Palonga 17:4 - Tataroha Diana

⁴ Oto ngaeta mo Jiu kire hiiwalaimoli oto aana mei wala ngeena, na kire ko lulu i sulie oto a Pol na Saelas. Na mo iini hunge aana mo Aapoloa Aaopa nge kire ko palo-paloa God, na ngaeta mo iini hunge aana mo naꞌohai keni peine kire ko lulu i sulie oto noꞌone a Pol na Saelas.

Palonga 17:4 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 7:35

Oto mo naꞌohai mwane mo Jiu kire ko lae peꞌi ere-ere maraada uuri, “?A mwane ie kei lae i tei ni uri kolu saꞌa lio oodoie loꞌu? ?Mwaanie ohe kei lae i saana mwala ikolu aana mo poꞌo ni henue mo Krik, wa ohe kei lae huni haꞌa-uusulie mo Aapoloa Aaopa?

Palonga 13:43

Na mo iini hunge aana mo Jiu na mo Aapoloa Aaopa nge kire ko palo-paloa God aana nume ni palo-palo ngeena, kire ko lulu i sulie oto a Pol na Banabas. Oto kirerue ko ere-ere peꞌire ni ere haꞌasusure uri kire ke hele aꞌailaꞌa aana manata-diananga hunie a God.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 14:4

Oto ahutana mwala aana huilume ngeena kire oopa oto aana e ro pulitaa, ngaeta mo iini kire neꞌisae peꞌie mo rato ni Jiu, na ngaeta mo iini kire neꞌisae peꞌie e ro hurulaꞌaa.

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Palonga 15:27

Oto melu ko uusungeꞌinie a Jiudas na Saelas hunie kire ke ere luhesie diana aana huniꞌomu walu ola nge melu unuꞌi i laona uusu-uusu ie.

Palonga 15:32

A Jiudas na a Saelas ikirerue nga ro propet noꞌone, oto kire ere-ere nada ni ere haꞌasusure huni haꞌa-aꞌailaꞌaa hiiwalaimolinge ikire.

Palonga 15:40

Taꞌe a Pol e lio hilisie mola a Saelas huni hekusie, na mo mwaasine aana hiiwalaimolinge kire ko aarengaꞌi taladarue, na kire niire wau oto i nimana a God hunie ke lio i sulire.

Palonga 16:3

oto a Pol ko sare toolea peꞌire. Taꞌe mo Jiu aana poꞌo ni henuena kire saie mone a Timoti e kaꞌa torihesiꞌo ue aana aamana nga mwane aana mo Aapoloa Aaopa. Oto maꞌalana kire unue ingeie mwane ni Jiu taane i sulie a nikana, taꞌe kire kaꞌa tohungei hikusie ike. Oto mwaanie kire upwesie loꞌu, a Pol e si torihesiꞌo aana a Timoti.

Palonga 17:10

Oto maholo na ko si rodo, mo mwaasine i lalo aana Kraes kire si uusungeꞌi mumuni aana a Pol na Saelas hunie huilume i Berea. Maholo kirerue hule taꞌau i Berea kirerue lae oto hunie nume ni palo-palo mo Jiu.

Palonga 17:12

Na hungelana mo Jiu na mo Aapoloa Aaopa na ngaeta mo naꞌohai keni aada kire mani hiiwalaimoli oto noꞌone.

Palonga 17:14

Oto mo mwaasine i lalo aana Kraes kire uusungeꞌinie a Pol mwaanie hanue ngeena hunie nga leu karaꞌinie aasi, taꞌe a Saelas na Timoti kirerue oore mola i Berea.

Palonga 17:17

Oto e lae i laona nume ni palo-palo mo Jiu huni ere-ere nada na taꞌena nga iini ko lae noꞌone mai huni palo-paloa God peꞌire. Na suli dinge ko lae-lae noꞌone aana leu ni uusiꞌe huni ere peꞌie mwala nge kire ko lae-lae mai i leune.

Palonga 17:34

Taꞌe ngaeta mo iini kire ko lulu i sulie oto walana a Pol na kire ko hiiwalaimoli oto aana a Jisas. Na ngaeta mo iini aada nge a Daeonisias ngaeta mwane noꞌone aana pulitaa Ariopagas ngeena, peꞌie ngaeta huꞌe satana a Damaris, na ngaeta mwala loꞌu.

Palonga 18:4

Na suli Dinge Maaꞌi Mo Jiu, a Pol ko lae i nume ni palo-palo mo Jiu huni ere-ere nana mo Jiu na mo Aapoloa Aaopa hunie kire ke hiiwalaimoli aana walu ola nge ko unuꞌi.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 2:44

Ahutana mo iini nge kire hiiwalaimoli aana a Jisas, kire iiꞌo mola peꞌie lokonga tararuru, na kire ko peꞌire hailiu aana toꞌo-toꞌolada.

Palonga 21:28

Na kire ko soi oto paine kire ko teꞌuri, “!Mo mwane ni Israel, omu ke lae mai peꞌiꞌemeelu! A mwane ienini ko haꞌa-uusulie mwala aana ahutana mo henue hunie kire ke lae huꞌisie tolahana mwala ikolu na huni lae huꞌisie mo Haꞌatolanga a Mosis na tolahana Nume Maaꞌi Peine ie. Na e toolea noꞌone mai ngaeta mo Aapoloa Aaopa molana i laona Nume Maaꞌi, na ko haꞌamadaꞌaa oto Hahuꞌana Leu Maaꞌi ngeena.”

Palonga 28:24

Oto ngaeta mo iini ko hiiwalaimoli oto aana, taꞌe ngaeta mo iini haꞌike loꞌu.

Palonga 4:23

Oto maholo kire toliꞌaasie a Pita na Jon hunie kire ke iiꞌo luhetaꞌi, kirerue si lae i saana pulitaa kira hiiwalaimoli na kire ko haꞌarongora oto aana mo ola nge mo naꞌohai pris na mo rato ni mwane kire unu-unuꞌi hunirerue.

2 Korinit 8:5

Na niinge ikire ngeena, e lae liutaa aana loꞌu nga taa melu loꞌo-loꞌongaꞌinie, aana kire tohungei deu i sulie saena God aana kire holaꞌi toliꞌaasire maraada huni tola i sulie walana a Aalaha, oto loꞌu kire heꞌi toliꞌaasire maraada huni tola i sulie walameelu.