Palonga 19:24 - Tataroha Diana

²⁴ Na maaola-olanga ngeena, mwane ni Epesas satana a Demitrias nge e aehotaa. A mwane ngeena asunge ingeie oto huni eedu haꞌamalaa nume ni palo-palo a Atemis, mei god keni mo Epesas. Ko eedumie mo kele nume ngeena aani siliva huni haꞌaholingeꞌiniꞌi, na ngaeta mo iini hunge loꞌu ko terie mei toꞌoha oto paine mwaanie taungei eedunge mala ie.

Palonga 19:24 ပူးပေါင်းရင်းမြစ်များ

Palonga 16:16

Oto aana ngaeta hai dinge maholo melu ko lae aana leu ni aarengaꞌinge i sulie wai ngeena, melu oodoie nga keni haalu ko euꞌesu mala koni-konihe nana ngaeta mo mwane. Na a keni ngeena liꞌoa aaela nge aana, na ko unu-unue walu ola kei reu ue mai. Na mo mwane paine haahie koni-konihe ngeena kire ko tohungei tei-terie mei toꞌoha paine aana.

Palonga 16:19

Na maholo mo mwane paine haahie a keine kire leesie uri tala ni teri-toꞌohanga ikire e mango oto, kire si tapolie a Pol na Saelas, kire ko ookerarue oto i saana mo mwane paine i nume ni rururu aana huilume ngeena.

Palonga 19:25

Oto a Demitrias a soie mai ahutana mo mwane aadu-eedu ngeena, na e soie mai noꞌone ngaeta mo mwane kire ko teri ola aana taꞌa-taꞌa taungei esungena, ko si teꞌuri hunire, “Mo mwane, omu ke saie tari-olanga diana ikolu ko lae mai mola mwaanie taꞌa-taꞌa taungei esunge.

Palonga 19:38

Mala uri a Demitrias na mo mwane auꞌesu kire ko toꞌo aana nga mei wala ni ere-haitelilinge peꞌie nga iini, kire sai toolea mola i naꞌona pulitaa ni lei-lei. Kire saie taane uri mo rato ni mwane huni leie ere-erenga kire iiꞌo oto aana maholo ienini, na uri kire mwaꞌe-mwaꞌe huni leie taꞌena nga ere-erenga i matolana nga ro iinoni.