Palonga 16:26 - Tataroha Diana

²⁶ Kire si aparaꞌi na painehaꞌana nunu ko nunu oto, na poo-pootana nume ni hoꞌo ngeena ko esuleꞌi mango oto. Na maholoi satona noꞌone ahutana mo maa kire taha mango, na mo iieli heu kire mani siki oto mwaanie kiꞌi-kiꞌine na aeꞌaena ahutana mwala i laona nume ni hoꞌo.

Palonga 16:26 ပူးပေါင်းရင်းမြစ်များ

Matiu 28:2

Aana maholona painehaꞌana nunu ko hite oto, aana ensel a God e siho mai uure i Lengi. E lae mai taꞌaasie hau mwaanie maana kilipweꞌu, oto e si iiꞌo i lengine.

Palonga 12:10

Kire liue eetana nga kakalihe aana nume ni hoꞌo, na kirerue ko lae loꞌu taꞌau i liue ruana nga iini. Na iini ooreta nge maai para hau i matolana nume ni hoꞌo ngeena na huilume paine ngeena. Na maholo kirerue lae poi hule i saana maai para ngeena na ko taha mola maraana taladarue. Oto kire lae i sinaha, na kire kele lae i sulie ngaeta tala, na a Pita ko si lio talea mola ensel e aiꞌaa oto mwaanie.

Palonga 12:7

Oto ngaeta ensel a God e uure oto i laona nume ni hoꞌo, na raa-raa ko raa oto i laona nume ni hoꞌo. Oto ensel ngeena e hele wau i aalahana a Pita na ko haꞌalioa na ko teꞌuri, “!O ke taꞌelaꞌi lau-leu!” Na aana kele maholoi satona e ro iieli heu ko mou oto, na kire ko teke oto mwaanie kiꞌine a Pita.

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 5:19

Taꞌe aana hai rodona, ensel a God e tahanie maa aana nume ni hoꞌo, e si naꞌoda i sinaha, oto ko si teꞌuri hunire,

Haataꞌinge 11:13

Na aana maholona nunu oto paine e nunu, na tangahuluꞌana ngaeta poꞌo ni leu aana huilume i Jerusalem ngeena e aaꞌoho oto, na e hiu sinolai iinoni kire mae aana nunu ngeena. Oto mo iini nge kire kaꞌa mae ike, kire ko tohungei meꞌu, na kire ko soi haꞌamanikuluꞌaa oto a God taꞌau i Lengi.

Haataꞌinge 6:12

Oto a Kalei Sipu ngeena e tahanie loꞌu oonona nga hui edi, na nunu peine ko tolana hite oto, na sato ko pulu-puluꞌe oto mala loilohi, na waro-waro ko nonoroꞌa oto mala apu.