Palonga 18:15 - Tataroha Diana

¹⁵ Taꞌe i sulie omu ko ere haitelili mola i sulie mo wala na mo satai ola na mo ola mola i sulie mo haꞌatolanga iꞌomu maraamiu, oto e diana mola uri hunie iꞌomu maraamiu omu ke haꞌa-oodohie leune. Ineu, nou kaꞌa sare haꞌa-oodohie ike mo ola urine huniꞌomu.”

Palonga 18:15 ပူးပေါင်းရင်းမြစ်များ

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Matiu 27:4

Oto ko teꞌuri hunire, “Nou deu oorahaꞌaa oto aana nou talei pwelo tototala mola aana iini e kaꞌa dau huꞌisie ike nga mei ola.” Oto mo rato ni mwane kire ko aalamie uuri, “Leu ngeena kaꞌa roroꞌanga ike iꞌemeelu ni ngeena. Roroꞌanga oto iꞌoe maraamu.”

Tataroha Diana I Sulie A Jisas Kraes Nge A Jon E Uusue 18:31

Oto a Paelat ko si teꞌuri hunire, “Omu ke toolea, na omu ke leie maraamiu i sulie mo haꞌatolanga iꞌomu.” Oto mo Jiu kire aalamie uuri, “Taꞌe e kaꞌa adona ike mo haꞌatolanga iꞌomu mo Rom hunie iꞌemi mo Jiu emi ke horo maesie nga iinoni i tehulaꞌana leinge iꞌemi.”

Palonga 18:13

Na kire ko teꞌuri, “A mwane ie ko tohungei sare huꞌisie haꞌatolanga aana ko da uri mwala ke palo-paloa God mola mwaanie tolahai haꞌatolanga iꞌemeelu mo Jiu.”

Palonga 23:29

Nou deu oodoie kire ko sare horoꞌie mola i sulie mo ola aana haꞌatolanga ikire mo Jiu, taꞌe kire kaꞌa leie ike i sulie nga mei ola ke adona ke mae i tehulaꞌana wa hule aana nga mei ola ke adona ke iiꞌo i nume ni hoꞌo.

Palonga 25:11

Mala uri ne ke asuie nga mei ola e malisine oto maenga, nge nou saꞌa tahisie ike loꞌu maenga i tehulaꞌana. Taꞌe mala uri mei ola nge mo Jiu ko sare leieu haahie ie e kaꞌa toꞌohuu, nge nga iini e kaꞌa toꞌo aana ike nga nanamanga hunie ke toliꞌaasieu hunire. !Oto nou saetoꞌo aana Inemauri Peine ni Rom maraana ni ke leieu!”

Palonga 25:19

Taꞌe kire ko si ere haitelili mola peꞌie i sulie tolahai ola nge kire palo-paloa a God aana, na i sulie mwane satana a Jisas nge e mae oto, taꞌe a Pol ko unue uri e mauri mola.

Palonga 26:3

Na no ko ilenimwaꞌe noꞌone sulie iꞌoe ngaeta mwane nge o saenanau i sulie tolahameelu mo Jiu, na o saenanau noꞌone i sulie walu ola nge melu ko haꞌa-haꞌa-ere haahiꞌi. Oto no ko eitanaiꞌo hunie o ke pwaarongo kaꞌu i sulie ere-erenga ineu.

1 Timoti 1:4

O ke unue hunire uri kire ke mamalo oto mwaanie tolahai ola nge ko waetaꞌinie maholo ikire mola aana mo laladonga kaꞌa toꞌohuu na aana uusulana mo satai ola oto hunge i sulie mo weuwada. Aena aana mo ola ngeena kire sai da haꞌa-erenga hunie mo iinoni, na kire saꞌa peꞌie ike asunge a God nge e saetoꞌo aana mwala ke asuie. Aana tolaha ni hiiwalaimolinge mola haꞌalaa ko peꞌikie huni lulu i sulie oalaꞌinge a God.

1 Timoti 6:4

Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

2 Timoti 2:23

O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

Taetas 3:9

Taꞌe o ke aaliꞌu mwaanie mo haꞌa-erenga mweꞌu-mweꞌule i sulie mo hute-hutanga. Na o ke suꞌuri haꞌa-ere wa o ke ere haitapali i sulie mo Haꞌatolanga a Mosis. Mo tolahai iinoni urine, mo ola kire saꞌa peꞌie ike nga iini ni ngeena.