Palonga 2:23 - Tataroha Diana

²³ Na a God e lae oto i sulie oalaꞌinge ingeie mala e loꞌongaꞌinie uure oto mai naꞌo maholo e toliꞌaasie uri omu ke tapolie a Jisas hunie horoꞌilana. Oto omu si niie i laona nimada mo puꞌo, na kire horo maesie i lengine poꞌu-poꞌu.

Palonga 2:23 ပူးပေါင်းရင်းမြစ်များ

Matiu 20:19

Oto kire kei heꞌi niieu loꞌu hunie mo Aapoloa Aaopa huni haꞌamwasi eeku, na huni wini-winieu, na huni horo maesieu i lengine poꞌu-poꞌu. Taꞌe aana oolune nga hai dinge, ne kei taꞌelaꞌi eelihoꞌi loꞌu mwaanie maenga.”

Matiu 26:24

Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”

Matiu 27:35

Oto mo ramo kire si uie a Jisas i lengine poꞌu-poꞌu. Mango urine, kire ko si ado aana mo toꞌoni ingeie na kire ko inie daes huniꞌi.

Tataroha Diana I Sulie A Jisas Kraes Nge A Mak E Uusue 15:24

Oto mo ramo kire ko uie oto a Jisas i lengine poꞌu-poꞌu aana siwana nga maholoi sato i hoꞌowa. Na kire ko oopaa mo toꞌoni ingeie i matolada hailiu, na kire ko inie daes huni leesie uri a tei kei toolea nga mei sala aana toꞌoni ingeie.

Tataroha Diana I Sulie A Jisas Kraes Nge A Luk E Uusue 22:22

Na ineu a Kale Ni Iinoni ne kei mae taane oto i sulie oalaꞌinge a God, taꞌe aama-aamasilana iini nge ko pweloau.”

Tataroha Diana I Sulie A Jisas Kraes Nge A Luk E Uusue 22:37

Aana no ko unue oto huniꞌomu uri nga taa nge mo Uusu-uusu Maaꞌi e unue kei oa oto hunieu, aana e unue uuri, Mwala ko ere takalo uri ingeie ngaeta iinoni oorahaꞌaa mola. Aesaea 53:12 Ahutana mo ola uusuleni e lae i sulieu, kire ko reu oto.”

Tataroha Diana I Sulie A Jisas Kraes Nge A Luk E Uusue 23:33

Maholo kire lai hule oto aana leu sailana uuri “Leu ni Rarata,” kire si repu taalengasie a Jisas i lengine poꞌu-poꞌu. Na e ro mwane horopeli ngeena kire ko repu taalengasirerue noꞌone i lengine ngaeta ro poꞌu-poꞌu. Oto kire ko si neꞌie nga iini i pwalo-pwalona a Jisas, na nga iini i meu-meuline.

Tataroha Diana I Sulie A Jisas Kraes Nge A Luk E Uusue 24:20

Oto iꞌemeelu, melu loꞌo-loꞌongaꞌinie uri ingeie ni oto iini kei esuie mwala ni Israel ke iiꞌo luhetaꞌi mwaanie aalahanga ni Rom. Taꞌe mo naꞌohai pris na mo aalaha, kire niie oto hunie mo Rom kire ke lei mae aana na kire horo maesie oto i lengine poꞌu-poꞌu. Na oolune nga hai dinge uure oto aana mo olana e rau loꞌu ie.

Tataroha Diana I Sulie A Jisas Kraes Nge A Jon E Uusue 19:18

Oto kire rapu taalengasie a Jisas wau i leune i lengine poꞌu-poꞌu. Na ngaeta ro mwane loꞌu kire ko horo maesirerue i lengine mo poꞌu-poꞌu peꞌie, nga iini aana nga aapa, na a Jisas i matoladarue.

Tataroha Diana I Sulie A Jisas Kraes Nge A Jon E Uusue 19:24

Oto kire ko si teꞌuri hunire maraada, “Kolu ke suꞌuri hakasie loꞌu, taꞌe kolu ke inie daes mola hunie, huni leesie uri a tei kei toꞌo aana.” Leune e rau urine uri huni haꞌa-oaie Uusu-uusu Maaꞌi nge e unue uuri, Kire oa aana mo toꞌoni ineu, na kire inie daes hunie ngaeta mo toꞌoni ineu. Sam 22:18 Nga taa mo ramo kire asuie aana mo toꞌoni a Jisas otona.

