Palonga 2:47 - Tataroha Diana

⁴⁷ Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

Palonga 2:47 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 19:48

Taꞌe kire kaꞌa lio oodoie ike nga tala huni horoꞌie, aena aana ahutana mwala kire mani oꞌoꞌo mola peꞌie i suli maholo, aana kire sereꞌi liue nga taꞌa-taꞌa mei wala aana mo haꞌa-uusulinge ingeie.

Tataroha Diana I Sulie A Jisas Kraes Nge A Luk E Uusue 2:52

Oto a Jisas ko si peine taꞌe peꞌi saenanaunge oto loꞌu liutaa. Na a God ko tohungei saemango oto hiitoꞌo haahie, na mwala ko meni ilenimwaꞌe oto noꞌone haahie.

Palonga 11:21

Oto nanamanga a Aalaha e iiꞌo aada, lae-lae mo iini hunge aada ko hiiwalaimoli na kire ko aehota lulu i sulie oto a Aalaha.

Palonga 11:24

A Banabas ingeie mwane diana na e honu aana Liꞌoa Maaꞌi na hiiwalaimolinge ingeie e susu. Na maholona mo iini hunge kire ko aehota hiiwalaimoli oto aana a Aalaha.

Palonga 13:48

Oto maholo mo Aapoloa Aaopa kire rongoa mei wala ngeena, kire ko si tohungei ilenimwaꞌe na kire ko paalahea oto Aalaha haahie mei wala ingeie ngeena. Na mo iini nge a God e lio hilisire hunie kire ke toꞌo aana maurihe huu kire hiiwalaimoli oto aana.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 14:21

Kire tarohaꞌinie Tataroha Diana wau i Debe lae-lae hule aana mo iini hunge ko neꞌi pwaarongoisuli haalu oto nana a Jisas. Oto purihaꞌana nge kire si eelihoꞌi loꞌu hunie i Listra, na i Aekoniam, na i Antiok i Pisidia.

Palonga 16:5

Oto hiiwalaimolinge mo soihaadaꞌinge ko si susu, na suli dinge mwala haalu ko sili loꞌu mei i laona soihaadaꞌinge.

Palonga 17:12

Na hungelana mo Jiu na mo Aapoloa Aaopa na ngaeta mo naꞌohai keni aada kire mani hiiwalaimoli oto noꞌone.

Palonga 2:39

Aena aana a God e haiholotaꞌi urine oto huniꞌomu na hunie mo kalemiu na noꞌone hunire mo iini kire iiꞌo aana mo henue haꞌatau, na ahutana oto mo iini a God Aalaha ikie e soire mai saana maraana.”

Palonga 2:41

Oto mo iini kire hiiwalaimoli aana walana Pita, kire si loto maaꞌi. Na aana hai dingena ola mala oolu sinolai iinoni nge kire sili loꞌu mei peꞌire i laona soihaadaꞌinge.

Palonga 4:21

Mo mwane paine aana pulitaa ni lei-lei kire ko haꞌamauꞌorarue loꞌu liutaa, taꞌe lae-lae kire ko si heꞌi toliꞌaasirerue loꞌu hunie kirerue ke lae. Aana e aasa hunie kire kei leirerue aana kire lio saie uri mwala ko lae peꞌi lahea God oto haahie mei ola nge e raune.

Palonga 4:33

Na mo hurulaꞌaa ko si houleꞌinie Aalaha ikie peꞌie nanamanga uri e mauri eelihoꞌi toꞌohuu mwaanie maenga. Na a God e si haꞌadianaꞌaa ahutana soihaadaꞌinge.

Palonga 4:4

Taꞌe mo iini hunge nge kire rongoa walana e ro mwane, kire hiiwalaimoli oto aana. Na iidumilana mola mo mwane nge kire hiiwalaimoli aana a Jisas e lae hunie ola mala lime sinolai mwane.

Palonga 6:1

Aana maholona soihaadaꞌinge ko peine lau-leu oto mola, oto kira hiiwalaimoli nge kire ko ere-ere mola aana erenga ni Krik, kire ko aehota upwesie mo iini nge kire sai ere aana tohungana erenga mo Jiu. Oto kire ko teꞌuri, “Suli dinge maholo omu ko haꞌa-adoa kira maitale aana mo niinge kolu meni niiꞌi, omu kaꞌa tohungei peꞌi-peꞌi diana aana ike mo nao iꞌemeelu mala mo iini iꞌomu.”

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Palonga 9:35

Oto mwala nge kire ko oꞌoꞌo aana e ro huilume ngeena i Lida na i Saron, kire ko si eeliꞌu huni lulu i sulie a Aalaha aana kire leesie a Aenias.

Uusu-uusu A Pol Hurula'aa Hunie Mo Rom 14:18

Na taꞌena nga iini ko esu nana Kraes aana tala diana urine, nge a God kei ilenimwaꞌe haahie na hule aana mwala noꞌone kire kei haꞌamaꞌu aana.

Uusu-uusu A Pol Hurula'aa Hunie Mo Rom 8:30

Na mwala nge a God e oalaꞌi urine hunire oto uure mai naꞌo, e mani soire oto loꞌu mai i saana. Na e da oto hunie kire ke mani neꞌi iinoni oodotaꞌi i maana, na e niie oto manikuluꞌanga ingeie hunie ahutada mango.

Uusu-uusu A Pol Hurula'aa Hunie Mo Rom 9:27

Na a Propet Aesaea e ere i sulie mwala ni Israel aana e tola tahangaꞌinie mei wala uuri, Maꞌalana mwala ni Israel kire ke hunge loꞌu mala uꞌuune oone wai sulie oone, taꞌe haꞌa-uurilana tootaꞌi iini aada mola kei lae.

1 Korinit 1:18

Aana laeliwalanga i sulie maelana a Jisas i lengine poꞌu-poꞌu e kaꞌa toꞌo aana ike nga mei loꞌongaꞌinge aana hunie mo iini kire ko lae takoie maenga huu. Taꞌe hunikie mo iini a God e haꞌa-uurikie oto, mo wala ngeena ikire oto nanamanga a God.