Palonga 17:32 - Tataroha Diana

³² Maholo mwala kire rongoa uri a Pol ko ere i sulie taꞌelaꞌinge mwaanie maenga, oto ngaeta mo iini ko haꞌamwasi mola aana. Taꞌe ngaeta mo iini kire ko teꞌuri, “Melu saetoꞌo aana o ke ere i sulie mei neꞌisaenga ngeena loꞌu aana nga maholo.”

Palonga 17:32 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 14:18

“Taꞌe kire ko meni aehota ere hailiu oto. Eetana nga iini ko unue hunie koni-konihe uuri, ‘Nou si holie mola mei aano haalu, na saeku uri ne ke lae kaꞌu i leesie. No ko eitanaiꞌo, o ke toliꞌaasieu keꞌu.’

Tataroha Diana I Sulie A Jisas Kraes Nge A Luk E Uusue 22:63

Na aana maholona mo iini kire kakakalie a Jisas kire ko si aehota haꞌamwasi aana na kire ko repusie.

Tataroha Diana I Sulie A Jisas Kraes Nge A Luk E Uusue 23:11

Oto a Herod na mo ramo ingeie kire ko si haꞌamwasi mola aana Jisas, na kire ko ere mwakataꞌinie. Kire haꞌatoꞌonie aana toꞌoni tetewa nonoroꞌa mala mo aalaha ko hoꞌo-hoꞌosiꞌi, kire si uusungeꞌi eelihoꞌi loꞌu aana i saana a Paelat.

Tataroha Diana I Sulie A Jisas Kraes Nge A Luk E Uusue 23:36

Mo ramo noꞌone na kire haꞌamwasi aana a Jisas. Kire lae mai saana, oto kire ko niie waen ahaꞌi hunie ke inuhie.

Palonga 13:41

!Lio kaꞌu, iꞌomu mo iini nge omu ko haꞌamwasi eeku a God! Maholo ienini no ko esuie mei ola ni pangataꞌinge, na maꞌalana kire ke lado luhesie huniꞌomu, taꞌe omu saꞌa hiiwalaimoli ike aana. !Oto omu kei haro pangataꞌinie, nge omu ke si mae!” Habakuk 1:5

Palonga 17:18

I Atens mo pulitaa oto hunge mala mo Epikiurian na mo Stoek kire ko ere-ere oto hiitoꞌo i sulie nga taa e tohungei roroꞌa hunie maurihaꞌana iinoni. Oto ngaeta mo haꞌa-uusuli aana e ro pulitaa ngeena kire rongoa ere-erenga a Pol, oto kire ko teꞌuri, “?Nga taa ni e rongo mala wisi ko nore-nore ngeena? ?Nga taa ni a mwaena ko sare unuena?” Na ngaeta mo iini ko teꞌuri, “Ohe ko ere i sulie ngaeta god aana mo poꞌo ni henue hai aaopaꞌi ni ngeena.” Kire ko ere urine aena aana a Pol ko tarohaꞌinie Tataroha Diana i sulie a Jisas na taꞌelaꞌinge ingeie mwaanie maenga.

Palonga 17:31

Aana e pongie oto hai dinge hunie kei leie walumalau aana, na kei leie mwala oto i sulie nga taa e saie e oodo taꞌingelu. Na e lio hilisie oto iini nge kei leie mwala urine, na e haataꞌi diana aana oto hunie ahutana mwala aana e taꞌea kaꞌu iinine mwaanie maenga.”

Palonga 17:33

Oto a Pol e si lae mwaanie pulitaa ngeena.

Palonga 2:13

Taꞌe ngaeta mwala ko haꞌa-eero mola aada, na kire ko teꞌuri, “Mo mwane ngeena kire ko mehiri mola ni ngeena.”

Palonga 24:25

Taꞌe maholo a Pol ko ere i sulie mauringe diana, na kinetaꞌinilaka maraaka mwaanie oorahaꞌaa, na leilana walumalau, a Filiks ko si tohungei meꞌu na ko teꞌuri, “!Mamalo kaꞌu! Mala uri no ko toꞌo aana loꞌu nga maholo ne ke si soiꞌo loꞌu mei.”

Palonga 25:19

Taꞌe kire ko si ere haitelili mola peꞌie i sulie tolahai ola nge kire palo-paloa a God aana, na i sulie mwane satana a Jisas nge e mae oto, taꞌe a Pol ko unue uri e mauri mola.

Palonga 26:8

?Oto loꞌongaꞌinge iꞌomu e uri taa? ?Uri omu ko loꞌo-loꞌongaꞌi uri e aasa hunie a God kei taꞌea loꞌu mo iini e mae oto? ?Aana e ue kaꞌu omu ko loꞌongaꞌi takalo urine?

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 15:12

?Oto mala laeliwalanga ko lae tarau aana uri a God e taꞌe aalihoꞌi aana a Kraes mwaanie maenga, e ue ni ngaeta mo iini hikemiu ko heꞌi unu-unue loꞌu uri mo iini e mae oto kire saꞌa heꞌi taꞌelaꞌi loꞌu?

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

2 Korinit 6:2

Omu ke rongoa kaꞌu nga taa a God e unue aana e teꞌuri, Aana tohungana maholo huni haataꞌinie manata-diananga ineu eemiu, nou rongo i sulie aarengaꞌinge iꞌomu, na maholo omu saetoꞌo aana nga iini ke peꞌiꞌomu, nge nou haꞌa-uuriꞌomu oto. Aesaea 49:8 !Oto omu ke rongo kaꞌu! Maholo huni hele aana manata-diananga a God ni oto ienini. !Siꞌiri oto dinge ni haꞌa-uuringe!

Hibru 11:36

Ngaeta mo iini aada, mo maelonga ikire ko lae peꞌi haꞌamwasi mola aada na peꞌi repusilada. Na ngaeta mo iini aada, mo maelonga ikire kire pwasure aani iieliheu na kire aasire i laona mo nume ni hoꞌo.

Hibru 13:13

Huilume ngeena ko haꞌamalaa mo Haꞌatolanga a Moses, na e malisine kie ke iisitaa mwaanie tolaha ni lulu i sulilana mo Haꞌatolanga a Mosis nge kie iiꞌo kaꞌu aana i naꞌo, na kie ke lae i saana uunu-olanga ikie, a Jisas Kraes. Na mwaanie kie maꞌuteꞌinie mwala kire ko haꞌamwasi aaka mala mwala kire haꞌamwasi keꞌu aana a Jisas.