Palonga 12:17 - Tataroha Diana

¹⁷ Taꞌe a Pita e salo haahire mola aana nimana hunie kire ke rohu, oto ko si lalado nada aana a God e haꞌa-iisitaangaꞌinie mwaanie nume ni hoꞌo uri taa. Mango urine, e si unue kire ke ladoa laladonga ienini nana a Jemes na mo eesine i lalo aana a Kraes. Oto e si lae mwaanire, na e lae loꞌu aana ngaeta leu.

Palonga 12:17 ပူးပေါင်းရင်းမြစ်များ

Matiu 10:23

Maholo mwala ko teungeꞌiniꞌomu aana nga hanue, omu ke tahi takoie ngaeta hanue. Aana toꞌohuu no ko unue huniꞌomu uri omu saꞌa roroꞌa haꞌamangoa ike asunge iꞌomu aana ahutana mo henue i Israel na ineu a Kale Ni Iinoni no ko hule oto mai peꞌie manikuluhaꞌana a God.

Tataroha Diana I Sulie A Jisas Kraes Nge A Mak E Uusue 6:3

Na lau-leu kire ko upwesie loꞌu mola uuri, “Kolu meni saie mola uri ingeie mwane aadu-eedu mola ni ngeena. Nikana kaꞌu mola a Meri, na mo eesine kire mani hute kaꞌu mola a Jemes, na a Josep, na a Jiudas, na a Saemon. Mo eesine keni kaꞌu noꞌone mola i leu peꞌikolu.” Oto kire ko si mola.

Tataroha Diana I Sulie A Jisas Kraes Nge A Luk E Uusue 1:22

Maholo a Sekaraea e iisitaa poi sinaha, na e kaꞌa sai ere oto peꞌire, taꞌe ko haꞌa-haꞌamalaa ola mola aana nimana. Oto kire si saie uri e leesie oto nga aanoa wau i Nume Maaꞌi.

Tataroha Diana I Sulie A Jisas Kraes Nge A Jon E Uusue 10:40

Oto a Jisas e si aatoholo aalihoꞌi loꞌu aana wai i Jodan hunie leu nge a Jon e loto maaꞌi keꞌu aana, na e si oꞌoꞌo wau i leune.

Tataroha Diana I Sulie A Jisas Kraes Nge A Jon E Uusue 11:54

Aena urine, a Jisas e kaꞌa lae-lae haadaꞌi ike loꞌu i matolana mo henue nge mo mwane paine mo Jiu kire sai leesie. Oto e uure mola mwaanie leune na e lae mola karaꞌinie hanuesala aana huilume i Ifrim. Na e iiꞌo oto i leune peꞌie mo pwaarongoisuli ingeie.

Tataroha Diana I Sulie A Jisas Kraes Nge A Jon E Uusue 13:24

Oto a Saemon Pita e salohie aana kiꞌine na ko unue uuri, “O ke dolosi kaꞌu aana. ?A tei ni ko ere-ere oalana?”

Tataroha Diana I Sulie A Jisas Kraes Nge A Jon E Uusue 7:1

Oto purihaꞌana walu ola ienini, a Jisas e si lae-lae hailiu mola i laona poꞌo ni henue i Kalili. E kaꞌa sare lae hailiu ike i laona poꞌo ni henue i Jiudia aena aana mo Jiu taꞌau kire ko eriꞌapasie kire ke horo maesie.

Tataroha Diana I Sulie A Jisas Kraes Nge A Jon E Uusue 8:59

Oto kire soꞌo hau huni uuꞌi maesie, taꞌe a Jisas e liu mumuni mola mwaanire, e si lae oto mwaanie Nume Maaꞌi Peine.

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

Palonga 12:16

Taꞌe a Pita ko iiki-iiki mola i kolune maa, na maholo kire tahanie maa na kire ko leesie, oto kire si tohungei pangataꞌi.

Palonga 12:18

Oto e dangi hoꞌowa, mo ramo ko si tohungei meꞌu, na kire ko dolosi aada hailiu uuri, “!Haꞌike eena! ?A Pita oto i tei?”

Palonga 13:16

A Pol e uure i lengi, e salo haahire aana nimana hunie kire ke pwaarongo, oto ko si aehota ere uurini, “Iꞌomu mo Israel na iꞌomu mo Aapoloa Aaopa nge omu lae mai huni aarea God, omu ke pwaarongo diana kaꞌu hunieu.

Palonga 15:13

Oto maholo kirerue ere-ere mango, a Jemes ko aehota ere uuri, “Maeni eesiku maaꞌi, omu ke pwaarongo kaꞌu hunieu.

Palonga 16:40

Maholo a Pol na Saelas kire iisitaa oto mwaanie nume ni hoꞌo, kire si lae wau i nume a Lidia na kire ko ere haꞌasusure mo mwaasine i lalo aana Kraes loꞌu hunie hiiwalaimolinge ikire ke susu. Oto e mango urine, nge kire si lae mwaanie huilume ngeena.

Palonga 19:33

Oto mo Jiu kire ko uusungeꞌinie ngaeta iini aada, satana a Aleksanda, huni lai uure taꞌau i naꞌona mwala, na ngaeta mo iini kire ko loꞌongaꞌinie uri a mwaena ni oto e aehotaa maaola-olanga ngeena. Na a Aleksanda e salo haahie mwala aana nimana hunie kire ke pwaarongo kaꞌu hunie, aana ko sare ere hunire.

Palonga 21:18

Oto aana dinge loꞌu i puri, ahutameelu, melu meni lae huni lai leesie a Jemes, na ahutana mo naꞌohai mwane aana soihaadaꞌinge ikire noꞌone peꞌie.

Palonga 21:40

A poro paine e toliꞌaasie mola, oto a Pol e uure i lengine huru-huru aana nume maꞌutaꞌa ngeena, ko si salo haahie mwala hunie kire ke pwaarongo hunie. Maholo kire iiꞌo mwa-mwanoto, ko si ere hunire aana tohungana erenga mo Jiu ko teꞌuri,

Palonga 28:15

Oto mo mwaasine aana hiiwalaimolinge wau i Rom kire rongo tarohana uri melu ko lae oto wau. Oto ngaeta mo iini aada kire si lae mai maaꞌoohiꞌemeelu aana leu ni uusiꞌe i Apias, na ngaeta mo iini aana leu kire haaraꞌinie aana “Oolu Nume Ni Awataa.” Maholo a Pol e leesire ko si tohungei ilenimwaꞌe, na ko ere ni paalahenga oto hunie a God.

1 Korinit 15:7

Oto e heꞌi haataꞌi loꞌu aana a Jemes, na loꞌu i puri hunie ahutana mo hurulaꞌaa.

Kalesia 1:19

Nou kaꞌa leesie ike loꞌu ngaeta mo hurulaꞌaa, taꞌe a Jemes aasine a Aalaha mola nou leesie.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.