Palonga 14:22 - Tataroha Diana

²² Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 14:22 ပူးပေါင်းရင်းမြစ်များ

Matiu 10:38

Na nga iini e kaꞌa mwaꞌe-mwaꞌe huni sapesalu hule aana maenga i lengine poꞌu-poꞌu i tehulaꞌaku, e kaꞌa malisine ike ke neꞌi pwaarongoisuli ineu.

Matiu 16:24

Oto a Jisas ko si unue hunie mo pwaarongoisuli ingeie ko teꞌuri, “Mala nga iini ko sare lulu i sulieu nge ke pulongosie maraana, na ke lulu i sulieu maꞌalana ko sapesalu oto hiitoꞌo mala mo iini i lengine mo poꞌu-poꞌu.

Matiu 19:24

Na no ko heꞌi unue loꞌu uri e mwadaꞌu mola hunie uri nga kamel kei sili i sulie kele waa-waata aana nile tau-teuri, liutaa aana iinoni toꞌo-toꞌo ke sili i laona Aalahanga a God.”

Tataroha Diana I Sulie A Jisas Kraes Nge A Mak E Uusue 10:30

nge kei toꞌo-toꞌo loꞌu liutaa aana nga moi taa ko toliꞌaasiꞌi ngeena. I laona walumalau ie kei hele haꞌatangalau aani nume, na aani eesine mwane, na aani eesine keni, na aani nikana, na aani mwela, na aani mei aano. Taꞌe taungeꞌinilana kei lae oto noꞌone. Na aana walumalau haalu ko lae maine, nge ke si hele aana maurihe huu.

Tataroha Diana I Sulie A Jisas Kraes Nge A Mak E Uusue 9:47

Na mala uri maamu ko haꞌatataroꞌo hunie oorahaꞌaa, nge o ke kae aasie mola. Aana e diana liutaa huni lae i laona Aalahanga a God mola peꞌie taꞌa-taꞌa maa, mwaanie laenga peꞌie e ro maamu i laona dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 24:26

Aana kire unue uri a Kraes kei saro sapesalu na kei mae oto urine, nge ke si lai iiꞌo aana manikuluhaꞌana.”

Tataroha Diana I Sulie A Jisas Kraes Nge A Jon E Uusue 15:18

Oto a Jisas e heꞌi unue loꞌu uuri, “Mala uri walumalau ko ngiduupu oto huniꞌomu, omu ke manataꞌinie uri e holaꞌi ngiduupu oto hunieu wau i naꞌo.

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Jon E Uusue 3:5

Oto a Jisas ko aalamie uuri, “No ko unue oto toꞌohuu huniꞌo uri mala nga iini e kaꞌa hute aani wei na loꞌu aana Liꞌoa Maaꞌi, nge e saꞌa roroꞌa ni sili ike i laona Aalahanga a God.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 13:43

Na mo iini hunge aana mo Jiu na mo Aapoloa Aaopa nge kire ko palo-paloa God aana nume ni palo-palo ngeena, kire ko lulu i sulie oto a Pol na Banabas. Oto kirerue ko ere-ere peꞌire ni ere haꞌasusure uri kire ke hele aꞌailaꞌa aana manata-diananga hunie a God.

Palonga 14:20

Taꞌe maholo mo pwaarongoisuli haalu aana hanuena kire lae mai uure kali-kelie, oto e uure i lengi, ko si lae mola wau i laona huilume. Oto aana hai dinge loꞌu i puri, nge a Pol na Banabas kire si lae loꞌu hunie huilume i Debe.

Palonga 14:28

Na kirerue iiꞌo tewa peꞌie mo pwaarongoisuli a Jisas aana hanuena.

Palonga 15:32

A Jiudas na a Saelas ikirerue nga ro propet noꞌone, oto kire ere-ere nada ni ere haꞌasusure huni haꞌa-aꞌailaꞌaa hiiwalaimolinge ikire.

Palonga 15:41

Kire lae, kire lai liuhie e ro poꞌo ni henue i Siria na i Silisia na a Pol ko lae peꞌi haꞌa-aꞌailaꞌaa mo soihaadaꞌinge.

Palonga 18:23

E haro iiꞌo tewa i Antiok nge e si lae loꞌu mwaanie i leune, na ko lai liuhie oto mo henue i laona e ro poꞌo ni henue i Kalesia na i Frijia ni ere haꞌasusue saeda, hunie hiiwalaimolinge ikire aana Jisas ke aꞌailaꞌa loꞌu.

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Palonga 9:16

Na ineu maraaku, ne kei haataꞌinie hunie uri ke sapesalu oto hiitoꞌo i tehulaꞌaku.”

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

Pilipae 1:29

Iꞌomu, omu ko ooho oto aana taꞌa-taꞌa taungei oohonga nge omu leesie nou ooho-ooho kaꞌu aana i naꞌo, na omu ko rongoa no ko ooho-ooho ue aana maholo ie. Omu ko ooho urine aana a God e haꞌamaꞌu eemiu, aani lio hilisilemiu huni hiiwalaimoli aana a Kraes, na oto liutaa huni sapesalu i tehulaꞌana.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

2 Timoti 3:12

Na e toꞌohuu oto uri taꞌe-taꞌena nga iini ko lado peꞌie a Jisas Kraes na ko sare iiꞌo maaꞌi nana, nge mwala kei haꞌaloie oto urine.

1 Pita 2:21

Iau, omu ke teteꞌurine aana a God e soiꞌomu oto huni esunge urine, na hule aana a Kraes e lae peꞌi sapesalu oto liutaa i tehulaꞌamiu urine noꞌone. Oto e haataꞌinie uuri-uurite ngeena huniꞌomu ni uuri i sulie.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

1 Pita 5:9

Omu ke haꞌa-aꞌailaꞌaa hiiwalaimolinge iꞌomu na omu ke uure maꞌutaꞌa honosie mo malaahonga aana aaelanga na ahutana mo esunge aaela a Satan. Aana omu saie uri taꞌa-taꞌa taungei aasanga nge ko hite aamiu ngeena ko lae noꞌone hunie ahutana mo iinoni nge kire hiiwalaimoli aana taꞌe-taꞌena nga leu kire iiꞌo aana i laona walumalau.

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.

Haataꞌinge 7:14

Oto nou aalamie uuri, “Nou kaꞌa saie ike, poro paine ineu, taꞌe iꞌoe haꞌalaa o saie.” Oto rato ni mwane ngeena e si teꞌuri hunieu, “Mwala ngeena, ikire nge kire uure maꞌutaꞌa aana maholo taungeꞌinilada e lae na kire iiꞌo i laona siꞌohaꞌanga paine. Kire hoda rereꞌa oto aana mo toꞌoni ikire aana apune a Kalei Sipu.