Palonga 19:22 - Tataroha Diana

²² Oto ko uusungeꞌinie a Timoti na Erastas, e ro mwane ko euꞌesu peꞌie hunie i Masedonia, na a Pol e kele iiꞌo loꞌu huni haꞌamangoa ngaeta mo ola aana poꞌo ni henue i Esia.

Palonga 19:22 ပူးပေါင်းရင်းမြစ်များ

Palonga 13:5

A Jon Mak e hakusirerue huni peꞌirerue, na maholo kire lai hule wau i Saepras aana huilume i Salamis, kire ko si aehota tarohaꞌinie walana God i laona mo nume ni palo-palo mo Jiu.

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

Palonga 16:3

oto a Pol ko sare toolea peꞌire. Taꞌe mo Jiu aana poꞌo ni henuena kire saie mone a Timoti e kaꞌa torihesiꞌo ue aana aamana nga mwane aana mo Aapoloa Aaopa. Oto maꞌalana kire unue ingeie mwane ni Jiu taane i sulie a nikana, taꞌe kire kaꞌa tohungei hikusie ike. Oto mwaanie kire upwesie loꞌu, a Pol e si torihesiꞌo aana a Timoti.

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 19:29

E kaꞌa tewa na ahutana mwala aana huilume ngeena kire ko maaola-ola oto. Oto kire mani huru weu i saana leu ni maa-maani ola, na ngaeta mo iini aada ko tapolie oto a Gaeas na Aristakas, na kire ko ookerarue oto wau aana leu ni maa-maani ola ngeena. E ro mwane ngeena, kirerue hakusie a Pol uure mwaanie poꞌo ni henue i Masedonia.

Palonga 20:1

Oto purine maaola-olanga ngeena e mango, a Pol e si lokoa ahutana mo pwaarongoisuli huni ere haꞌasusue saeda. Oto e si unue kire ke oꞌoꞌo loꞌu, na ko lae oto mwaanire hunie i Masedonia.

Palonga 20:34

Na omu saie oto maraamiu uri e ro nimeku nge e raretaꞌinieu huni terie taꞌena nga mei ola nge nou saetoꞌo aana, na hule aana nou raretaꞌinie noꞌone mo iini kire iiꞌo peꞌieu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

2 Korinit 1:16

Oto nou oalaꞌi keꞌu huni lae hao i leesiꞌomu aana maholo nou neꞌisae huni lae mai hunie poꞌo ni henue i Masedonia, na uri ne ke si leesiꞌomu loꞌu aana maholo ne kei uure mwaanie i leu, aana ne ke lae loꞌu hunie i Jiudia. Urine nou loꞌongaꞌi uri omu ke si peꞌieu aana laenga ngeena.

2 Korinit 11:9

Oto aana maholo nou iiꞌo hao peꞌiꞌomu, nou kaꞌa loꞌohie ike nga mei ola aamiu. !Haꞌike! Taꞌe mo mwaasine aani hiiwalaimolinge nge kire oꞌoꞌo mai aana poꞌo ni henue i Masedonia ni kire lae hao i Korinit huni peꞌieu aana mei toꞌoha. Nou tohungei kinetaꞌinie tolahaku mwaanie nou da nga mei hiꞌelaa huniꞌomu aana taꞌena nga mei ola, na ne kei lae taraꞌasi oto mola urine.

2 Korinit 2:13

Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

2 Korinit 8:1

Oto ienini, maeni eesiku maaꞌi, melu ko sare haꞌarongoꞌomu aana haꞌadianaꞌanga a God hunie mo iini kire hiiwalaimoli aana a Jisas oto mai aana poꞌo ni henue i Masedonia. Aana manata-diananga ingeie e paine hunire mone, a God e tohungei haꞌadianaꞌara aana mei ola diana.

2 Korinit 8:19

Na loꞌu sapeitana leune, mo soihaadaꞌinge kire lio hilisie a porona huni lae peꞌiꞌemeelu aana melu ko toolea niinge ni saediananga ngeena hunire kira hiiwalaimoli i Jerusalem. Melu ko toolea niinge ngeena huni haꞌamanikuluꞌaa Aalaha ikie, na huni haataꞌinie uri kie neꞌisae mouteꞌi toꞌohuu huni peꞌie kira hiiwalaimoli.

1 Tesalonaeka 1:8

Na e kaꞌa ike mola i Masedonia na i Akaea, taꞌe i tehulaꞌamiu mone, Tataroha Diana a Jisas ko tohungei taro hailiu. Ahutana mwala aana taꞌena nga leu kire mani rongoa oto uri omu hiiwalaimoli aana God, na nga mei ola hunie melu ke unue i suliꞌomu haꞌike loꞌu.

2 Timoti 4:20

Mwane oamu a Erastas e kaꞌa lae ike mai peꞌieu, taꞌe e oore mola wau aana huilume i Korinit. Na ngaeta mwane oamu loꞌu, a Tropimas, nou lae mwaanie mola wau aana huilume i Maelitas aana mweitaꞌaa ko mataꞌi hiitoꞌo.