Palonga 19:18 - Tataroha Diana

¹⁸ Na mo iini hunge aana mo iini kire hiiwalaimoli kire lae mai naꞌona ahutana mwala, kire ko si haꞌahoue mo oorahaꞌaa kire dauꞌi keꞌu.

Palonga 19:18 ပူးပေါင်းရင်းမြစ်များ

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Palonga 19:17

Maholo tataroha i sulie mei ola ienini e lai hule aana mwala ni Epesas, oto mo Jiu na mo Aapoloa Aaopa, kire ko meni meꞌu oto, na kire ko si haꞌamaꞌu aana satana Jisas Aalaha ikie.

Palonga 19:19

Na mo iini hunge nge kire ko esuie mo ola aana nanamanga mo liꞌoa aaela, kire rurue mo uusu-uusu ikire nge kire ko kure-kure na kire ko siꞌo-siꞌo i suliꞌi, kire ko uunuꞌi i laona dunge oto i maana mwala. Na maholo kire iidumie holitana mo uusu-uusu ngeena e hule aana mei toꞌoha hunie waaitana nga mwane ko esu hunie e ro tangalai helisi.

Uusu-uusu A Pol Hurula'aa Hunie Mo Rom 10:10

A God kei unue uri iꞌoe iinoni oodotaꞌi i maana na kei haꞌa-uuriꞌo mwaanie maenga huu, mala uri o ko hiiwalaimoli urine toꞌohuu na o ko houleꞌinie hunie mwala.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Jon 1:9

Taꞌe mala kie ko haꞌahoue mo oorahaꞌaa ikie hunie a God, nge kie sai norutoꞌo aana huni saeꞌaasie mo oorahaꞌaa ikie, aana ingeie e oodotaꞌi na kei tohungei haꞌarereꞌakie mwaanie taꞌena nga takalonga ikie.