Palonga 17:15 - Tataroha Diana

¹⁵ Na mo iini nge kire hakusie a Pol kire lae taraꞌasi oto peꞌie hule aana huilume i Atens. Oto purihaꞌana kire lae mwaanie a Pol aana huilume ngeena, kire si lae peꞌie mei wala a Pol hunie a Saelas na Timoti uri kirerue ke lae lau-leu i saana Pol.

Palonga 17:15 ပူးပေါင်းရင်းမြစ်များ

Palonga 15:3

Oto aana soihaadaꞌinge e uusungeꞌinire huni lae i Jerusalem, nge kire liu aana e ro poꞌo ni henue i Ponisia na i Samaria. Kire lae peꞌi maatolie kira hiiwalaimoli aana mo hanuena, na kire ko laengaꞌinie uri mo Aapoloa Aaopa kire ko aehota hiiwalaimoli oto aana a Jisas. Na kira hiiwalaimoli aana mo leune kire ko tohungei ilenimwaꞌe aana kire rongoa mei ola ienini.

Palonga 17:14

Oto mo mwaasine i lalo aana Kraes kire uusungeꞌinie a Pol mwaanie hanue ngeena hunie nga leu karaꞌinie aasi, taꞌe a Saelas na Timoti kirerue oore mola i Berea.

Palonga 17:16

Maholo a Pol ko maaꞌoohie a Saelas na a Timoti wau i Atens, saena ko tohungei huu aana ko leesie huilume ngeena e honu mola aana nunune mo pweai god.

Palonga 17:21

Aana mwala ni Atens na mo awataa nge kire lae mai iiꞌo aana huilume ngeena kire sai teꞌurine tarau. Aana kire iiꞌo oto mola huni rongo hunie taꞌena nga mei ola haalu ko reu huni lalado i sulie.

Palonga 17:22

Oto a Pol e uure i naꞌona pulitaa ngeena, ko si teꞌuri, “Mo Atens, nou lio saie uri omu tohungei diana aani palonga.

Palonga 18:1

Oto purihaꞌana a Pol e uure mwaanie i Atens, e si lae loꞌu hunie huilume i Korinit.

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

1 Tesalonaeka 3:1

Aena urinena, maholo melu ko lae otoi tolahiꞌe aana melu oopa mwaaniꞌomu ko tewa oto, melu loꞌongaꞌinie uri kei diana oto liutaa hunie ne ke oore mola maraaku i Atens,

Taetas 3:12

No ko oalaꞌinie uri hunie ne kei uusungeꞌinie a Atemas wa a Tikikas wau i seemu huni oolisiꞌo wau i Krit. Maholo nga iini aadarue ko hule wau i seemu, nge o ke dau aahonga huni lae mai honosieu aana huilume i Nikopolis. Saeku ne ke iiꞌo wau i leune aana mo waro-waro wawai aana iihiꞌure.