Palonga 14:19 - Tataroha Diana

¹⁹ Oto lae-lae i purine nga maholo e kele tewa, ngaeta mo mwane ni Jiu uure mwaanie huilume i Aekoniam na huilume i Antiok aana poꞌo ni henue i Pisidia kire hule mai, na kire ko haꞌa-olaa mwala ni Listra ngeena uri kire ke uure honosie e ro hurulaꞌaa. Na kire ko uuꞌie a Pol aani heu, na kire ko weꞌi ookea oto mwaanie huilume aana kire loꞌongaꞌinie uri e mae oto.

Palonga 14:19 ပူးပေါင်းရင်းမြစ်များ

Palonga 13:14

Oto kirerue lae mwaanie i Pega kire lae loꞌu hunie huilume i Antiok aana poꞌo ni henue i Pisidia. Na aana Dinge Maaꞌi Mo Jiu, kire lai iiꞌo mola i laona nume ni palo-palo mo Jiu.

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

Palonga 14:1

Oto mala tolahana a Pol na Banabas kirerue mani lai sili weu noꞌone i laona nume ni palo-palo mo Jiu wau aana huilume i Aekoniam, na i leune laeliwalanga ikirerue e saka lae-lae hule aana mo iini hunge aana mo Jiu na mo Aapoloa Aaopa kire ko hiiwalaimoli oto.

Palonga 14:18

Kirerue ko talei ere-ere hiitoꞌo hunire kaꞌu urine lae hule aana kirerue ko weo oto aana erenga, nge kire si mamalo mwaanie uunu-olanga hunirerue.

Palonga 14:2

Oto e ro hurulaꞌaa kirerue kele iiꞌo tewa i Aekoniam na kire aꞌailaꞌa mola ni houleꞌinie walana Aalaha. Na a Aalaha e niie nanamanga na mo tolimaa hunirerue huni haataꞌinie aana mwala uri mei wala i sulie manata-diananga a Aalaha e toꞌohuu. Taꞌe mo Jiu nge kire kaꞌa hiiwalaimoli kire ko haꞌa-olaa ngaeta mo Aapoloa Aaopa uri kire ke leledie mo iini nge kire hiiwalaimoli.

Palonga 14:21

Kire tarohaꞌinie Tataroha Diana wau i Debe lae-lae hule aana mo iini hunge ko neꞌi pwaarongoisuli haalu oto nana a Jisas. Oto purihaꞌana nge kire si eelihoꞌi loꞌu hunie i Listra, na i Aekoniam, na i Antiok i Pisidia.

Palonga 14:26

Oto kirerue taꞌe aana ngaeta haka, kire si eelihoꞌi loꞌu hunie i Antiok aana poꞌo ni henue i Siria. Kirerue ko eelihoꞌi ngeena takoie soihaadaꞌinge nge e uusungeꞌinire kaꞌu huni tarohaꞌinie Tataroha Diana, na kire niirerue kaꞌu i nimana a God hunie ke kinetaꞌinirerue aana asunge kirerue si haꞌamangoa ngeena.

Palonga 14:4

Oto ahutana mwala aana huilume ngeena kire oopa oto aana e ro pulitaa, ngaeta mo iini kire neꞌisae peꞌie mo rato ni Jiu, na ngaeta mo iini kire neꞌisae peꞌie e ro hurulaꞌaa.

Palonga 14:5

Oto ngaeta mo Jiu na ngaeta mo Aapoloa Aaopa peꞌie mo rato ni mwane ikire, kire mani neꞌisae tararuru oto huni lai horo maesie a Pol na Banabas aani uuꞌiladarue aani heu.

Palonga 15:26

nge kirerue karaꞌi mae i tehulaꞌana asunge Aalaha ikie a Jisas Kraes.

Palonga 17:13

Taꞌe maholo mo rato ni Jiu weu i Tesalonaeka kire rongoa uri a Pol ko tarohaꞌinie loꞌu walana God taꞌau i Berea, kire lae mai kire ko si ere i saena mwala hunge loꞌu aana huilume ngeena hunie kire ke saewasulirerue.

Palonga 22:20

Na maholo kire horoꞌie a Stivin, iini nge e tarohaꞌinie noꞌone walamu, na nou uure noꞌone peꞌie mo iini nge kire horo maesie. Ineu oto nou kakalie mo sala ikire sulie nou neꞌisae noꞌone mala ikire huni horoꞌie.’

Palonga 7:58

na kire ko weꞌi ookea oto mwaanie huilume, na kire ko aehota huni uuꞌi maesie oto aani heu. Oto mo iini nge kire ko heliwala peꞌie a Stivin kire si haꞌa-oorea mo toꞌoni tetewa ikire i saana mwane satana a Sol hunie ke lio i suliꞌi.

Palonga 9:16

Na ineu maraaku, ne kei haataꞌinie hunie uri ke sapesalu oto hiitoꞌo i tehulaꞌaku.”

1 Korinit 15:31

Maeni eesiku, ineu nou iiꞌo ni maenga oto mola i suli dinge eena. !E toꞌohuu oto! E toꞌohuu oto mala mei wala nou unue kaꞌu aana nou toohaꞌiniꞌomu haahie iiꞌo-rurunge ikie peꞌie a Kraes Jisas, Aalaha ikie.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 11:25

Na e oolu maholo nge mo naꞌohai mwane ni Rom kire rapusieu aani mai ei. Na ngaeta maholo mwala kire uuꞌieu aani heu huni horo maesieu. Na e oolu maholo oto mo haka nou lae-lae aani kire dodo peꞌieu. Na ngaeta maholo melu dodo i laona matawa na aasi e talei aahe-aahesieu mola hunie hai dinge laku peꞌie nga hai rodo nge kire si leuhieu.

2 Korinit 11:26

Mo maholo oto hunge nou weo aani laenga, na nou oodoie mo ola oto hunge ni maesiꞌi. Nga mo maholo ne ke lae oodoie mo wei ko kone, na ne ke oodoie mo horopeli. Nga mo maholo ne ke lae oodoie mwala ineu loꞌu mola mo Jiu kire ko karaꞌi horoꞌieu, na loꞌu mo iini nge ikire nga mo Jiu haꞌike. Na hule aana ngaeta mo maholo mo iini ko unue uri ikire mo eesike aana hiiwalaimolinge aana Kraes, na ikire noꞌone kire ko karaꞌi horoꞌieu noꞌone. Taꞌe ikire mo eesike toꞌohuu haꞌike ni ngeena. Nga mo maholo ne ke lae oodoie mo ola ni maesiꞌi aana mo huilume paine, na i laona hanuesala, na noꞌone i eesi.

1 Tesalonaeka 2:14

Maeni eesiku, nga taa e raꞌusiꞌomu ngeena e rau taane oto noꞌone aana mo soihaadaꞌinge a Kraes Jisas aana poꞌo ni henue i Jiudia. Iꞌomu, omu sapesalu aana mwala iꞌomu loꞌu mola kire taungeꞌiniꞌomu, na e urihana noꞌone loꞌu mola ikire kire sapesalu aana mwala ikire mo Jiu kire taungeꞌinire.

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.