Palonga 14:21 - Tataroha Diana

²¹ Kire tarohaꞌinie Tataroha Diana wau i Debe lae-lae hule aana mo iini hunge ko neꞌi pwaarongoisuli haalu oto nana a Jisas. Oto purihaꞌana nge kire si eelihoꞌi loꞌu hunie i Listra, na i Aekoniam, na i Antiok i Pisidia.

Palonga 14:21 ပူးပေါင်းရင်းမြစ်များ

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Palonga 13:14

Oto kirerue lae mwaanie i Pega kire lae loꞌu hunie huilume i Antiok aana poꞌo ni henue i Pisidia. Na aana Dinge Maaꞌi Mo Jiu, kire lai iiꞌo mola i laona nume ni palo-palo mo Jiu.

Palonga 13:51

Oto e ro hurulaꞌaa kirerue tataaꞌinie mola wasa-wasa mwaanie aeꞌaedarue huni haꞌapasulire uri a God kei leie tataꞌalanga ikire na uri kirerue sereꞌinie nga mei ola aana hanuena ke haꞌamadaꞌararue, oto kire si lae loꞌu hunie huilume i Aekoniam.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 14:19

Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.

Palonga 14:26

Oto kirerue taꞌe aana ngaeta haka, kire si eelihoꞌi loꞌu hunie i Antiok aana poꞌo ni henue i Siria. Kirerue ko eelihoꞌi ngeena takoie soihaadaꞌinge nge e uusungeꞌinire kaꞌu huni tarohaꞌinie Tataroha Diana, na kire niirerue kaꞌu i nimana a God hunie ke kinetaꞌinirerue aana asunge kirerue si haꞌamangoa ngeena.

Palonga 14:6

Taꞌe maholo kirerue rongoa tataroha i sulie neꞌisaenga ikire ngeena, oto kirerue tahi mola hunie poꞌo ni henue i Likeonia. I leune kirerue ko si lae kalie loꞌu e ro huilume i Listra na i Debe

Palonga 14:7

huni tarohaꞌinie Tataroha Diana hunie mwala.

Palonga 14:8

Aana huilume i Listra, ngaeta mwane aeꞌaena e rarasi e iiꞌo wau i leune. E hute aana nikana na e ro aeꞌaena e aaela oto urine, na e kaꞌa sai lae ike.

Palonga 15:36

Oto loꞌu mei puri a Pol ko teꞌuri hunie a Banabas, “Kure ke aalihoꞌi loꞌu i kelie mo eesikaelu kira hiiwalaimoli aana ahutana mo henue kure liu mei tarohaꞌinie walana Aalaha aani, hunie kure ke leesie kire ko lae oto uri taa.”

Palonga 16:2

Mo mwaasine i lalo aana Kraes i Listra na i Aekoniam kire tohungei neꞌisae paine aana a Timoti,

Palonga 2:47

Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.