Palonga 16:15 - Tataroha Diana

¹⁵ Oto ingeie na ahutana mwala aana nume ingeie kire si loto maaꞌi na ko haaraiꞌemeelu oto huni lae wau i nume ingeie, na ko teꞌuri, “Mala uri omu ko loꞌongaꞌi uri nou hiiwalaimoli toꞌohuu aana Aalaha, nge omu ke lae kaꞌu mei iiꞌo i nume ineu.” Oto aana e ere haꞌa-olaꞌemeelu urine, nge melu si lae huni iiꞌo peꞌie i nume ingeie.

Palonga 16:15 ပူးပေါင်းရင်းမြစ်များ

Matiu 10:41

Nga iini ko tekuhie nga propet aena aana uri ingeie ko unu-unue walana a God, nge kei hele waaite oto mala propet ngeena. Na nga iini ko tekuhie nga iinoni diana aena aana iinonine e diana, nge kei hele waaite oto noꞌone mala iinoni diana ngeena.

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Tataroha Diana I Sulie A Jisas Kraes Nge A Luk E Uusue 14:23

“Oto poro paine ngeena ko heꞌi teꞌuri loꞌu, ‘O ke lae loꞌu i sulie mo tala mwai-mwei, na mo maai tala poꞌoi sinaha aana hanue, na nga mwala o ko leesire, o ke dau rarahire uri kire ke lae mola mai hunie nume ineu ke haro honu.

Tataroha Diana I Sulie A Jisas Kraes Nge A Luk E Uusue 24:29

Taꞌe kirerue haaraie, kire ko teꞌuri, “Kolu ke iiꞌo kaꞌu i leu aana ko seulehi oto, na karaꞌinie ke rodo oto.” Oto a Jisas e si lae na ko iiꞌo oto peꞌirerue aana nume kirerue iiꞌo aana.

Palonga 11:14

Na a Pita kei lae mai huni haataꞌinie tala ni meurihe huniꞌo na hunie mwala aana uluhe iꞌoe.’

Palonga 16:31

Oto kire ko teꞌuri hunie “O ke hiiwalaimoli mola aana a Jisas aana ingeie oto Aalaha, na a God ke si haꞌa-uuriꞌo, na e urine noꞌone hunie uluhe iꞌoe.”

Palonga 16:33

Oto aana hai rodona kire ko tohungei lio i suli diana aadarue, na kire ko hodalie mo malaka i sapedarue. Na maholoi satona noꞌone ingeie na ahutana mwala aana uluhe ingeie kire ko meni loto maaꞌi oto.

Palonga 16:34

E toolea a Pol na Saelas wau i nume ingeie, ko si nii ngeulaa adarue. Na ahutana mwala aana nume ingeie kire ko ilenimwaꞌe oto aana kire mani hiiwalaimoli aana a God.

Palonga 18:8

Ahutana asunge ingeie peꞌie mo Jiu e kaꞌa waetaꞌi ike, aana naꞌohai mwane haahie nume ni palo-palo ngeena satana a Krispas na uluhe ni iinoni ingeie kire ko meni hiiwalaimoli oto aana a Aalaha. Na mo iini hunge loꞌu i Korinit kire ko loto maaꞌi oto, aana kire rongoa Tataroha Diana, na kire hiiwalaimoli oto aana.

Palonga 8:12

Taꞌe maholo a Pilip e unue Tataroha Diana i sulie a Jisas Kraes na i sulie Aalahanga a God, mo mwane na mo keni oto hunge kire hiiwalaimoli aana, na kire ko meni loto maaꞌi oto.

Palonga 8:38

Oto poro paine ngeena ko unue hunie mwane nge ko toolea taetahe hunie ke mamalo. Oto a Pilip na poro paine ngeena kirerue siho hao i laona wai, na a Pilip ko loto maaꞌi oto aana poro paine ngeena.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 5:14

Taꞌena nga mei ola melu ko esuie, melu ko esuie mola aena aana manata-diananga a Kraes. Na aana melu hiiwalaimoli uri taꞌa-taꞌa iinoni e mae oto honotaka, nge melu hiiwalaimoli noꞌone uri ahutaka, kie mani mae tararuru oto peꞌie iinonine mwaanie mauringe lalahuꞌe e aaela ikie i naꞌo.

Kalesia 6:10

Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Epesas 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. No ko uusu-uusu weu huniꞌomu mo iinoni a God wau aana huilume i Epesas, nge omu ko lulu i sulie a Jisas Kraes toꞌohuu na omu lado oto peꞌie.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Pilimon 1:17

Mala uri o ko manata diana toꞌohuu hunieu mala ineu nga malahumu diana, nge o ke tola konie noꞌone a Onesimas mala o sai tola konieu.

Hibru 13:2

Na mwaanie omu pupulongosie tolakonilana mo awataa i nume iꞌomu. Aana nga mo iini e teteꞌurine kaꞌu oto wau i naꞌo, na hule aana kire kaꞌa saie ike uri kire ko tolakonie taane oto mo ensel i nume ikire.

1 Pita 5:12

Ngaeta aasikaelu aana hiiwalaimolinge nge nou sai norutoꞌo aana liutaa, nge a Saelas, na ingeie ni oto e peꞌieu huni uusue kele uusu-uusu oꞌoruꞌe ie huniꞌomu. Uusu-uusu ie nou uusue mola huni haꞌananauꞌomu na huni ere haꞌasusuꞌomu uri hahuꞌana manata-diananga a God huniꞌomu ke iiꞌo oto tarau peꞌiꞌomu maꞌalana nga taa ke rau-reu loꞌu eemiu. Oto omu ke iiꞌo susu oto aana.

2 Jon 1:10

Mala uri nga haꞌa-uusuli ko hule i seemiu na haꞌa-uusulinge ingeie ko lae aaopa mwaanie haꞌa-uusulinge a Kraes ienini, nge omu ke suꞌuri tola konie i nume iꞌomu, na hule aana omu ke suꞌuri unue loꞌu nga mei wala ni saediananga hunie.

3 Jon 1:5

Nou saie, malahuku, uri o kaꞌa sai mou-mou ike mwaanie tohungei esunge diana nana God, aana kira hiiwalaimoli nge kire ko liu weu i seemu, kire ko haꞌa-haꞌarongoa oto soihaadaꞌinge mai leu aana manata-diananga iꞌoe hunire. Suli maholo kire ko unue uri o ko tohungei lio i suli diana aada, na o sai peꞌire loꞌu aana nga mo ola huni haꞌamwadaꞌue mo laenga ikire. Maꞌalana o kaꞌa manataꞌinie ike ngaeta mo iini kire hule aamu ngeena, taꞌe o tohungei peꞌi diana aada aana tolahai ola diana nge e malisine mo koni-konihe a God.

3 Jon 1:8

Oto ikie, mo iini kie ko hiiwalaimoli aana a Jisas, leu i sapeka oto hunie kie ke peꞌie mo mwane urine, uri hunie kie ke mani esu tararuru peꞌire, hunie mwala hunge ke manataꞌinie walaimolinge.