Palonga 18:4 - Tataroha Diana

⁴ Na suli Dinge Maaꞌi Mo Jiu, a Pol ko lae i nume ni palo-palo mo Jiu huni ere-ere nana mo Jiu na mo Aapoloa Aaopa hunie kire ke hiiwalaimoli aana walu ola nge ko unuꞌi.

Palonga 18:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 16:31

“Taꞌe a Ebraham e teꞌuri hunie, ‘Mala uri mo eesimu kaꞌa sai hiiwalaimoli oto aana mo Haꞌatolanga a Mosis na mo Uusu-uusu Maaꞌi mo propet, maꞌalana nga iini ko meuri eelihoꞌi loꞌu mwaanie maenga, na kire saꞌa hiiwalaimoli ike loꞌu eeni.’ ”

Tataroha Diana I Sulie A Jisas Kraes Nge A Luk E Uusue 4:16

Oto a Jisas e aalihoꞌi loꞌu i Nasaret, huilume nge e paine taꞌe aana. Oto aana Dinge Maaꞌi Mo Jiu, e lai sili weu i nume ni palo-palo ikire oto mala ko lae-lae tarau, na e uure i lengi huni saaie mo Uusu-uusu Maaꞌi.

Tataroha Diana I Sulie A Jisas Kraes Nge A Jon E Uusue 7:35

Oto mo naꞌohai mwane mo Jiu kire ko lae peꞌi ere-ere maraada uuri, “?A mwane ie kei lae i tei ni uri kolu saꞌa lio oodoie loꞌu? ?Mwaanie ohe kei lae i saana mwala ikolu aana mo poꞌo ni henue mo Krik, wa ohe kei lae huni haꞌa-uusulie mo Aapoloa Aaopa?

Palonga 13:14

Oto kirerue lae mwaanie i Pega kire lae loꞌu hunie huilume i Antiok aana poꞌo ni henue i Pisidia. Na aana Dinge Maaꞌi Mo Jiu, kire lai iiꞌo mola i laona nume ni palo-palo mo Jiu.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 17:11

Na aana huilume ngeena, tolahana ahutana mwala e tohungei diana, liue mwala i Tesalonaeka. Mo Berea kire tohungei mwaꞌe-mwaꞌe ni rongo i sulie walana Pol peꞌi heitalea mo wala ngeena i laona mo Uusu-uusu Maaꞌi, ohe kire toꞌohuu wa haꞌike.

Palonga 17:17

Oto e lae i laona nume ni palo-palo mo Jiu huni ere-ere nada na taꞌena nga iini ko lae noꞌone mai huni palo-paloa God peꞌire. Na suli dinge ko lae-lae noꞌone aana leu ni uusiꞌe huni ere peꞌie mwala nge kire ko lae-lae mai i leune.

Palonga 18:13

Na kire ko teꞌuri, “A mwane ie ko tohungei sare huꞌisie haꞌatolanga aana ko da uri mwala ke palo-paloa God mola mwaanie tolahai haꞌatolanga iꞌemeelu mo Jiu.”

Palonga 18:19

kire ko lae holosie aasi oto hunie huilume paine i Epesas. Kire lai hule wau i Epesas nge a Pol e si lae mwaanie a Prisila na Akuila, na ko lae maraana oto i laona nume ni palo-palo mo Jiu ni ere-ere peꞌire.

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 19:8

A Pol e lae-lae i laona nume ni palo-palo mo Jiu, na e lae peꞌi ere hiitoꞌo hunie mwala i sulie e oolu waro-waro. Aana ko deu aahonga noꞌone huni haꞌa-aaliꞌue mwala hunie kire ke aaliꞌu mei takoie Aalahanga a God.

Palonga 26:28

Oto a Akripa Inemauri ko teꞌuri, “?Uri o ko loꞌongaꞌi o sai huꞌisie manataku hunie ne ke hiiwalaimoli oto mola aana kele maholoi sato oꞌoruꞌe urini?”

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

2 Korinit 5:11

Oto aana melu saie uri dinge ni leinge ngeena mei ola ni meꞌunge oto paine, nge melu ko eriꞌapasie huni peꞌie mwala hunie kire ke aaliꞌu na kire ke hiiwalaimoli aana a Jisas. A God e sai diana aameelu uri melu ko esu toꞌohuu taane nana, na nou tohungei heri hunie uri iꞌomu noꞌone omu ke sai diana aameelu loꞌu urine.