Palonga 20:33 - Tataroha Diana

³³ “Omu saie oto uri nou kaꞌa saehanalie ike nga mei toꞌoha wa nga kele mei ola aana toꞌolana nga iini aana taꞌena nga maholo.

Palonga 20:33 ပူးပေါင်းရင်းမြစ်များ

1 Korinit 9:12

Ngaeta mwala kaꞌu kire sai tola ola urine mwaaniꞌomu. Oto iꞌemereꞌi na e urine noꞌone mola, na hule aana e malisine uri mere ke roroꞌa loꞌu liutaa aana mwala ngeena. Taꞌe i sulie mere kaꞌa nine aani teꞌurine ike, oto aana maꞌalana walu ola ko aasaiꞌemereꞌi, mere kaꞌa sare aapwasu ike aani. Mere kaꞌa saetoꞌo aana ike nga mei ola ke liu honosie loꞌu Tataroha Diana i sulie a Kraes.

1 Korinit 9:15

Taꞌe maꞌalana e toꞌohuu taane oto urine, no ko tohalaꞌi mola aana uri nou kaꞌa toolea ike taꞌena nga mei ola mwaaniꞌomu. Oto ie nou kaꞌa uusu-uusu ike hunie omu ke nii-nii nekue urine. !Nou sereꞌi! Aana e lai diana hunieu uri hunie ne ke mae oto, taꞌe nga iini eemiu ke suꞌuri unue uri no ko esu mola huni toꞌoha. Mala uri omu ko ere urine, nge omu ko da uri toohaꞌinileku ke totowai mola.

1 Korinit 9:18

?Oto nga waaite uri taa nge ne kei toolea aana asunge ienini? Waaiteku nge oto mola ie, saemangonga. No ko tohungei saemango aana no ko nii mwaakule aana Tataroha Diana hunie ahutana mwala. No ko tarohaꞌi hunire na nou kaꞌa haataꞌinie ike nanamanga nou toꞌo aana huni toolea nga mei ola mwaanire.

1 Korinit 9:4

No ko esu keꞌu oto mala nga hurulaꞌaa. ?Na e ue nou saꞌa unue mwala ke peꞌieu aani ngeulaa?

2 Korinit 11:7

Nou kaꞌa lae ike peꞌi sukaa nga mei ola mwaaniꞌomu maholo nou tarohaꞌinie Tataroha Diana a God namiu, taꞌe nou haꞌamwai-mweiꞌaau oto mola uri hunie omu ke neꞌi iinoni peine na iinoni diana. ?Ohe nou deu aaela ni urine?

2 Korinit 11:9

Oto aana maholo nou iiꞌo hao peꞌiꞌomu, nou kaꞌa loꞌohie ike nga mei ola aamiu. !Haꞌike! Taꞌe mo mwaasine aani hiiwalaimolinge nge kire oꞌoꞌo mai aana poꞌo ni henue i Masedonia ni kire lae hao i Korinit huni peꞌieu aana mei toꞌoha. Nou tohungei kinetaꞌinie tolahaku mwaanie nou da nga mei hiꞌelaa huniꞌomu aana taꞌena nga mei ola, na ne kei lae taraꞌasi oto mola urine.

2 Korinit 7:2

Omu ke haataꞌinie oto uri omu manata diana huniꞌemeelu, aana iꞌemeelu, melu kaꞌa dau aaelasie ike nga mei ola aana nga iini. Melu kaꞌa waelie ike nga iini, wa melu ke haꞌamweꞌu-mweꞌue nga iini. Ngaeta mo iini eemiu ko haꞌapeliꞌemeelu urine, taꞌe e kaꞌa toꞌohuu ike.

1 Tesalonaeka 2:5

Na oto mala omu saie, melu kaꞌa lupweꞌi laheꞌomu ike mola aani wala diana huni haꞌa-olaꞌomu. !Haꞌike! A God e saie taane oto noꞌone uri melu kaꞌa saehanalie ike mo ola diana iꞌomu,

1 Pita 5:2

Oto no ko sare haꞌananauꞌomu uri omu ke lio i suli diana aana mo iinoni nge a God e neꞌire i laona nimemiu huni lio i suli diana aada mala kakali sipu ko lio i sulie amaa ni sipu ingeie. Oto omu ke lio i suli diana aana soihaadaꞌinge a God oto aani mwaꞌe-mwaꞌenga mala e saetoꞌo aana omu ke asuie. E kaꞌa diana ike uri omu ke asu mola mala omu ko esu uei waaite. !Haꞌike! Omu ke asu oto aena aana omu tohungei mwaꞌe-mwaꞌe toꞌohuu huni peꞌire.

3 Jon 1:7

E diana aana o ko peꞌire urine aena aana maholo kire aehota peꞌie mei esunge ienini huni tarohaꞌinie a Jisas Kraes, kire oalaꞌinie uri kire saꞌa toolea ike nga mei niinge mwaanie mo iini kire kaꞌa hiiwalaimoli ike aana a Jisas.