Palonga 13:46 - Tataroha Diana

⁴⁶ Taꞌe a Pol na Banabas kirerue mwaka aada mola na kirerue ko teꞌuri, “E adona walana God unulana ke holaꞌi lae oto huniꞌomu, taꞌe aena aana omu ko leledie mei ola ienini, nge omu haataꞌinie oto uri omu kaꞌa malisine ike helesilana maurihe huu. Aena urine nge mere kei lae oto mwaaniꞌomu na mere kei lae oto i saana mo Aapoloa Aaopa.

Palonga 13:46 ပူးပေါင်းရင်းမြစ်များ

Matiu 10:6

Taꞌe omu ke lae i saana mo sipu e takalo kaꞌu, mwala ni Israel.

Matiu 21:41

Oto kire ko aalamie uuri, “Kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana mo iini nge kire sai niie aapa ingeie hunie aana maholo ni soꞌokoninge.”

Matiu 21:43

Aena ngeena no ko unue huniꞌomu uri, taꞌaasilana aalahanga a God kei lae mwaaniꞌomu, na niilana kei lae oto hunie mo iini ko deu i sulie mo ola a God e saetoꞌo aani.

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Tataroha Diana I Sulie A Jisas Kraes Nge A Jon E Uusue 1:11

Maꞌalana tohungana mwala ingeie mo Jiu, taꞌe kire kaꞌa takuhie ike.

Tataroha Diana I Sulie A Jisas Kraes Nge A Jon E Uusue 4:22

Iꞌomu mo Samaria, omu kaꞌa tohungei sai diana aana ike uri a tei ni omu ko palo-paloa. Taꞌe iꞌemi mo Jiu emi saie a tei nge emi ko palo-paloa, aena aana a Haꞌa-uuri ingeie mwane ni Jiu.

Palonga 13:14

Oto kirerue lae mwaanie i Pega kire lae loꞌu hunie huilume i Antiok aana poꞌo ni henue i Pisidia. Na aana Dinge Maaꞌi Mo Jiu, kire lai iiꞌo mola i laona nume ni palo-palo mo Jiu.

Palonga 13:26

“Rongo kaꞌu, iꞌomu mo weuwana a Ebraham na mo Aapoloa Aaopa nge omu lae mai huni aarea God. Ikie oto, a God e lio hilisikie huni haataꞌi diana aana tala ni haꞌa-uuringe hunikie.

Palonga 13:5

A Jon Mak e hakusirerue huni peꞌirerue, na maholo kire lai hule wau i Saepras aana huilume i Salamis, kire ko si aehota tarohaꞌinie walana God i laona mo nume ni palo-palo mo Jiu.

Palonga 19:9

Taꞌe ngaeta mo iini aada kaꞌa sare hiiwalaimoli ike aana mei wala ienini. Na kire ko aehota ere aaelasie oto Tala Ni Meurihe i naꞌona mwala. Oto a Pol e lae mwaanire na ko toolea noꞌone mo pwaarongoisuli peꞌie. Na ko lai haꞌa-uusulire i sulie tolahana a Jisas mola susue dinge wau i laona nume ni sukulu a Tiranas.

Palonga 22:21

“Oto a Aalaha ko teꞌuri loꞌu hunieu, ‘O ke lae oto, sulie no ko uusungeꞌiniꞌo oto haꞌatau huni laeliwala hunie mo Aapoloa Aaopa.’ ”

Palonga 26:20

Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Palonga 28:28

Na a Pol e teꞌuri loꞌu, “Oto aena mei olana, nge saeku hunie omu ke sai diana aana uri a God ko sare haꞌa-uurie noꞌone mo Aapoloa Aaopa, na kire kei rongo taane hunie.”

Palonga 3:26

Oto maholo a God e haꞌa-uuresie koni-konihe ingeie a Jisas, nge e holaꞌi uusungeꞌinie huniꞌomu hunie ke niie haꞌadianaꞌanga huniꞌomu aani tola aalihoꞌinilemiu mwaanie mo oorahaꞌaanga iꞌomu.”

Palonga 4:13

Oto mo mwane aana pulitaa ni lei-lei ngeena kire ko si tohungei pangataꞌi aana kire leesie a Pita na Jon kirerue kaꞌa maꞌu loꞌu, maꞌalana uri kirerue e ro mei iinoni reu mola na kirerue kaꞌa sukulu diana ike. Na i leune nge kire si lio saie uri ikirerue ni kire lae-lae tarau peꞌie a Jisas holaꞌinaꞌo.

Palonga 7:51

“!Haꞌike eena! Iꞌomu siꞌirini, omu tohungei sada mola mala mo puꞌo na omu kaꞌa sare tola ike i sulie walana God. Suli maholo omu ko leledie mola Liꞌoa Maaꞌi mala mo weuwemiu oto i naꞌo.

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 2:10

Taꞌe ahutana mwala nge kire ko lae peꞌi esu diana, a God kei haꞌamanikuluꞌara, na kei haꞌapainaꞌara, na kei niie hanuelamanga hunire. Leune kei reu aana taꞌena nga iinoni diana, maꞌalana ikire mo Jiu wa ikire nga mo Jiu haꞌike.

Pilipae 1:14

Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.

Hibru 11:34

na kire mwaꞌasie mo eeso-eesohai dunge oto paine, na kire tahisie mwala e sare horoꞌire aani naihi. Maꞌalana uri kire mamaelaꞌa kaꞌu, taꞌe kire heꞌi aꞌailaꞌa loꞌu, na kire aꞌailaꞌasie oto mo heiseuninge ngeena na mo mae aana ngaeta mo henue.