Palonga 12:25 - Tataroha Diana

²⁵ Oto maholo a Banabas na Sol kirerue asu mangoa asunge ikirerue aana niilana mei toꞌoha nge kirerue toolea mai hunie soihaadaꞌinge i Jerusalem, kire si eelihoꞌi loꞌu hunie i Antiok. Na maholona nge kirerue toolea noꞌone a Jon, nge ngaeta sata loꞌu aana a Mak.

Palonga 12:25 ပူးပေါင်းရင်းမြစ်များ

Palonga 12:12

Oto maholo e kele loꞌo-loꞌongaꞌi i sulie, e si lae wau i nume a Meri nikana a Jon nge ngaeta sata aana a Mak. Na mwala hunge nge kire ruru mei nume huni aarengaꞌi.

Palonga 15:35

Taꞌe a Pol na Banabas kire oore mola i Antiok, na ikirerue na ngaeta mwala hunge loꞌu kire ko haꞌa-uusulie mwala peꞌi tarohaꞌinie walana a Aalaha.

Palonga 15:37

A Banabas e ilenimwaꞌe taane mola, na e tohungei saetoꞌo aana a Jon Mak ke hakusirerue.

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

2 Timoti 4:11

A Luk mola e si oore mai peꞌieu ie, aana a Tikikas nou uusungeꞌinie oto wau i seemiu aana huilume i Epesas. Maholo o ko lae mai, o ke toolea oto mai a Mak, aena aana ingeie e sai peꞌi diana aana asunge ineu.

Pilimon 1:24

Na mo mwane loꞌu nge kire ko meni esu noꞌone peꞌieu, a Mak, na a Aristakas, na a Demas, na a Luk, kire ko meni niie noꞌone saediananga ikire huniꞌomu.

1 Pita 5:13

Mo iini a God e lio hilisire hunie soihaadaꞌinge mai i Rom kire ko niie noꞌone saediananga ikire wau huniꞌomu. Na a Mak iini domana oto nga kaleku, ko niie noꞌone wau saediananga ingeie huniꞌomu.