Palonga 20:27 - Tataroha Diana

²⁷ Aana maholo nou iiꞌo peꞌiꞌomu nou kaꞌa maꞌu ike huni unu tahangaꞌinie walu ola a God a saetoꞌo aana omu ke saiꞌi.

Palonga 20:27 ပူးပေါင်းရင်းမြစ်များ

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Tataroha Diana I Sulie A Jisas Kraes Nge A Luk E Uusue 7:30

Taꞌe mo iini nge kire sereꞌinie uri a Jon ke loto maaꞌi aada mala mo Parise na mo haꞌa-uusuli aana mo Haꞌatolanga a Mosis, ikire maraada kire waelie mola neꞌisaenga diana a God hunire.

Tataroha Diana I Sulie A Jisas Kraes Nge A Jon E Uusue 15:15

Nou kaꞌa saiꞌomu ike loꞌu aana mo koni-konihe, aena aana koni-konihe e kaꞌa saie ike nga taa aalaha ingeie ko loꞌo-loꞌongaꞌinie. Taꞌe no ko saiꞌomu uri maeni malahuku, na ahutana walu ola nou rongoꞌi mwaanie Aamaku, nou haꞌarongoꞌomu oto aani.

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

Palonga 2:23

Na a God e lae oto i sulie oalaꞌinge ingeie mala e loꞌongaꞌinie uure oto mai naꞌo maholo e toliꞌaasie uri omu ke tapolie a Jisas hunie horoꞌilana. Oto omu si niie i laona nimada mo puꞌo, na kire horo maesie i lengine poꞌu-poꞌu.

Palonga 20:20

Na omu saie oto uri no ko tarohaꞌinie Tataroha Diana huniꞌomu, na nou haꞌa-uusuliꞌomu i maana mwala na loꞌu i laona mo nume iꞌomu. Taꞌe nou kaꞌa maꞌu ni unu haadaꞌi aana ahutana walu ola nge kire sai peꞌiꞌomu.

Palonga 20:35

Aana ahutana asunge ineu, nou haataꞌinie oto huniꞌomu uri kolu ke asu aꞌailaꞌa tarau hunie kolu ke peꞌie mo iini nge kire mamaelaꞌa. Na kolu ke aamasitoꞌo aana mei wala a Jisas Aalaha ikie aana e teꞌuri, ‘Iini nge ko nii-nii, haꞌadianaꞌalana kei peine loꞌu liutaa aana mo iini ko hele aana mo niinge.’ ”

1 Korinit 11:23

Aana mei haꞌa-uusulinge nge nou niie huniꞌomu i sulie ngau-maaꞌinge, nou toolea mwaanie a Aalaha. Oto aana hai rodo nge pwelolana Aalaha ikie a Jisas e lae, e hele aana ho bred,

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Kalesia 4:16

?Uri i sulie no ko unue mo ola toꞌohuu huniꞌomu nge omu kaꞌa sare lio loꞌu takoieu, wa omu ko loꞌongaꞌinieu mala uri ineu maelonga iꞌomu?

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

1 Tesalonaeka 2:4

!Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.