Palonga 13:48 - Tataroha Diana

⁴⁸ Oto maholo mo Aapoloa Aaopa kire rongoa mei wala ngeena, kire ko si tohungei ilenimwaꞌe na kire ko paalahea oto Aalaha haahie mei wala ingeie ngeena. Na mo iini nge a God e lio hilisire hunie kire ke toꞌo aana maurihe huu kire hiiwalaimoli oto aana.

Palonga 13:48 ပူးပေါင်းရင်းမြစ်များ

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Matiu 28:16

Oto aawalai pwaarongoisuli mwana eeta kire lae oto hunie uuwo i Kalili, leu nge a Jisas e unue kire ke lae aana.

Tataroha Diana I Sulie A Jisas Kraes Nge A Luk E Uusue 7:8

Aana ineu na nou iiꞌo noꞌone i mamalutana nanamanga ngaeta mo poro paine, na nou toꞌo aana noꞌone mo ramo i meluteku. Na mala no ko unue hunie nga ramo uuri, ‘Lae wau,’ na ko lae oto wau. Na mala no ko unue hunie ngaeta ramo uuri, ‘Lae mai,’ na ko lae oto mai. Na mala no ko unue hunie koni-konihe ineu uuri, ‘O ke asuie mei esunge waune,’ na ko esuie oto.”

Tataroha Diana I Sulie A Jisas Kraes Nge A Jon E Uusue 10:16

Nou toꞌo aana taane ngaeta mo sipu na ikire haꞌike ue i laona para ni sipu ineu. Taꞌe ne kei haro tooleꞌi taane ue mai hunie kire ke iiꞌo peꞌie mo iini kire iiꞌo oto i laona para. Kire kei haro neꞌie taꞌa-taꞌa hakaa ni sipu mola, na ineu oto taꞌa-taꞌa kakalihe nge kire sai rongo hunie.

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Palonga 13:12

Maholo poro paine ngeena e leesie nga taa e raune, nge e si hiiwalaimoli aana God na ko tohungei pangataꞌi noꞌone aana haꞌa-uusulinge i sulie Aalaha.

Palonga 13:42

Maholo a Pol na Banabas kirerue ko iisitaa oto mwaanie nume ni palo-palo ngeena, nge mwala ko eitanairerue uri kire ke aalihoꞌi loꞌu mei aana ngaeta Dinge Maaꞌi Mo Jiu hunie kire ke ere-ere loꞌu i sulie walu ola ienini.

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 15:31

Na maholo kire saaie uusu-uusu ngeena, ruruhaa ko si tohungei ilenimwaꞌe haahie mei wala ni ere haꞌasusure ngeena.

Palonga 2:41

Oto mo iini kire hiiwalaimoli aana walana Pita, kire si loto maaꞌi. Na aana hai dingena ola mala oolu sinolai iinoni nge kire sili loꞌu mei peꞌire i laona soihaadaꞌinge.

Palonga 2:47

Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

Palonga 20:13

Oto a Pol e haꞌarongoꞌemeelu aana ko sare liu i tala, na uri ke si hekusiꞌemeelu loꞌu weu aana huilume i Asos. Oto melu holaꞌi lae oto aana haka hunie i Asos.

Palonga 22:10

“Oto no ko dolosi loꞌu aana no ko teꞌuri, ‘?Oto nga taa ne kei da, Aalaha ineu?’ “Oto e aalamieu ko teꞌuri, ‘Taꞌelaꞌi, na o ke lae wau i Damaskas. Nga mwane wau i leune ke si unue walu ola nge a God e oalaꞌiniꞌi hunie o ke asuiꞌi.’

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 8:8

Oto mwala oto hunge aana huilume paine ngeena kire ko tohungei ilenimwaꞌe.

Uusu-uusu A Pol Hurula'aa Hunie Mo Rom 11:7

?Oto e ue eena? E lio mala uri mwala ni Jiu kaꞌa lio oodoie ike mei oodotaꞌinge i maana God nge kire hai-heitalea aana lulu i sulilana mo Haꞌatolanga. Tootaꞌi iini mola kire lio oodoie, aana a God e lio hilisire. Taꞌe mo iini e kaꞌa lio hilisire kire hei-heitale lae-lae na saeda e hau oto.

Uusu-uusu A Pol Hurula'aa Hunie Mo Rom 13:1

Ahutana mwala ke mani totola i sulie oto mo naꞌohai mwane aana kahamani, aena aana nga taꞌa-taꞌa iini e saꞌa toꞌo aana ike nanamanga huni lio i sulie mwala, na a God e kaꞌa toliꞌaasie hunie. Oto mo naꞌohai mwane ngeena, mwala a God e neꞌire oto huni lio i sulie mwala ni ngeena.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Epesas 1:19

Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,

Epesas 1:4

I naꞌo aana maholo a God e kaꞌa haꞌaholaa ue walumalau, e lio hilisikie oto huni neꞌi iinoni ingeie na huni iiꞌo ruru peꞌie a Kraes uri hunie kie ke iiꞌo maaꞌi na kie ke suꞌuri toꞌo aana nga mei ola aaela i maana.

Epesas 1:5

Aana a God e manata diana hunikie na e lio hilisikie oto wau i naꞌo hunie kie ke neꞌi kalena i tehulaꞌana a Jisas Kraes. Na e tohungei toꞌohie oto saena a God huni esuie urine.

2 Tesalonaeka 3:1

Oto maeni eesiku maaꞌi, omu ke aarengaꞌi talameelu hunie uri melu ke sai tarohaꞌinie walana a Aalaha oto hailiu hunie taꞌena nga hanue, na hunie uri mwala ke rongo peꞌi haꞌamaꞌunge aana oto mala iꞌomu omu esuie aana maholo omu rongoa.