Palonga 20:21 - Tataroha Diana

²¹ Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Palonga 20:21 ပူးပေါင်းရင်းမြစ်များ

Matiu 3:2

“Omu ke aaliꞌu toꞌohuu mwaanie oorahaꞌaa aena aana Aalahanga a God ko karaꞌini oto mai.”

Matiu 4:17

Uure aana maholona a Jisas e lai iiꞌo i Kapaneam, na ko aehota lae-laeliwala uuri, “Omu ke aaliꞌu mwaanie mo oorahaꞌaanga iꞌomu aena aana Aalahanga a God ko karaꞌini oto mai.”

Tataroha Diana I Sulie A Jisas Kraes Nge A Mak E Uusue 1:15

Na e ere uurini, “E hule oto aana pongi nge holosilana e lae, uri Aalahanga a God e karaꞌini oto. Omu ke aaliꞌu mwaanie mo oorahaꞌaanga iꞌomu, na omu ke hiiwalaimoli aana Tataroha Diana.”

Tataroha Diana I Sulie A Jisas Kraes Nge A Mak E Uusue 6:12

Oto mo pwaarongoisuli kire ko lae oto i tarohaꞌinie oodoie mwala uri kire ke oonisae na aaliꞌu oto mwaanie mo oorahaꞌaa ikire.

Tataroha Diana I Sulie A Jisas Kraes Nge A Luk E Uusue 13:3

!Haꞌike oto ooꞌoo! Na no ko unue oto huniꞌomu uri mala omu kaꞌa oolisie saemiu na omu ke toliꞌaasie tolahai iinoni aaela iꞌomu ngeena, omu kei meni mae noꞌone mola mala ikire.

Tataroha Diana I Sulie A Jisas Kraes Nge A Luk E Uusue 13:5

!Haꞌike oto ooꞌoo! Na no ko unue oto huniꞌomu uri mala omu kaꞌa oolisie saemiu na tolahamiu, omu kei meni mae noꞌone mola mala ikire.”

Tataroha Diana I Sulie A Jisas Kraes Nge A Luk E Uusue 15:10

No ko unue huniꞌomu uri kei urine noꞌone taꞌau i Lengi. Aana mo ensel a God kire kei ilenimwaꞌe haahie nga taꞌa-taꞌa iini ni oorahaꞌaa ko oonisae oto mwaanie tolahana e tataꞌala.”

Tataroha Diana I Sulie A Jisas Kraes Nge A Luk E Uusue 15:7

Oto no ko unue huniꞌomu uri kei urine noꞌone taꞌau i Lengi. Aana ilenimwaꞌenga haahie nga taꞌa-taꞌa iini ni oorahaꞌaa ko oonisae oto mwaanie tolahana e tataꞌala, kei peine loꞌu liutaa aana ilenimwaꞌenga haahie siwe aawalai iinoni mwana siwe kire unue uri kire oodotaꞌi na kire kaꞌa toꞌo aana ike nga mei ola aaela huni oonisae mwaanie.”

Tataroha Diana I Sulie A Jisas Kraes Nge A Luk E Uusue 16:28

Aana nou toꞌo aana e lime aasiku hao, na e diana uri a Lasaros ke haꞌapasulire mwaanie kire lae loꞌu poi aana leu ni haꞌamotaahinge ie.’

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Tataroha Diana I Sulie A Jisas Kraes Nge A Jon E Uusue 3:36

Oto iini ko hiiwalaimoli aana a Kale e hele aana oto maurihe huu eena. Taꞌe iini nge e kaꞌa hiiwalaimoli ike aana a Kale, e saꞌa roroꞌa ni hele aana oto maurihe ngeena, taꞌe kei iiꞌo huu oto i mamalutana saewasunge a God.

