Palonga 14:15 - Tataroha Diana

¹⁵ “!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 14:15 ပူးပေါင်းရင်းမြစ်များ

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Tataroha Diana I Sulie A Jisas Kraes Nge A Jon E Uusue 5:26

Na e urine oto aena aana a Mamaꞌa e maaie hunieu a Kalena noꞌone ne ke toꞌo aana nanamanga ni meurihe mala ingeie. Mala maurihe e uure mai mwaanie a Mamaꞌa maraana, nge urine loꞌu a Mamaꞌa e maaie hunieu a Kalena uri hunie ne ke sai niie maurihe noꞌone urine hunie taꞌena nga iini.

Tataroha Diana I Sulie A Jisas Kraes Nge A Jon E Uusue 7:18

Aana iinoni nge ko ere mola tohune, ingeie ngeena ko loꞌohie mola haꞌapainaꞌalana maraana ni ngeena. Taꞌe a tei nge ko sare haꞌapainaꞌaa iini e uusungeꞌinieu mei, nge iini urine ko ere toꞌohuu na nga mei eeronga haꞌike loꞌu aana.

Palonga 10:26

Taꞌe a Pita e haꞌa-uuresie na ko teꞌuri, “O ke uure i lengi, aana ineu iinoni noꞌone mola mala iꞌoe.”

Palonga 13:32

Na iꞌemereꞌi ni oto mere iiꞌo huni tarohaꞌinie Tataroha Diana huniꞌomu. Aena nga taa nge a God e haiholotaꞌinie hunie mo weuwaka i naꞌo,

Palonga 14:21

Kire tarohaꞌinie Tataroha Diana wau i Debe lae-lae hule aana mo iini hunge ko neꞌi pwaarongoisuli haalu oto nana a Jisas. Oto purihaꞌana nge kire si eelihoꞌi loꞌu hunie i Listra, na i Aekoniam, na i Antiok i Pisidia.

Palonga 14:7

huni tarohaꞌinie Tataroha Diana hunie mwala.

Palonga 16:30

Oto e toolerarue poi sinaha, ko si dolosi aadarue uuri, “?Nga taa ni ne kei da hunie a God ke haꞌa-uurieu?”

Palonga 27:10

“Mo mwane, mala uri kolu kei lae loꞌu, nge nou leesie laenga ikolu ienini e saꞌa diana ike, aana nou leesie uri haka na ludaa i laona kire kei meni eiꞌaa mango. Na hule aana ngaeta mo iini aakaelu kire kei mae noꞌone.”

Palonga 27:21

Melu kaꞌa ngau loꞌu hunie mo dinge hunge, oto a Pol e si uure i matolameelu ko teꞌuri, “Mo mwane, mala uri omu ke holaꞌi rongo oto hunie walaku hunie kolu ke suꞌuri lae mwaanie mala-malau i Krit, haꞌalaa kolu kaꞌa siꞌohaꞌa ike urine na kolu kaꞌa tekelaꞌinie ike nga mei ola.

Palonga 27:25

Oto mo mwane, omu ke suꞌuri meꞌu. Nou hiiwalaimoli a God kei esuie mola walu ola oto mala e unuꞌi hunieu.

Palonga 4:24

Oto maholo ahutada kire rongo urine, kire ko si meni aarea a God uuri, “Hahuꞌana Aalaha, iꞌoe oto o haꞌaholaa salo na aano huu na aasi na taꞌena nga ola i laloni.

Palonga 7:26

Oto aana dinge i puri, a Mosis ko leesie loꞌu e ro mwane ni Israel ko heiseuni. Oto ko sare oopararue, oto ko teꞌuri, ‘!Mwae! ?Iꞌomoreꞌi e ro mwane ni Israel mola ni ngeena, oto more ko heiseuni huni taa?’

1 Korinit 8:4

Oto aapa aana ngaulana mo ngeulaa uunuleni e lae i saana mo nunui ola, kie saie oto uri nunui ola nga ola toꞌohuu haꞌike, aana kie mani saie oto uri e taꞌa-taꞌa God mola.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

1 Tesalonaeka 1:9

Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

Jemes 5:17

Mala a Elaeja, ingeie ngaeta mwane noꞌone mola mala ikolu. Ingeie e aarengaꞌi susuleꞌi hunie ke suꞌuri nemo, oto e kaꞌa nemo ike hunie oolu helisi na e oono waro-waro.

Haataꞌinge 14:7

Ensel ngeena ko ere aana mei wala paine uuri, “Omu ke haꞌamaꞌu aana God na omu ke haꞌapainaꞌaa. E hule oto aana maholo a God huni leie ahutana mwala. Oto omu ke haꞌamanikuluꞌaa God aana ingeie oto iini nge e haꞌaholaa salo, na aano huu, na aasi, na mo huulaa mauri, na taꞌena nga ola loꞌu i laona walumalau.”

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Haataꞌinge 19:19

Oto nou leesie ola loo-looꞌa ngeena na mo inemauri aana walumalau kire mani lokoa ahutana mo ramo aana mo mae ikire huni ooho honosie iini e taꞌe i lengine hoos rereꞌa ngeena na pulitaa ni ramo ingeie.

Haataꞌinge 22:9

Taꞌe ensel ngeena e unue mola hunieu uuri, “!Haꞌike! O ke suꞌuri palo-paloau. Ineu ngaeta koni-konihe noꞌone mala iꞌoe, na mala mo eesimu mo propet, na oto mala ahutana mo iini nge kire ko hele i sulie mo wala i laona uusu-uusu ienini. O ke palo-paloa mola a God.”

Haataꞌinge 4:11

“Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”