Palonga 19:10 - Tataroha Diana

¹⁰ A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 19:10 ပူးပေါင်းရင်းမြစ်များ

Palonga 13:12

Maholo poro paine ngeena e leesie nga taa e raune, nge e si hiiwalaimoli aana God na ko tohungei pangataꞌi noꞌone aana haꞌa-uusulinge i sulie Aalaha.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 18:11

Oto a Pol e iiꞌo loꞌu i Korinit hunie halisi peꞌie e oono waro-waro huni haꞌa-uusulie mwala aana walana God.

Palonga 18:4

Na suli Dinge Maaꞌi Mo Jiu, a Pol ko lae i nume ni palo-palo mo Jiu huni ere-ere nana mo Jiu na mo Aapoloa Aaopa hunie kire ke hiiwalaimoli aana walu ola nge ko unuꞌi.

Palonga 19:20

Oto aena walu ola paine urine ko reu, nge walana Aalaha e si lai hule aana mo leu hunge, na mwala hunge kire ko hiiwalaimoli oto aana.

Palonga 19:22

Oto ko uusungeꞌinie a Timoti na Erastas, e ro mwane ko euꞌesu peꞌie hunie i Masedonia, na a Pol e kele iiꞌo loꞌu huni haꞌamangoa ngaeta mo ola aana poꞌo ni henue i Esia.

Palonga 19:8

A Pol e lae-lae i laona nume ni palo-palo mo Jiu, na e lae peꞌi ere hiitoꞌo hunie mwala i sulie e oolu waro-waro. Aana ko deu aahonga noꞌone huni haꞌa-aaliꞌue mwala hunie kire ke aaliꞌu mei takoie Aalahanga a God.

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

Palonga 20:18

Maholo kire hule mai saana, oto ko teꞌuri hunire, “Omu saie oto tolahaku aana ahutana mo maholo nge no ko oꞌoꞌo peꞌiꞌomu, uure oto aana eetana nga hai dinge nge nou aehota hule aana poꞌo ni henue i Esia.

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

Palonga 6:9

Taꞌe ngaeta mo mwane ni Jiu kire ko leledie mola a Stivin. Mo mwane ngeena kire uure mwaanie mo huilume haꞌatau i Saerin na i Aleksandria na e ro poꞌo ni henue i Silisia na i Esia. Na kire mani sai loko aana nume ni palo-palo mo Jiu nge kire haaraꞌinie aana Nume Ni Palo-palo Mwala Kire Iiꞌo Luhetaꞌi Loꞌu. Oto mo mwane ngeena kire ko aehota haꞌa-ere oto peꞌie a Stivin,

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 10:12

Leune e toꞌohuu hunie taꞌena nga iinoni, maꞌalana ikire mo Jiu wa ikire nga mo Jiu haꞌike. A Kraes ingeie oto taꞌa-taꞌa Aalaha haahie ahutana mo iinoni, na ko niie mo haꞌadianaꞌanga hunge hunie ahutana mo iini kire norutoꞌo aana.

Uusu-uusu A Pol Hurula'aa Hunie Mo Rom 10:18

?Oto e ue aana mo Jiu kire kaꞌa lulu i sulie? ?Uri kire rongoa taane tataroha ngeena? !Iau! Kire rongoa taane, aana tataroha ngeena e loho hailiu urihana nga taa mo Uusu-uusu Maaꞌi e unue i sulie haꞌaholanga uuri, Mei tataroha ngeena e lae kalie walumalau, na mo wala ngeena kire hule oto aana ahutana mo henue i laona walumalau. Sam 19:4

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

2 Timoti 1:15

O saie mola uri ahutana mo eesikaelu aana hiiwalaimolinge aana poꞌo ni henue i Esia nge o iiꞌo aana ngeena, kire aatopuri eeku mola, hule aana a Pijelas na a Hemojenis ikirerue noꞌone.

1 Pita 1:1

Saediananga mwaanieu a Pita, hurulaꞌaa a Jisas Kraes, huniꞌomu mo iinoni a God wau aana mo poꞌo ni henue i Pontas na i Kalesia na i Kapadosia na i Esia na i Bitinia. No ko uusu-uusu weu huniꞌomu mo iinoni a God nge omu ko iiꞌo mala mo awataa aana omu iiꞌo tatanga mola hailiu aana mo poꞌo ni henue ngeena.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 1:4

Saediananga mwaanieu a Jon huniꞌomu e hiu soihaadaꞌinge aana poꞌo ni henue i Esia. No ko eitanaie a God iini e mauri oto uure mai naꞌo na ko meuri oto siꞌiri ie na kei meuri oto huu. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu. Na e ro haꞌadianaꞌanga ngeena kire uure noꞌone mwaanie e hiu liꞌoa nge kire uure i naꞌona naunekume a God,