Palonga 2:45 - Tataroha Diana

⁴⁵ Na kire ko haꞌa-haꞌaholingeꞌinie toꞌo-toꞌolada, na kire ko nii-niie mo toꞌoha aani hunie ngaeta mo iini aada nge kire maitale.

Palonga 2:45 ပူးပေါင်းရင်းမြစ်များ

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Tataroha Diana I Sulie A Jisas Kraes Nge A Luk E Uusue 16:9

Oto iꞌomu noꞌone, omu ke sai ola mala ikire. Iꞌomu noꞌone omu ke haꞌimalahune peꞌie mwala aana mo ola omu holiꞌi peꞌie mei toꞌoha omu pelie. Taꞌe mwaanie omu pola mola peꞌie mei wala no ko unue ienini, aana maholo toꞌolamiu kei aiꞌaa mwaaniꞌomu, nge mo malahumiu mai aano i leu kei deu aasaie tolakonilemiu aana mo nume huu. Taꞌe omu ke saenanau aana iiꞌonga i laona raa-raa.

Tataroha Diana I Sulie A Jisas Kraes Nge A Luk E Uusue 18:22

Maholo a Jisas e rongo urine, ko si teꞌuri hunie a mwaena, “Taꞌa-taꞌa mei ola ni mola ue o saetoꞌo aana loꞌu huni esuie. O ke haꞌaholingeꞌinie toꞌo-toꞌolamu, na o ke niie mo toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine o ke si lae mai lulu i sulieu.”

Tataroha Diana I Sulie A Jisas Kraes Nge A Luk E Uusue 19:8

Taꞌe a Sakias e taꞌelaꞌi, oto ko teꞌuri hunie poro painena, “!Aalaha ineu! Ne kei niie ngaeta poꞌo ni leu aana toꞌo-toꞌolaku nana mo iinoni meitale. Na mo iini nge nou pwelora aana nou tola toꞌoha mola mwaakule mwaanire, ne kei nii eelihoꞌi loꞌu aana mo toꞌoha ikire, na ne kei nii haꞌahai liutaa aana loꞌu nga taa nou toolea mwaanire.”

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 4:34

Oto nga iini aana pulitaa ikire ngeena e kaꞌa tola talea ike loꞌu nga mei ola, aena aana mo iini nge kire toꞌo aana mo mei aano wa nga mo nume kire haꞌaholingeꞌiniꞌi. Oto mei toꞌoha nge kire tarie ngeena kire si niiꞌi

Palonga 4:35

hunie mo hurulaꞌaa. Oto mo hurulaꞌaa kire toolea mei toꞌoha ngeena, kire si haꞌa-adoa kira maitale i laona soihaadaꞌinge aana.

2 Korinit 9:1

Nou saie uri omu saenanau taane oto aana niinge nge kolu ko uusungeꞌinie taꞌau huni peꞌie mwala a God i Jerusalem, na nou kaꞌa sare ere hiitoꞌo ike loꞌu i sulie leune.

2 Korinit 9:9

Aana mo iinoni diana, uusulana e lae i sulire i laona mo Uusu-uusu Maaꞌi uuri, E nii aani saediananga hunie kira maitale, na asunge diana ingeie mwala kei aamasitoꞌo aana oto taraꞌasi. Sam 112:9

1 Jon 3:17

Loꞌongaꞌi keꞌu i sulie iini e toꞌo aana taane nga mo ola, na ko lee-leesie aasine ko siꞌohaꞌa taꞌe hule aana e kaꞌa sare aamasie. ?Uri iinoni urine ko haataꞌinie taane manata-diananga a God? !Haꞌike oto ooꞌoo!