Palonga 20:31 - Tataroha Diana

³¹ Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

Palonga 20:31 ပူးပေါင်းရင်းမြစ်များ

Matiu 13:25

Oto aana ngaeta hai rodo, maholo ahutana mwala ko maꞌahu mango oto, maelonga ingeie e lae mumuni mei, ko hesie mo rea mola i matolani, ko si tehi mwaaniꞌi.

Matiu 3:7

Mwala hunge aana mo Parise na aana mo Sadiusi, ikire noꞌone kire lae mai saana hunie ke loto maaꞌi aada. Taꞌe maholo a Jon e leesie urine, e si teꞌuri hunire, “!Iꞌomu oto mo mwaa ala-ala! ?Omu ko loꞌo-loꞌongaꞌi uri mala omu ko loto maaꞌi haꞌalaa, omu ko tehisie saewasunge a God nge kei lae maine?

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 19:8

A Pol e lae-lae i laona nume ni palo-palo mo Jiu, na e lae peꞌi ere hiitoꞌo hunie mwala i sulie e oolu waro-waro. Aana ko deu aahonga noꞌone huni haꞌa-aaliꞌue mwala hunie kire ke aaliꞌu mei takoie Aalahanga a God.

Palonga 20:11

Oto a Pol e aalihoꞌi loꞌu taꞌau i lengi, ko si nisie ho bred na kire ko meni ngeu maaꞌi tararuru oto. Na ko heꞌi haꞌa-uusulire loꞌu hule aana e dangi, nge e si lae oto mwaanire.

Palonga 20:19

No ko esuie asunge Aalaha aani haꞌamwai-mweiꞌalaku na peꞌie ngaranga. Na nou sapesalu hiitoꞌo aana maholo mo Jiu kire ko deu ni horoꞌieu.

Palonga 20:7

Oto i rodo aana eetana nga dinge purine Dinge Maaꞌi Mo Jiu, melu loko huni aarengaꞌi na ni ngeu tararuru aana ngaunge huni aamasitoꞌo aana maelana Kraes. A Pol e saie mone uri kei lae oto mwaanie soihaadaꞌinge ngeena aana kei dengi i hoꞌowa, oto ko haꞌa-haꞌa-uusulire aana walana God hule oto i upui rodo.

Palonga 24:17

“Nou lae mwaanie i Jerusalem mo helisi hunge e mango oto, oto nou eelihoꞌi loꞌu mei huni tola toꞌoha nana mo iinoni ineu ni Israel nge kire ko siꞌohaꞌa, na huni uunu ola hunie a God.

1 Korinit 4:14

Nou kaꞌa unue ike mo ola ienini huni haꞌamasaꞌomu, taꞌe huni haꞌananauꞌomu mala mo mwela maaꞌi ineu.

Pilipae 3:18

Aana mwala hunge kire ko unue uri kire hiiwalaimoli oto aana a Kraes, taꞌe aana iiꞌonga ikire e haataꞌinie uri ikire mo maelonga mola hunie Tataroha Diana i sulie maelana a Kraes i lengine poꞌu-poꞌu. Nou ere mango kaꞌu oto i sulie mei ola ngeena huniꞌomu i naꞌo, na no ko heꞌi ere ngara-ngara loꞌu aana.

Kolosi 1:28

Aena urine, melu ko tarohaꞌinie Tataroha Diana ienini i sulie a Jisas Kraes hunie taꞌena nga iinoni. Oto aana saenanaunge diana a God, melu ko lae peꞌi haꞌapasulire na peꞌi haꞌananaure uri hunie kire ke lae mai saana God, na hunie kire ke mani neꞌi rato i sulie tolahana a Kraes.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

2 Tesalonaeka 2:5

?Oto e ue? ?Uri omu pulongosie mola nou unu tahangaꞌinie oto ahutana walu ola oodoiꞌomu aana maholo nou oꞌoꞌo ue peꞌiꞌomu?

2 Tesalonaeka 3:8

Na melu kaꞌa totola mwaakule ike aana nga mei ngeulaa mwaanie mwala, taꞌe melu haro holi-holiꞌi mola. Oto melu esu susue mola aatowaa na rodo mwaanie nga iini eemiu e tolahiꞌe loꞌu aana nga mei ola.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”