Palonga 20:1 - Tataroha Diana

¹ Oto purine maaola-olanga ngeena e mango, a Pol e si lokoa ahutana mo pwaarongoisuli huni ere haꞌasusue saeda. Oto e si unue kire ke oꞌoꞌo loꞌu, na ko lae oto mwaanire hunie i Masedonia.

Palonga 20:1 ပူးပေါင်းရင်းမြစ်များ

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 16:12

Oto uure i leune melu lae loꞌu hunie huilume i Pilipae, ngaeta naꞌohai huilume aana aapai henue aana poꞌo ni henue i Masedonia. Mo mwane ni Rom kire hiitoꞌo aana huilumena na kire iiꞌo mola i memelutana inemauri ni Rom. Melu iiꞌo i leune hunie ngaeta mo hei dinge

Palonga 16:9

Oto aana hai rodona a Pol ko leesie mei haataꞌinge uri mwane ni Masedonia e lae mai haaraie ko teꞌuri, “O ke lae mai Masedonia huni peꞌiꞌemeelu.”

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 20:10

A Pol e siho hao i aano, oto e lae hai ako haahie, na ko teꞌuri, “Mwaanie omu sae-saehuu loꞌu. E mauri taane.”

Palonga 20:2

E liuhie mo henue hunge i laona poꞌo ni henue i Masedonia ni ere haꞌasusure, na lae-lae e si lai hule aana poꞌo ni henue i Akaea

Palonga 20:3

na ko iiꞌo i leune hunie e oolu waro-waro. Oto purihaꞌana, ko deu aakau loꞌu hunie ke oodo mola aana haka hunie poꞌo ni henue i Siria. Taꞌe a Pol ko si rongoa uri mo rato ni Jiu kire ko sare horoꞌie, oto e oolisie loꞌu manatana na ko hane holo loꞌu hunie poꞌo ni henue i Masedonia.

Palonga 20:37

Na kire ko meni ngara oto haahie, na kire ko meni akoie oto peꞌi nonoꞌilana i sulie tolahada aana kei lae oto mwaanire.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

Uusu-uusu A Pol Hurula'aa Hunie Mo Rom 16:16

Oto saeku hunie omu ke mani hele kiꞌi heiliu mala mo heꞌimalahune maaꞌi, na omu ke saie uri ahutana mo soihaadaꞌinge a Kraes ko niie saediananga ikire huniꞌomu.

1 Korinit 16:20

peꞌie ahutana mo iini e hiiwalaimoli aana Jisas mai leu. Oto iꞌomu, saeku hunie omu ke mani hele kiꞌi heiliu mala mo heꞌimalahune maaꞌi.

1 Korinit 16:5

Ne kei liu taane mai keliꞌomu aana maholo ne kei uure mwaanie poꞌo ni henue i Masedonia, aena aana nou loꞌongaꞌinie uri ne ke holaꞌi lae kaꞌu i Masedonia.

2 Korinit 13:12

Na saeku hunie omu ke mani hele kiꞌi heiliu mala mo heꞌimalahunanga maaꞌi.

2 Korinit 7:5

Oto ne ke lalado loꞌu i sulie laenga iꞌemeelu nge nou aehota ladoa kaꞌu holaꞌinaꞌo. Iau, melu uure oto mwaanie i Troas na melu lae i hule hao aana poꞌo ni henue i Masedonia. Taꞌe maholo melu hule hao, melu kaꞌa toꞌo aana loꞌu nga kele maholo huni mamalo. Mo ola hunge kire rau aameelu aana maholona, aana mwala kire uure honosiꞌemeelu mola, na iꞌemeelu maraameelu melu tohungei tolahiꞌe oto hiitoꞌo.

1 Tesalonaeka 5:26

Omu ke niie saediananga iꞌemeelu hunie ahutana mo iini kire hiiwalaimoli.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.