Palonga 13:27

Mwala ni Jerusalem na mo naꞌohai mwane ikire, kire kaꞌa lio saie ike uri a Jisas ingeie a Haꞌa-uuri nge a God e haiholotaꞌinie. Kire kaꞌa lio saie ike walana mo propet nge saaileni ko lae-lae suli Dinge Maaꞌi ikie. Taꞌe ikire maraada nge kire haꞌa-oaie mei wala ngeena aana maholo kire lei-leie a Jisas hunie maenga.

Palonga 15:18

Na ingeie oto e asuie mwala ke saie walu olana oto wau i naꞌo.” Emos 9:11-12

Palonga 2:36

“Oto ahutemiu mwala ni Israel, omu ke saie uri a Jisas nge omu horo maesie i lengine poꞌu-poꞌu, a God e unue ingeie oto a Kraes nge e haiholotaꞌinie, na ingeie oto kei aalaha haahikie.”

Palonga 3:18

Taꞌe a God e unue oto wau i naꞌo aana mo propet uri Kraes, Haꞌa-uuri nge e haiholotaꞌinie kei lae mai, kei sapesalu oto urine. Na a God e haꞌa-oaie leune oto urine.

Palonga 4:28

Kire loko urine nge kire hahuꞌei deu oto mola i sulie neꞌisaenga iꞌoe. Aana nanamanga iꞌoe nge o unue oto wau i naꞌo uri walu ola ienini kei reu.

Palonga 5:28

“Melu tohungei ere hiitoꞌo oto huniꞌomu mwaanie omu haꞌa-uusulie loꞌu nga iini i sulie a mwane ngeena, taꞌe omu ko da haꞌa-uusulinge iꞌomu ko lae ahusie oto taꞌena nga leu i Jerusalem. Na omu ko haꞌaroroꞌaiꞌemeelu aana omu ko unue uri iꞌemeelu nge melu horo maesie a mwane ngeena.”

Palonga 5:30

Na iꞌomu nge omu horoꞌie a Jisas aana omu uie i lengine poꞌu-poꞌu, taꞌe God nge mo weuwaka i naꞌo kire palo-paloa nge e taꞌea loꞌu mwaanie maenga.

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

Uusu-uusu A Pol Hurula'aa Hunie Mo Rom 2:12

Mo Haꞌatolanga a God nge a Mosis e uusuꞌi oto wai naꞌo e lae mola hunie mo Jiu, na a God kei leire haahie mo oorahaꞌaanga ikire aana kire dau huꞌisie mola mo Haꞌatolanga ngeena. Na ahutana mwala nge ikire nga mo Jiu haꞌike nge kire kaꞌa toꞌo aana ike mo Haꞌatolanga ngeena, nge ikire noꞌone a God kei leire. Kaꞌa ike aana kire dau huꞌisie mo Haꞌatolanga ngeena, taꞌe aana kire dau huꞌisie nga taa nge kire saie uri e toꞌohuu na e oodotaꞌi.

Uusu-uusu A Pol Hurula'aa Hunie Mo Rom 4:17

mala a God e unue i sulie a Ebraham i laona mo Uusu-uusu Maaꞌi uuri, Nou lio hilisiꞌo oto hunie o ke neꞌi aamana mo komu ni iinoni oto hunge. Jenesis 17:5 Oto i sulie haiholotaꞌinge ingeie mone, a God e lio saie oto a Ebraham mala weuwaka. Na a Ebraham e hiiwalaimoli aana haiholotaꞌinge a God, aena aana ingeie oto God nge e sai niie maurihe hunie mo iini e mae oto, na e sai haꞌaholaa loꞌu taꞌena nga ola haalu nge kire kaꞌa iiꞌo ue mai laona walumalau.

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,

1 Pita 1:2

A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 2:8

Na aana ngaeta leu loꞌu, mo Uusu-uusu Maaꞌi e ere loꞌu i sulie uuri, Hau ngeena oto ola huni haꞌatataroa mwala, na kire sai domu aaela i tehulaꞌana. Aesaea 8:14 Kire ko domu aaela urine, aena aana kire kaꞌa tola ike i sulie walana God. Na mwala hai-heitohe urine kire kei domu aaela oto urine, aana taꞌa-taꞌa tala mola hunie haꞌamangolada.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.