Palonga 15:35 - Tataroha Diana

³⁵ Taꞌe a Pol na Banabas kire oore mola i Antiok, na ikirerue na ngaeta mwala hunge loꞌu kire ko haꞌa-uusulie mwala peꞌi tarohaꞌinie walana a Aalaha.

Palonga 15:35 ပူးပေါင်းရင်းမြစ်များ

Palonga 12:25

Oto maholo a Banabas na Sol kirerue asu mangoa asunge ikirerue aana niilana mei toꞌoha nge kirerue toolea mai hunie soihaadaꞌinge i Jerusalem, kire si eelihoꞌi loꞌu hunie i Antiok. Na maholona nge kirerue toolea noꞌone a Jon, nge ngaeta sata loꞌu aana a Mak.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 13:12

Maholo poro paine ngeena e leesie nga taa e raune, nge e si hiiwalaimoli aana God na ko tohungei pangataꞌi noꞌone aana haꞌa-uusulinge i sulie Aalaha.

Palonga 14:28

Na kirerue iiꞌo tewa peꞌie mo pwaarongoisuli a Jisas aana hanuena.

Palonga 15:34

Palonga 28:31

na e kaꞌa maꞌu loꞌu huni laeliwala i sulie Aalahanga a God. Ko haꞌa-uusulie mola mwala aana taꞌena nga ola i sulie a Jisas, Aalaha ikie, na nga iini e kaꞌa uure honosie loꞌu erenga ingeie.

Palonga 8:4

Oto mwala nge kire tahi mwaanie i Jerusalem, kire si lae peꞌie houleꞌinilana walana God aana ahutana mo leu kire ko lae aani.

Kolosi 1:28

Aena urine, melu ko tarohaꞌinie Tataroha Diana ienini i sulie a Jisas Kraes hunie taꞌena nga iinoni. Oto aana saenanaunge diana a God, melu ko lae peꞌi haꞌapasulire na peꞌi haꞌananaure uri hunie kire ke lae mai saana God, na hunie kire ke mani neꞌi rato i sulie tolahana a Kraes.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.