Palonga 11:28 - Tataroha Diana

²⁸ Oto ngaeta iini aada satana a Agabas, e uure i lengi ko si ere aana nanamanga a Liꞌoa Maaꞌi uri hiolonga kei tola aana ahutana mo leu aana aalahanga ni Rom. Oto mai puri, nge mei ola ienini ko si oa aana maholo a Klodias e neꞌi inemauri ni Rom.

Palonga 11:28 ပူးပေါင်းရင်းမြစ်များ

Matiu 24:14

Laeliwalanga aana Tataroha Diana i sulie Aalahanga a God kei lae kalie ahutana walumalau hunie ahutana iinoni ke mani rongo. Oto purihaꞌana haꞌamangolana ke si lae mai.”

Matiu 24:7

Haiseuninge kei lae i matolana mo henue hai aaopaꞌi, na i matolana mo aalahanga hailiu. Hiolonga kei toolea mo iini hunge i laona walumalau, na nunu kei tola ahusie mo henue hunge.

Tataroha Diana I Sulie A Jisas Kraes Nge A Luk E Uusue 2:1

Aana maholona, inemauri peine ni Rom, a Ogastas, e neꞌie haꞌatolanga hunie ahutana mwala aana mo henue i mamalutana. Haꞌatolanga ngeena e unue uri ahutana iinoni ke mani uusu sata huni toolea wilinge mwaanire.

Tataroha Diana I Sulie A Jisas Kraes Nge A Luk E Uusue 3:1

Oto e hule aana aawalai helisi mwana lime aana mo helisi nge a Taebirias e inemauri haahie aalahanga mo Rom. Aana maholona a Pontias Paelat ko aalaha haahie poꞌo ni henue i Jiudia, na a Herod Antipas ko aalaha haahie poꞌo ni henue i Kalili. A Pilip, aasine a Herod, ko aalaha haahie e ro poꞌo ni henue i Iturea na i Trakonaetis, na a Lisanias ko aalaha haahie poꞌo ni henue i Abilin.

Palonga 18:2

Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

Palonga 21:10

Melu iiꞌo i Sisaria hunie nga mo kele dinge na ngaeta propet, satana a Agabas, e uure i Jiudia ko lae mai hunie i Sisaria.