Palonga 16:5 - Tataroha Diana

⁵ Oto hiiwalaimolinge mo soihaadaꞌinge ko si susu, na suli dinge mwala haalu ko sili loꞌu mei i laona soihaadaꞌinge.

Palonga 16:5 ပူးပေါင်းရင်းမြစ်များ

Palonga 11:21

Oto nanamanga a Aalaha e iiꞌo aada, lae-lae mo iini hunge aada ko hiiwalaimoli na kire ko aehota lulu i sulie oto a Aalaha.

Palonga 12:24

Taꞌe walana God ko lai hule aana mo henue hunge, na mwala hunge kire ko hiiwalaimoli loꞌu.

Palonga 15:41

Kire lae, kire lai liuhie e ro poꞌo ni henue i Siria na i Silisia na a Pol ko lae peꞌi haꞌa-aꞌailaꞌaa mo soihaadaꞌinge.

Palonga 2:47

Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

Palonga 4:4

Taꞌe mo iini hunge nge kire rongoa walana e ro mwane, kire hiiwalaimoli oto aana. Na iidumilana mola mo mwane nge kire hiiwalaimoli aana a Jisas e lae hunie ola mala lime sinolai mwane.

Palonga 5:14

Na mo iini hunge aana mo mwane na mo keni kire lae peꞌi hiiwalaimoli aana Aalaha.

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Palonga 9:31

Oto aana kele maholona nga iini hunie ke saunie kira hiiwalaimoli aana poꞌo ni henue i Jiudia na i Kalili na i Samaria haꞌike loꞌu. A Liꞌoa Maaꞌi ko tohungei peꞌire na ko da soihaadaꞌinge ko aꞌailaꞌa na ko haꞌahungeꞌaa mwala i laona soihaadaꞌinge. Oto kire ko si tohungei lahea Aalaha mola taraureꞌi.

Uusu-uusu A Pol Hurula'aa Hunie Mo Rom 16:25

!Kie ke soi haꞌamanikuluꞌaa God! Ingeie ni e si da hunie omu ke uure maꞌutaꞌa mala mo kalena, aena aana omu hiiwalaimoli aana Tataroha Diana nge nou tarohaꞌinie i sulie a Jisas Kraes. Uure oto wau i naꞌo, mei wala ienini i sulie a Kraes na oalaꞌinge a God huni haꞌa-uurie noꞌone mo Aapoloa Aaopa, e iiꞌo mumuni mola.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Kolosi 2:6

Oto aana omu toolea a Kraes Jisas mala Aalaha iꞌomu, omu ke tola oto i sulie.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.