Palonga 20:34 - Tataroha Diana

³⁴ Na omu saie oto maraamiu uri e ro nimeku nge e raretaꞌinieu huni terie taꞌena nga mei ola nge nou saetoꞌo aana, na hule aana nou raretaꞌinie noꞌone mo iini kire iiꞌo peꞌieu.

Palonga 20:34 ပူးပေါင်းရင်းမြစ်များ

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

Palonga 19:22

Oto ko uusungeꞌinie a Timoti na Erastas, e ro mwane ko euꞌesu peꞌie hunie i Masedonia, na a Pol e kele iiꞌo loꞌu huni haꞌamangoa ngaeta mo ola aana poꞌo ni henue i Esia.

Palonga 19:29

E kaꞌa tewa na ahutana mwala aana huilume ngeena kire ko maaola-ola oto. Oto kire mani huru weu i saana leu ni maa-maani ola, na ngaeta mo iini aada ko tapolie oto a Gaeas na Aristakas, na kire ko ookerarue oto wau aana leu ni maa-maani ola ngeena. E ro mwane ngeena, kirerue hakusie a Pol uure mwaanie poꞌo ni henue i Masedonia.

Palonga 20:35

Aana ahutana asunge ineu, nou haataꞌinie oto huniꞌomu uri kolu ke asu aꞌailaꞌa tarau hunie kolu ke peꞌie mo iini nge kire mamaelaꞌa. Na kolu ke aamasitoꞌo aana mei wala a Jisas Aalaha ikie aana e teꞌuri, ‘Iini nge ko nii-nii, haꞌadianaꞌalana kei peine loꞌu liutaa aana mo iini ko hele aana mo niinge.’ ”

1 Korinit 4:12

Melu ko tohungei haꞌaweoꞌemeelu oto hiitoꞌo aani esunge. Maholo mwala ko ere ni hoꞌasinge huniꞌemeelu, melu ko ere ni haꞌadianaꞌara mola. Na maholo mwala ko teungeꞌiniꞌemeelu, melu ko esu susutoꞌo mola.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

Taetas 3:15

Ahutana mo iini mei leu peꞌieu kire ko sare niie saediananga ikire huniꞌo. Oto iꞌoe, o ke niie saediananga iꞌemeelu noꞌone hunie kira hiiwalaimoli wau i leune. No ko aarea God hunie hahuꞌana manata-diananga ingeie ke iiꞌo peꞌiꞌomu.