Palonga 18:22 - Tataroha Diana

²² Maholo kire hule aana huilume i Sisaria, a Pol e lae taꞌau i Jerusalem nge ko si ere-ere peꞌie mwala aana soihaadaꞌinge taꞌau i leune. Oto purihaꞌana nge e si lae hao loꞌu hunie i Antiok.

Palonga 18:22 ပူးပေါင်းရင်းမြစ်များ

Palonga 10:1

Ngaeta mwane ni Rom e oꞌoꞌo wau aana huilume i Sisaria, satana a Konilias na ingeie ngaeta naꞌohai ramo haahie tangalai ramo aana pulitaa ni ramo nge kire haaraꞌinie aana, “Pulitaa mo Ramo ni Itali.”

Palonga 10:24

Na aana hai dinge loꞌu i puri, nge kire ko lai hule wau i Sisaria, na a Konilias ko maaꞌoohie oto a Pita. Na e lokoa noꞌone ahutana mwala aana uluhei iinoni ingeie na ngaeta mo malahune.

Palonga 11:11

“Oto aana kele maholoi satona, na e oolu mwane nge mwane ni Sisaria e uusungeꞌinire, kire ko hule oto wau i nume nge no ko oꞌoꞌo aana.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 14:26

Oto kirerue taꞌe aana ngaeta haka, kire si eelihoꞌi loꞌu hunie i Antiok aana poꞌo ni henue i Siria. Kirerue ko eelihoꞌi ngeena takoie soihaadaꞌinge nge e uusungeꞌinire kaꞌu huni tarohaꞌinie Tataroha Diana, na kire niirerue kaꞌu i nimana a God hunie ke kinetaꞌinirerue aana asunge kirerue si haꞌamangoa ngeena.

Palonga 15:23

Na kire uusungeꞌinie uusu-uusu peꞌirerue na uusu-uusu ngeena e teꞌuri. Huniꞌomu mo Aapoloa Aaopa. Iꞌomu mo Aapoloa Aaopa nge omu ko oꞌoꞌo i Antiok na i Siria na i Silisia, iꞌomu mo eesimeelu oto aana omu hiiwalaimoli aana Kraes. Oto iꞌemeelu mo hurulaꞌaa na mo rato aana soihaadaꞌinge mai leu i Jerusalem melu ko niie saediananga iꞌemeelu huniꞌomu.

Palonga 15:30

Oto soihaadaꞌinge e uusungeꞌinie e hai mwane ngeena, na kire lai hule oto wau i Antiok nge kire si lokoa ahutana mo iini aana soihaadaꞌinge.

Palonga 15:35

Taꞌe a Pol na Banabas kire oore mola i Antiok, na ikirerue na ngaeta mwala hunge loꞌu kire ko haꞌa-uusulie mwala peꞌi tarohaꞌinie walana a Aalaha.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 23:23

Oto poro paine haahie sinolai ramo ngeena e si soie mai e ro iini aana mo mwane paine ingeie haahie nga tangalai ramo, ko si teꞌuri hunirerue, “More ke dau aakau aana e ro tangalai ramo huni lae i Sisaria i rodo siꞌiri aana siwana nga maholoi sato. Na more ke dau aakau noꞌone aana e ro tangalai ramo nge kire sai heiseuni peꞌie mo noma, na loꞌu e hiu aawalai ramo huni huru aana mo hoos.

Palonga 25:1

E oolu hei dinge e mango i purine a Festas e hule aana poꞌo ni henue ngeena, e lae mwaanie i Sisaria ko si lae taꞌau i Jerusalem.

Palonga 25:9

Taꞌe a Festas mone ko sare da mo rato ni mwane ni Jiu ke ilenimwaꞌe mola haahie oto ko teꞌuri, “?Uri o mwaꞌe-mwaꞌe taane mola hunie ne ke leiꞌo taꞌau i Jerusalem?”

Palonga 8:40

A Pilip e si aparaꞌi, na ko hule oto aana huilume i Asotas. Oto e si lae hailiu huni tarohaꞌinie Tataroha Diana, na lae-lae e lai hule aana huilume paine i Sisaria.