Palonga 16:14 - Tataroha Diana

¹⁴ Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

Palonga 16:14 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 24:45

Oto a Jisas e si tahanie manatada hunie kire ke lio saie mo Uusu-uusu Maaꞌi.

Tataroha Diana I Sulie A Jisas Kraes Nge A Jon E Uusue 12:20

Ngaeta mo iinoni ni Krik noꞌone kire lae taꞌau i Jerusalem peꞌie mo Jiu huni paloa God aana maholo hunie houlaa ngeena.

Palonga 10:2

Maꞌalana ingeie ngaeta mwane aana mo Aapoloa Aaopa, taꞌe e neꞌisae paine aana God na ahutana mwala aana uluhe ni iinoni ingeie kire ko lulu i sulie a God noꞌone. A mwaena ko nii-nii tarau hunie kira maitale, na ko aare-aarea God suli maholo.

Palonga 11:21

Oto nanamanga a Aalaha e iiꞌo aada, lae-lae mo iini hunge aada ko hiiwalaimoli na kire ko aehota lulu i sulie oto a Aalaha.

Palonga 13:43

Na mo iini hunge aana mo Jiu na mo Aapoloa Aaopa nge kire ko palo-paloa God aana nume ni palo-palo ngeena, kire ko lulu i sulie oto a Pol na Banabas. Oto kirerue ko ere-ere peꞌire ni ere haꞌasusure uri kire ke hele aꞌailaꞌa aana manata-diananga hunie a God.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 16:40

Maholo a Pol na Saelas kire iisitaa oto mwaanie nume ni hoꞌo, kire si lae wau i nume a Lidia na kire ko ere haꞌasusure mo mwaasine i lalo aana Kraes loꞌu hunie hiiwalaimolinge ikire ke susu. Oto e mango urine, nge kire si lae mwaanie huilume ngeena.

Palonga 18:7

Oto a Pol e iisitaa mwaanie nume ni palo-palo mo Jiu ngeena, na ko lae oto wau i nume a Titias Jastas ngaeta mwane aana mo Aapoloa Aaopa nge ko palo-paloa God. Na nume ingeie e iiꞌo mola karaꞌinie nume ni palo-palo ngeena.

Palonga 8:27

Maholoi satona a Pilip e lae i sulie tala ngeena na ko leesie ngaeta koni-konihe diana Toro ni Itiopia. Mo Toro ni Itiopia kire haaraꞌinire mo Kandis, na koni-konihe diana ngeena ingeie mwane paine ko lio i sulie ahutana mo toꞌoha Toro ni Itiopia ngeena. Oto aana kele maholoi satona, e si uure mola mwaanie i Jerusalem

Uusu-uusu A Pol Hurula'aa Hunie Mo Rom 9:16

Oto maholo a God ko lio hilisie nga iini mala iinoni ingeie, nge lio-hilisinge ngeena e saꞌa lae ike i sulie nga taa iinoni ngeena e saetoꞌo aana wa mei esunge uri taa e asuie, taꞌe a God ko lae mola i sulie aamasinge ingeie maraana.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 3:20

!Omu ke rongo kaꞌu! Ineu oto nou uure i aena maa, no ko iiki-iiki ienini. Mala nga iini ko rongoa walaku na ko tahanie maa talaku, nge ne kei sili mei nume ingeie, na ne kei ngeu oto tararuru peꞌie.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.