Palonga 20:32 - Tataroha Diana32 Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie. အခန်းကိုကြည့်ပါ။ |
Palonga 20:32
37 ပူးပေါင်းရင်းမြစ်များ
Oto kirerue taꞌe aana ngaeta haka, kire si eelihoꞌi loꞌu hunie i Antiok aana poꞌo ni henue i Siria. Kirerue ko eelihoꞌi ngeena takoie soihaadaꞌinge nge e uusungeꞌinire kaꞌu huni tarohaꞌinie Tataroha Diana, na kire niirerue kaꞌu i nimana a God hunie ke kinetaꞌinirerue aana asunge kirerue si haꞌamangoa ngeena.
hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’
Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.
Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.
?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,
Aana kie toꞌo aana oto Liꞌoa Maaꞌi, kie sai diana aana uri kie kei toꞌo aana oto walu ola nge a God e haiholotaꞌiniꞌi oto mai naꞌo huni niiꞌi naka. Aana e urine kaꞌu a God kei da noꞌone hunie kie ke tohungei iiꞌo luhetaꞌi oto toꞌohuu peꞌie, na ahutana mwala ke lahea God, iini e hahuꞌei diana liutaa.
na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.
Iꞌomu, omu saie oto maraamiu uri mwala nge kire ko talei deu taꞌewau mola peꞌie taꞌena nga iinoni, na kire ko lae peꞌi esuie mola taꞌena nga ola aaela urine, kire kaꞌa toꞌo aana ike nga leu talada i laona mauringe nge a Kraes na a God kirerue ko aalaha haahie. Na e urine noꞌone hunie mo iini nge kire ko talei sae-saehanalie mola toꞌo-toꞌolana ngaeta mwala, aana mo iini urine kire ko paloa mola mo god eero-eero ni ngeena.
Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.
A Kraes e mae honotana mo oorahaꞌaanga nge mwala e dau-deuꞌi aana maholo kire iiꞌo ue i melutana haiholotaꞌinge holaꞌinaꞌo ngeena. Na aana maenga, nge a Kraes e haꞌawalaimoliꞌaa haiholotaꞌinge haalu a God ngeena, uri hunie mwala nge a God e soire oto mai i saana, kire ke helesie nga taa e haiholotaꞌinie hunire. Na mei olana oto maurihe huu taꞌau i Lengi.
ကြော်ငြာတွေ