Palonga 20:23 - Tataroha Diana

²³ Nou saie mola aana ahutana mo huilume nge no ko hule aani, Liꞌoa Maaꞌi ko haꞌapasulieu taane aana uri kire kei haꞌaloieu na neꞌileku kei lae i laona nume ni hoꞌo.

Palonga 20:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 16:28

Aana nou toꞌo aana e lime aasiku hao, na e diana uri a Lasaros ke haꞌapasulire mwaanie kire lae loꞌu poi aana leu ni haꞌamotaahinge ie.’

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

Palonga 20:21

Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 21:11

E lae mai saameelu oto e hele aana rorotoꞌoni a Pol na ko pwesue oto aeꞌaena na nimana maraana oto ko teꞌuri, “Liꞌoa Maaꞌi e unue uri mwala ni Jiu i Jerusalem kire kei pwesue iini nge e toꞌo aana rorotoꞌoni ienini uurini, na kire kei niie i nimana mo Aapoloa Aaopa.”

Palonga 21:33

Maholo poro paine e lae mai hule i saana Pol oto e unue mo ramo ingeie kire ke tapolie na kire ke pwasue aana e ro iieli heu. Oto ko si dolosi aana mwala uuri, “?A tei mwane ni ie? ?Na nga taa ni e asuie?”

Palonga 21:4

Oto melu si lai heitalea mo pwaarongoisuli weu i leune, na melu ko iiꞌo oto peꞌire hunie e hiu hei dinge. Na aena aana nga taa a Liꞌoa Maaꞌi e haataꞌinie hunire, kire ko haꞌa-haꞌapasulie a Pol uri ke suꞌuri lai hule taꞌau i Jerusalem.

Palonga 8:29

Oto Liꞌoa Maaꞌi ko teꞌuri hunie a Pilip, “O ke lae i hekusie mwane aana taetahe waune.”

Palonga 9:16

Na ineu maraaku, ne kei haataꞌinie hunie uri ke sapesalu oto hiitoꞌo i tehulaꞌaku.”

1 Tesalonaeka 3:3

Melu sereꞌinie uri nga iini eemiu ke toli puri aana hiiwalaimolinge ingeie i tehulaꞌana taungeꞌinilemiu nge ko lae ngeena. Iꞌomu maraamiu na omu saie oto uri taungei ola mala ngeena kei reu urine aaka,

1 Timoti 4:1

Liꞌoa Maaꞌi e unu tahangaꞌinie oto uri aana mo maholo ko lae mai mwala oto hunge kire kei toliꞌaasie oto hiiwalaimolinge ikire aana a Jisas, na kire kei lae mola i sulie mo haꞌa-uusulinge eero-eero mo liꞌoa aaela.

2 Timoti 2:12

Mala uri kie ko iiꞌo susuleꞌi mola aana hiiwalaimolinge maꞌalana kie ko sapesalu, nge kie sai aalaha noꞌone mola peꞌie. Taꞌe mala uri kie ko taateingeꞌinie uri kie kaꞌa saie ike a Kraes, nge ingeie kei taateingeꞌinikie noꞌone uri e kaꞌa saikie.