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 11:18

Na maholo kire rongoa a Pita ko ere-ere, oto kire kaꞌa unue ike loꞌu nga mei wala i sulie. Taꞌe kire ko lahea mola a God na kire ko teꞌuri, “!Maꞌalana mo Aapoloa Aaopa taꞌe a God e saetoꞌo aada noꞌone hunie kire ke oonisae na hunie kire ke toꞌo aana maurihe huu!”

Palonga 16:31

Oto kire ko teꞌuri hunie “O ke hiiwalaimoli mola aana a Jisas aana ingeie oto Aalaha, na a God ke si haꞌa-uuriꞌo, na e urine noꞌone hunie uluhe iꞌoe.”

Palonga 17:30

Wau i naꞌo maholo mwala kire kaꞌa lio saie ue a God, e kaꞌa haꞌaloire ike. Taꞌe maholo ienini nge ko tohungei ere hiitoꞌo hunie ahutana mwala i laona walumalau uri kire ke oonisae mwaanie mo oorahaꞌaa ikire.

Palonga 19:17

Maholo tataroha i sulie mei ola ienini e lai hule aana mwala ni Epesas, oto mo Jiu na mo Aapoloa Aaopa, kire ko meni meꞌu oto, na kire ko si haꞌamaꞌu aana satana Jisas Aalaha ikie.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 2:40

Mo wala hunge a Pita e unuꞌi hunire na e ere hiitoꞌo noꞌone hunire uuri, “Omu ke lio talamiu mwaanie haꞌaloilemiu e lae mala kei lae hunie mo iinoni aaela aana maholo ienini.”

Palonga 20:23

Nou saie mola aana ahutana mo huilume nge no ko hule aani, Liꞌoa Maaꞌi ko haꞌapasulieu taane aana uri kire kei haꞌaloieu na neꞌileku kei lae i laona nume ni hoꞌo.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 24:24

Oto purine ngaeta mo dinge e haro mango loꞌu, a Filiks e ooli loꞌu mei i Sisaria peꞌie huꞌe ingeie, keni ni Jiu satana a Drusila. Oto a Filiks e uusungeꞌinie ngaeta mo mwane huni lai toolea mai a Pol, na kirerue ko si pwaarongo i sulie maholo ko ere i sulie hiiwalaimolinge aana a Jisas Kraes.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 26:20

Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Palonga 8:25

Oto maholo a Pita na a Jon kire unu mangoa walana Aalaha na mo erenga ikirerue, kire si lae loꞌu hunie i Jerusalem. Na i laona mo henue hunge nge kirerue ko liuhiꞌi i Samaria, kirerue ko houleꞌinie noꞌone walana God hunie mwala.

Uusu-uusu A Pol Hurula'aa Hunie Mo Rom 1:14

Aana asunge ineu ie mei esunge huni peꞌie ahutana mwala, maꞌalana ikire mo iini manata wa haꞌike, na maꞌalana ikire mo iini puꞌosasu wa kire saenanau, taꞌe Tataroha Diana a Jisas ke lae hunie ahutana mwala.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 10:9

aana haꞌa-uurilemu ke lae mala uri o ko hiiwalaimoli toꞌohuu i laona manatamu uri a God e taꞌelaꞌinie a Jisas mwaanie maenga, na o ko houleꞌinie aana ngidumu uri a Jisas ingeie oto Aalaha iꞌoe.

Uusu-uusu A Pol Hurula'aa Hunie Mo Rom 2:4

A God e tohungei saediana huniꞌomu, na e kaꞌa sai saewasu lau-leu ike, taꞌe ko tohungei toli rako mola peꞌiꞌomu. !Taꞌe iꞌomu, omu ko neꞌi-neꞌisae mwakataꞌinie mola tolahana! ?Aana e ue? ?Uri omu kaꞌa lio-lio saie ike uri a God e tohungei diana huniꞌomu urine, aena aana ko niie nga kele maholo huniꞌomu hunie uri omu ke oonisae mwaanie mo tolahai ola aaela iꞌomu?

