Palonga 18:21 - Tataroha Diana

²¹ Maholo ko deu aakau oto huni lae mwaanire, oto ko teꞌuri, “Mala uri a God e saetoꞌo aana ne ke ooli loꞌu mei, nge omu ke leesieu loꞌu i leu.” Oto e si lai taꞌe aana haka, no ko lae oto mwaanie i Epesas.

Palonga 18:21 ပူးပေါင်းရင်းမြစ်များ

Matiu 26:39

Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Tataroha Diana I Sulie A Jisas Kraes Nge A Mak E Uusue 6:46

I purine e uusungeꞌinie mwala takoie mo henue ikire, nge e si hanetaa maraana taꞌau i lengine uuwo huni aarengaꞌi.

Tataroha Diana I Sulie A Jisas Kraes Nge A Luk E Uusue 9:61

Ngaeta mwane loꞌu e unue uuri, “Ne kei lulu i suliꞌo taane, Poro paine, taꞌe o ke holaꞌi toliꞌaasieu keꞌu hunie ne ke lai haꞌarongoa mwala taꞌau i nume ineu.”

Palonga 15:29

Omu ke suꞌuri ngaa nga mei ngeulaa nge uunu-olanga aana e lae i saana mo liꞌoa aaela, na omu ke suꞌuri ngeue mo epu, na omu ke suꞌuri ngeue taꞌena nga ola mauri nge liꞌoilana e lae, na omu ke suꞌuri aeni ola peꞌie nga iini. Oto kei tohungei diana oto liutaa i matolakaelu hunie omu ke lulu i sulie mo haꞌatolanga ienini. Oto saediananga paine huniꞌomu. Ingeie otona.

Palonga 18:19

kire ko lae holosie aasi oto hunie huilume paine i Epesas. Kire lai hule wau i Epesas nge a Pol e si lae mwaanie a Prisila na Akuila, na ko lae maraana oto i laona nume ni palo-palo mo Jiu ni ere-ere peꞌire.

Palonga 18:20

Oto kire ko eitanaie hunie ke kele iiꞌo tewa loꞌu peꞌire, taꞌe e sereꞌi.

Palonga 18:24

Aana maholona noꞌone ngaeta mwane ni Jiu nge e hute aana huilume i Aleksandria ko lae mai hunie i Epesas, na satana a Apolos. E tohungei saenanau aana ere-luhesilana mo neꞌisaenga na e tohungei saenanau noꞌone aana mo Uusu-uusu Maaꞌi.

Palonga 19:1

Maholo a Apolos e iiꞌo ue aana huilume i Korinit i laona poꞌo ni henue i Akaea, a Pol e hane holo i henue e si lai hule aana huilume paine i Epesas, na ko oodoie ngaeta mo pwaarongoisuli.

Palonga 19:17

Maholo tataroha i sulie mei ola ienini e lai hule aana mwala ni Epesas, oto mo Jiu na mo Aapoloa Aaopa, kire ko meni meꞌu oto, na kire ko si haꞌamaꞌu aana satana Jisas Aalaha ikie.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 20:16

A Pol e liue mola huilume i Epesas sulie e kaꞌa sare iiꞌo tewa ike aana poꞌo ni henue i Esia. Ko lae lau-leu hunie i Jerusalem sulie ko sare iiꞌo taꞌau i leune aana Houlaa Ni Pentekos.

Palonga 21:14

E aasa oto hunie melu kei uure honosie, oto melu rohu na melu ko teꞌuri mola, “Toliꞌaasie nga taa a God e saetoꞌo aana ke oa oto.”

Palonga 21:29

Kire ko ere urine aena aana kire leesie kaꞌu a Tropimas, mwane aana mo Aapoloa Aaopa mwaanie huilume i Epesas, e lae-lae noꞌone peꞌie a Pol i laona huilume paine i Jerusalem. Oto kire ko loꞌongaꞌi takalo uri a Pol e toolea oto noꞌone mai a Tropimas i laona Nume Maaꞌi Peine.

Uusu-uusu A Pol Hurula'aa Hunie Mo Rom 1:10

Suli maholo no ko aarengaꞌi, no ko eiꞌeitanaie a God uri ke asuie nga tala ke mwadaꞌu talaku hunie ne ke maatoliꞌomu aana nga maholo. Aana ko tewa oto na

Uusu-uusu A Pol Hurula'aa Hunie Mo Rom 15:32

Oto aana ko urine na mala uri a God ko saetoꞌo aana oto, nge ne ke lae wau i seemiu peꞌie ilenimwaꞌenga oto paine, na ne ke mamalo diana wau peꞌiꞌomu.

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

1 Korinit 16:7

Aana nou kaꞌa sare maatoliꞌomu ike oto molana aena aana no ko tapaliu mola. Saeku uri ne ke kele iiꞌo tewa kaꞌu peꞌiꞌomu, mala uri Aalaha ko toliꞌaasie ke urine.

1 Korinit 16:8

Taꞌe ne kei iiꞌo kaꞌu i leu i Epesas hule aana dinge Pentekos.

1 Korinit 4:19

Taꞌe e saꞌa tewa na ne kei lae loꞌu mei maatoliꞌomu, mala a Aalaha ko saetoꞌo aana ne ke asuie urine. Na aana maholona, nou saꞌa rongo ike hunie mwala too-toohaꞌi ngeena, taꞌe ne kei lio mola hunie nga nanamanga uri taa nge kire toꞌo aana.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.

Hibru 6:3

Taꞌe mala uri a God ko toliꞌaasie hunikie, nge kie ke lae taraꞌasi huni toolea mo saenanaunge kokoro loꞌu i sulie a Kraes.

Jemes 4:15

Taꞌe omu ke ere uuri haꞌalaa, “Mala a God ko saetoꞌo aana, nge melu ke iiꞌo sapemawa mola huni esuie mo ola ienini wa mo iini ngeena.”

1 Pita 3:17

Mala uri omu ko sapesalu i tehulaꞌana omu ko tola i sulie a God, nge e diana mola. Leune e diana liutaa aana omu ko sapesalu aena aana omu ko esuie mo ola aaela.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 2:1

Oto a mwaena e unue loꞌu hunieu uuri, “O ke uusue hunie naꞌohai mwane aana soihaadaꞌinge wau i Epesas oto uuri. “Ineu iini nge nou hele aana e hiu ho heeꞌu aana ninime i pwalo-pwaloku, na no ko lae-lae i matolana e hiu ola kol talai laite nge no ko ere huniꞌomu ie.