinie loꞌu walana God taꞌau i Berea, kire lae mai kire ko si ere i saena mwala hunge loꞌu aana huilume ngeena hunie kire ke saewasulirerue.

Palonga 19:29

E kaꞌa tewa na ahutana mwala aana huilume ngeena kire ko maaola-ola oto. Oto kire mani huru weu i saana leu ni maa-maani ola, na ngaeta mo iini aada ko tapolie oto a Gaeas na Aristakas, na kire ko ookerarue oto wau aana leu ni maa-maani ola ngeena. E ro mwane ngeena, kirerue hakusie a Pol uure mwaanie poꞌo ni henue i Masedonia.

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

Palonga 20:16

A Pol e liue mola huilume i Epesas sulie e kaꞌa sare iiꞌo tewa ike aana poꞌo ni henue i Esia. Ko lae lau-leu hunie i Jerusalem sulie ko sare iiꞌo taꞌau i leune aana Houlaa Ni Pentekos.

Palonga 20:18

Maholo kire hule mai saana, oto ko teꞌuri hunire, “Omu saie oto tolahaku aana ahutana mo maholo nge no ko oꞌoꞌo peꞌiꞌomu, uure oto aana eetana nga hai dinge nge nou aehota hule aana poꞌo ni henue i Esia.

Palonga 21:29

Kire ko ere urine aena aana kire leesie kaꞌu a Tropimas, mwane aana mo Aapoloa Aaopa mwaanie huilume i Epesas, e lae-lae noꞌone peꞌie a Pol i laona huilume paine i Jerusalem. Oto kire ko loꞌongaꞌi takalo uri a Pol e toolea oto noꞌone mai a Tropimas i laona Nume Maaꞌi Peine.

Palonga 27:2

Ngaeta haka e uure aana huilume i Adramitiam, na ko deu aakau loꞌu huni lae aana ngaeta mo suꞌu aana poꞌo ni henue i Esia. Oto melu ko taꞌe aana haka ngeena peꞌie a Aristakas ngaeta mwane aana huilume i Tesalonaeka aana poꞌo ni henue i Masedonia aana ingeie ko hekusiꞌemeelu noꞌone. Melu meni taꞌe oto, na kire ko lalaaꞌinie oto pwana.

Uusu-uusu A Pol Hurula'aa Hunie Mo Rom 16:21

Oaku a Timoti nge mere ko esu tararuru, ko niie loꞌu mei wala ni saediananga wau huniꞌomu. Na a Lusias na Jeson na a Sosipata nge ikire ngaeta oolu mwane ni Jiu noꞌone mala ineu, kire ko meni niie mei wala ni saediananga noꞌone wau huniꞌomu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

Epesas 6:21

No ko uusungeꞌinie wau a Tikikas i seemiu hunie ke haꞌarongoꞌomu aana mo ola i suliꞌemeelu. Ingeie tohungei malahukaelu toꞌohuu, aana ingeie ngaeta mwane auꞌesu diana aana asunge a Aalaha ni ngeena. Oto a Tikikas nge ke si haꞌarongoꞌomu aana mo tataroha i sulieu na ke haꞌadodoa saemiu aana walana.

Pilipae 2:19

Nou norutoꞌo uri e saꞌa tewa ike taane i naꞌona Aalaha ikie a Jisas kei haꞌamwadaꞌue hunieu, huni uusungeꞌinie wau a Timoti i seemiu. Hunie ineu noꞌone ne ke hii kohi aani rongolana nga mo tataroha mwaaniꞌomu.

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

Kolosi 4:7

Maholo a Tikikas kei hule i seemiu, ingeie ke si haꞌarongoꞌomu taane loꞌu aana nga moi taa ko reu eeku aana maholo ienini. Ingeie ngaeta malahuku diana na ko tohungei peꞌi diana aaku aana asunge ienini nana Aalaha ikie.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

2 Timoti 1:2

Na no ko uusu-uusu oto ie huniꞌo kaleku Timoti, aana iꞌoe oto mwela maaꞌi ineu. No ko eitanaie a God Aamaka na a Kraes Jisas Aalaha ikie uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

2 Timoti 4:20

Mwane oamu a Erastas e kaꞌa lae ike mai peꞌieu, taꞌe e oore mola wau aana huilume i Korinit. Na ngaeta mwane oamu loꞌu, a Tropimas, nou lae mwaanie mola wau aana huilume i Maelitas aana mweitaꞌaa ko mataꞌi hiitoꞌo.

Taetas 3:12

No ko oalaꞌinie uri hunie ne kei uusungeꞌinie a Atemas wa a Tikikas wau i seemu huni oolisiꞌo wau i Krit. Maholo nga iini aadarue ko hule wau i seemu, nge o ke dau aahonga huni lae mai honosieu aana huilume i Nikopolis. Saeku ne ke iiꞌo wau i leune aana mo waro-waro wawai aana iihiꞌure.

Pilimon 1:24

Na mo mwane loꞌu nge kire ko meni esu noꞌone peꞌieu, a Mak, na a Aristakas, na a Demas, na a Luk, kire ko meni niie noꞌone saediananga ikire huniꞌomu.

3 Jon 1:1

Saediananga mwaanieu Rato ni mwane aana soihaadaꞌinge, huniꞌo Kaeas. Nou tohungei manata diana huniꞌo, malahuku diana ineu,