Palonga 11:29 - Tataroha Diana

²⁹ Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 11:29 ပူးပေါင်းရင်းမြစ်များ

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Tataroha Diana I Sulie A Jisas Kraes Nge A Jon E Uusue 2:2

na kire haꞌarongoa mai noꞌone a Jisas na mo pwaarongoisuli ingeie hunie ngauhe ngeena.

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

Palonga 11:1

Mo hurulaꞌaa na ahutada kira hiiwalaimoli nge kire iiꞌo aana ahutana mo leu aana hanue mo Jiu, kire rongoa uri mo Aapoloa Aaopa kire ko hiiwalaimoli noꞌone aana God.

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 13:52

Taꞌe mo iini haalu kire hiiwalaimoli i Antiok kire ko tohungei ilenimwaꞌe na kire ko aꞌailaꞌa loꞌu aana Liꞌoa Maaꞌi.

Palonga 14:20

Taꞌe maholo mo pwaarongoisuli haalu aana hanuena kire lae mai uure kali-kelie, oto e uure i lengi, ko si lae mola wau i laona huilume. Oto aana hai dinge loꞌu i puri, nge a Pol na Banabas kire si lae loꞌu hunie huilume i Debe.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 24:17

“Nou lae mwaanie i Jerusalem mo helisi hunge e mango oto, oto nou eelihoꞌi loꞌu mei huni tola toꞌoha nana mo iinoni ineu ni Israel nge kire ko siꞌohaꞌa, na huni uunu ola hunie a God.

Palonga 4:34

Oto nga iini aana pulitaa ikire ngeena e kaꞌa tola talea ike loꞌu nga mei ola, aena aana mo iini nge kire toꞌo aana mo mei aano wa nga mo nume kire haꞌaholingeꞌiniꞌi. Oto mei toꞌoha nge kire tarie ngeena kire si niiꞌi

Palonga 6:1

Aana maholona soihaadaꞌinge ko peine lau-leu oto mola, oto kira hiiwalaimoli nge kire ko ere-ere mola aana erenga ni Krik, kire ko aehota upwesie mo iini nge kire sai ere aana tohungana erenga mo Jiu. Oto kire ko teꞌuri, “Suli dinge maholo omu ko haꞌa-adoa kira maitale aana mo niinge kolu meni niiꞌi, omu kaꞌa tohungei peꞌi-peꞌi diana aana ike mo nao iꞌemeelu mala mo iini iꞌomu.”

Palonga 9:19

Na purihaꞌana e ngau mango, nge sapena ko si aꞌailaꞌa loꞌu. Oto a Sol e iiꞌo oto peꞌie mo pwaarongoisuli wau i Damaskas hunie ngaeta mo kele dinge.

Palonga 9:25

Oto aana ngaeta hai rodo mo pwaarongoisuli ingeie kire neꞌie i laona luꞌe paine, na kire ko uukue i aano i sulie maaureꞌi i sinaha aana para.

1 Korinit 13:5

Manata-diananga e kaꞌa ola ike huni haꞌamasaa ngaeta iinoni, wa huni loꞌongaꞌinie maraana, wa huni loohaꞌi roroꞌanga, wa huni saewasu oto mola lau-leu.

Kalesia 2:10

Taꞌe taꞌa-taꞌa leu mola kiraelu unue huniꞌemereꞌi uri mere ke neꞌi-neꞌisae taraureꞌi aana mo iini e maitale, mei ola oto hule aana e tohungei hiꞌe i manataku noꞌone.