Palonga 2:42 - Tataroha Diana

⁴² Oto kire niie maraada hunie mo hurulaꞌaa ke haꞌa-uusulire, na kire mani neꞌie taꞌa-taꞌa mei sae peꞌie kira tei kire hiiwalaimoli aana a Jisas. Kire ko ngeu-ngeu ni lokonga aani aamasitoꞌonga aana maelana Kraes, na kire ko iiꞌo oto mola peꞌie aarengaꞌinge.

Palonga 2:42 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 24:30

Oto maholo kiraelu iiꞌo i aano huni ngeu, a Jisas e hele aana ho bred na ko ere ni paalahenga haahie. Oto e nisie, ko si niie hunirerue.

Tataroha Diana I Sulie A Jisas Kraes Nge A Luk E Uusue 24:35

Oto kirerue ko ladoa loꞌu nga taa e rau i sulie tala, na aana kirerue lio saie a Jisas maholo e nisie ho bred.

Palonga 1:14

Ahutadaelu kire sai loko oto tarau peꞌie a Meri nikana a Jisas, na ngaeta mo huꞌe loꞌu, na mo mwane aasine a Jisas kire mani hute, hunie ahutada kire ke mani aarea God.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 2:46

Kire ko loko tarau mola i suli dinge i laona Nume Maaꞌi Peine a God i Jerusalem. Na kire ko ngeu-ngeu tararuru i laona mo nume hai aaopaꞌi ikire, na kire sai ilenimwaꞌe tararuru aani peꞌilada hailiu mola aana mo ngeulaa ikire.

Palonga 20:11

Oto a Pol e aalihoꞌi loꞌu taꞌau i lengi, ko si nisie ho bred na kire ko meni ngeu maaꞌi tararuru oto. Na ko heꞌi haꞌa-uusulire loꞌu hule aana e dangi, nge e si lae oto mwaanire.

Palonga 20:7

Oto i rodo aana eetana nga dinge purine Dinge Maaꞌi Mo Jiu, melu loko huni aarengaꞌi na ni ngeu tararuru aana ngaunge huni aamasitoꞌo aana maelana Kraes. A Pol e saie mone uri kei lae oto mwaanie soihaadaꞌinge ngeena aana kei dengi i hoꞌowa, oto ko haꞌa-haꞌa-uusulire aana walana God hule oto i upui rodo.

Palonga 4:23

Oto maholo kire toliꞌaasie a Pita na Jon hunie kire ke iiꞌo luhetaꞌi, kirerue si lae i saana pulitaa kira hiiwalaimoli na kire ko haꞌarongora oto aana mo ola nge mo naꞌohai pris na mo rato ni mwane kire unu-unuꞌi hunirerue.

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 6:4

Taꞌe iꞌemeelu, melu kei iiꞌo mola peꞌie aarengaꞌinge na peꞌi houleꞌinilana walana God.”

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

1 Korinit 10:21

Omu saꞌa inu ike aana kao-kao a Aalaha na omu saꞌa inu ike noꞌone aana kao-kao mo liꞌoa aaela. Omu saꞌa ngau ike noꞌone peꞌie a Aalaha na omu saꞌa ngau ike noꞌone peꞌie mo liꞌoa aaela.

1 Korinit 11:2

Na no ko laheꞌomu aena omu ko aama-aamasitoꞌo aaku taraureꞌi taane, na omu ko lae-lae i sulie mo haꞌa-uusulinge nge nou niiꞌi huniꞌomu.

1 Korinit 14:6

?Oto maeni eesiku maaꞌi, mala uri no ko lae mai seemiu na no ko talei ere-ere mola peꞌiꞌomu aani erenga hai aaopaꞌi, uri no ko peꞌiꞌomu taane ni urine? !Haꞌike oto ooꞌoo! Taꞌe mwaanie uri no ko toolea oto mai nga mo haataꞌinge uure mwaanie a God, wa nga mo saenanaunge, wa walana God, wa nga mo haꞌa-uusulinge loꞌu, haꞌalaa no ko peꞌiꞌomu.

Kalesia 1:6

No ko tohungei pangataꞌi aana omu tolana toliꞌaasie oto a God, iini e soiꞌomu aana manata-diananga a Kraes huni neꞌi iinoni ingeie. Taꞌe ie omu toliꞌaasie oto, na omu ko eeliꞌu loꞌu mola huni rongo i sulie ngaeta taungei tataroha diana aaopa.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Pilipae 1:5

Aena aana omu ko peꞌi diana aaku i laona asunge aana Tataroha Diana, uure oto wau aana maholo omu aehota hiiwalaimoli aana hule mai siꞌiri.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

2 Timoti 3:14

Taꞌe iꞌoe, kaleku, o ke hele susuleꞌi mola aana nga taa nge haꞌa-uusulilemu e lae oto aana na o hiiwalaimoli oto noꞌone aana, aena aana o sai diana aameelu oto mo iini melu haꞌa-uusuliꞌo.

Hibru 10:25

Nga mo iini kire lalawasie oto lokonga tararuru hunie palonga, taꞌe kie ke suꞌuri lalawa urine, na kie ke peꞌikie hailiu huni uure maꞌutaꞌa loꞌu, aena aana hai dinge a Aalaha ko karaꞌini oto mai.

Hibru 10:39

Taꞌe nou saie uri ikie, kie kaꞌa urihana ike mo iini nge haꞌamotaahilada kei lae aana kire duꞌe aalihoꞌi mwaanie hiiwalaimolinge. !Haꞌike! Ikie mwala kie hiiwalaimoli taraꞌasi oto, lae hule aana kie kei helesie maurihe huu.

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

Jiud 1:20

Taꞌe iꞌomu, maeni malahuku, hiiwalaimolinge iꞌomu e tohungei maaꞌi. Na omu ke uure maꞌutaꞌa i lengine tohungana hiiwalaimolinge iꞌomu ngeena, na omu ke aarengaꞌi i sulie neꞌisaenga a Liꞌoa Maaꞌi peꞌie nanamanga ingeie.