Uusu-uusu A Pol Hurula'aa Hunie Mo Rom 4:24

taꞌe walaimolinge aana e aaluhikie noꞌone. Aana mei wala ienini ko peꞌikie, mo iini kie hiiwalaimoli aana God nge e taꞌelaꞌinie a Jisas Aalaha ikie mwaanie maenga, hunie kie ke sai diana aana uri ikie noꞌone kie sai neꞌie iinoni oodotaꞌi i maana God i tehulaꞌana hiiwalaimolinge ikie.

Uusu-uusu A Pol Hurula'aa Hunie Mo Rom 5:1

Oto aana haꞌa-oodohilaka e lae oto urine i sulie hiiwalaimolinge ikie aana God, nge kie ko iiꞌo ni henuelama oto peꞌie a God. Walu ola urine e rau mola hunikie i tehulaꞌana a Jisas Kraes Aalaha ikie,

1 Korinit 1:22

Mo Jiu, saeda mola hunie uri kire ke leesie nga mo tolimaa ni nanamanga, na mo Aapoloa Aaopa ko sare rongoa mola nga mo loꞌongaꞌinge ni saenanaunge, uri hunie kire ke si eeliꞌu takoie a God.

2 Korinit 7:10

Aana saehuunge a God ko ilenimwaꞌe haahie ngeena ko da iinonine ko oonisae na ko oolisie tolahana oto takoie tala ni meurihe. Oto kie saꞌa saehuu ike haahie taungei saehuunge urine. Taꞌe maholo iinoni ko saehuu mola i sulie tolaha ni welumalau, nge maenga mola i leune, aana saehuunge urine e kaꞌa peꞌie ike iinonine hunie ke oonisae.

Kalesia 2:16

Oto maholo ie kolu manataꞌinie oto uri haꞌa-oodohilana iinoni e sai lae mola peꞌie a God aani hiiwalaimolinge aana a Jisas Kraes, na e kaꞌa ike i sulie lulu i sulilana mo Haꞌatolanga a Mosis. Aena ngeena ikolu noꞌone, kolu hiiwalaimoli aana a Jisas Kraes. Kolu hiiwalaimoli uri haꞌa-oodohilakaelu ke si lae peꞌie a God i tehulaꞌana hiiwalaimolinge ikolu aana Kraes, na e kaꞌa ike aani deu i sulilana mola mo Haꞌatolanga. Aana nga taꞌa-taꞌa iini haꞌa-oodohilana e saꞌa lae ike peꞌie a God aani deu i sulilana nga taa mo Haꞌatolanga e unue.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Kalesia 3:22

Taꞌe e kaꞌa urine ike, aena aana mo Uusu-uusu Maaꞌi e unue uri oorahaꞌaa e roroꞌie ahutana mwala aana walumalau. Oto aena urinena nga tala loꞌu hunie kie ke helesie mo heiholotaꞌinge a God haꞌike loꞌu, taꞌe hiiwalaimolinge aana a Jisas Kraes oto haꞌalaa.

Epesas 1:15

Aena urinena, uure oto aana maholo nou rongoa uri omu hiiwalaimoli aana Aalaha ikie a Jisas, na uri omu tohungei manata diana hunie mo iinoni a God,

Kolosi 2:5

Aana maꞌalana nou kaꞌa iiꞌo ike peꞌiꞌomu aani sape, taꞌe ineu taane peꞌiꞌomu aani liꞌoa, na no ko ilenimwaꞌe huni leesie iiꞌolamiu e diana na hiiwalaimolinge iꞌomu e aꞌailaꞌa taane aana a Kraes.

Pilimon 1:5

No ko aama-aamasitoꞌo aamu sulie no ko rorongoa uri o ko tohungei manata diana liutaa hunie ahutana mwala a God, na hiiwalaimolinge iꞌoe e susu i lalo aana Jisas Aalaha ikie.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.

1 Jon 5:5

?A tei ni e aꞌailaꞌa honosie walumalau? Iini nge ko hiiwalaimoli uri a Jisas ingeie Kalena God haꞌalaa.