Palonga 19:33 - Tataroha Diana

³³ Oto mo Jiu kire ko uusungeꞌinie ngaeta iini aada, satana a Aleksanda, huni lai uure taꞌau i naꞌona mwala, na ngaeta mo iini kire ko loꞌongaꞌinie uri a mwaena ni oto e aehotaa maaola-olanga ngeena. Na a Aleksanda e salo haahie mwala aana nimana hunie kire ke pwaarongo kaꞌu hunie, aana ko sare ere hunire.

Palonga 19:33 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 1:22

Maholo a Sekaraea e iisitaa poi sinaha, na e kaꞌa sai ere oto peꞌire, taꞌe ko haꞌa-haꞌamalaa ola mola aana nimana. Oto kire si saie uri e leesie oto nga aanoa wau i Nume Maaꞌi.

Palonga 12:17

Taꞌe a Pita e salo haahire mola aana nimana hunie kire ke rohu, oto ko si lalado nada aana a God e haꞌa-iisitaangaꞌinie mwaanie nume ni hoꞌo uri taa. Mango urine, e si unue kire ke ladoa laladonga ienini nana a Jemes na mo eesine i lalo aana a Kraes. Oto e si lae mwaanire, na e lae loꞌu aana ngaeta leu.

Palonga 13:16

A Pol e uure i lengi, e salo haahire aana nimana hunie kire ke pwaarongo, oto ko si aehota ere uurini, “Iꞌomu mo Israel na iꞌomu mo Aapoloa Aaopa nge omu lae mai huni aarea God, omu ke pwaarongo diana kaꞌu hunieu.

Palonga 19:34

Taꞌe maholo mwala kire lio saie mola uri ingeie ngaeta mwane ni Jiu, kire ko si meni soi oto paine hunie e ro maholoi sato kire ko teꞌuri, “!A Atemis god iꞌemeelu mo Epesas e paine liutaa!”

Palonga 21:40

A poro paine e toliꞌaasie mola, oto a Pol e uure i lengine huru-huru aana nume maꞌutaꞌa ngeena, ko si salo haahie mwala hunie kire ke pwaarongo hunie. Maholo kire iiꞌo mwa-mwanoto, ko si ere hunire aana tohungana erenga mo Jiu ko teꞌuri,

Palonga 24:10

Oto a Filiks e salo aana kiꞌine hunie a Pol ke ere-ere, oto a Pol ko teꞌuri, “Poro paine, nou saie mo helisi hunge oto o ko leie mo heliwalanga iꞌemeelu mo Israel, oto no ko tohungei ilenimwaꞌe huni aalamie nga taa kire ko haꞌapelieu haahie.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

1 Timoti 1:20

A Haemeneas na a Aleksanda ikirerue e ro iini aana mwala urine nge hiiwalaimolinge ikire e aaela taꞌingelu mala haka e aape. Oto nou toliꞌaasirerue oto hunie a Pwelu Eero-eero, uri hunie kirerue ke lio saie nga taa kei reu aana mo iini kire ko sare ere mwakataꞌinie a God.

2 Timoti 4:14

O ke lio talamu mwaanie ngaeta mwane satana a Aleksanda. Ingeie ngaeta mwane nge e sai esuie taꞌena nga ola oto mola aani aean. E tohungei waelieu aana e tohungei sereꞌinie haꞌa-uusulinge ikolu. A Aalaha ke si haꞌaletehie taane haahie nga taa e asuie ngeena.