Palonga 11:26 - Tataroha Diana

²⁶ Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Palonga 11:26 ပူးပေါင်းရင်းမြစ်များ

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Tataroha Diana I Sulie A Jisas Kraes Nge A Jon E Uusue 2:2

na kire haꞌarongoa mai noꞌone a Jisas na mo pwaarongoisuli ingeie hunie ngauhe ngeena.

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 11:22

Tataroha i sulie mei ola ienini e lai hule aana soihaadaꞌinge taꞌau i Jerusalem, oto kire si uusungeꞌinie a Banabas huni lae wau i Antiok.

Palonga 11:27

Aana maholona ngaeta mo propet kire uure i Jerusalem, kire lae hao hunie i Antiok.

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 14:20

Taꞌe maholo mo pwaarongoisuli haalu aana hanuena kire lae mai uure kali-kelie, oto e uure i lengi, ko si lae mola wau i laona huilume. Oto aana hai dinge loꞌu i puri, nge a Pol na Banabas kire si lae loꞌu hunie huilume i Debe.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 14:23

Na i laona ahutana mo soihaadaꞌinge kirerue lio hilisie mo naꞌohai mwane huni naꞌoda. Na kirerue iiꞌo mola peꞌie oolongaunge na aarengaꞌinge talada, na kirerue toliꞌaasire mola hunie a Aalaha, iini nge kire hiiwalaimoli oto aana.

Palonga 14:27

Oto maholo kirerue hule loꞌu i Antiok kire si lokoa ahutana mo iini aana soihaadaꞌinge. Na kire ladoa ahutana walu ola nge a God e asuiꞌi hunirerue, aana e tahanie ngaeta maa aana hiiwalaimolinge hunie mo Aapoloa Aaopa ke sili noꞌone mai i sulie.

Palonga 14:28

Na kirerue iiꞌo tewa peꞌie mo pwaarongoisuli a Jisas aana hanuena.

Palonga 18:27

Oto purihaꞌana, maholo a Apolos ko sare lae loꞌu holosie aasi hunie poꞌo ni henue i Akaea, mo mwaasine i lalo aana Kraes i Epesas kire si peꞌie ni uusue uusu-uusu hunie mwala aana soihaadaꞌinge i Akaea uri kire ke lio i suli diana aana maholo kei lae wau i saada. Oto maholo a Apolos e lai hule wau i Akaea, e si peꞌie mo iini nge a God e si niie hiiwalaimolinge hunire aena aana manata-diananga ingeie e paine hunire.

Palonga 19:9

Taꞌe ngaeta mo iini aada kaꞌa sare hiiwalaimoli ike aana mei wala ienini. Na kire ko aehota ere aaelasie oto Tala Ni Meurihe i naꞌona mwala. Oto a Pol e lae mwaanire na ko toolea noꞌone mo pwaarongoisuli peꞌie. Na ko lai haꞌa-uusulire i sulie tolahana a Jisas mola susue dinge wau i laona nume ni sukulu a Tiranas.

Palonga 20:1

Oto purine maaola-olanga ngeena e mango, a Pol e si lokoa ahutana mo pwaarongoisuli huni ere haꞌasusue saeda. Oto e si unue kire ke oꞌoꞌo loꞌu, na ko lae oto mwaanire hunie i Masedonia.

Palonga 20:30

Na hule aana ngaeta mo iini eemiu noꞌone omu kei huꞌisie walaimolinge hunie mwala ke aaliꞌu i suliꞌomu.

Palonga 21:4

Oto melu si lai heitalea mo pwaarongoisuli weu i leune, na melu ko iiꞌo oto peꞌire hunie e hiu hei dinge. Na aena aana nga taa a Liꞌoa Maaꞌi e haataꞌinie hunire, kire ko haꞌa-haꞌapasulie a Pol uri ke suꞌuri lai hule taꞌau i Jerusalem.

Palonga 26:28

Oto a Akripa Inemauri ko teꞌuri, “?Uri o ko loꞌongaꞌi o sai huꞌisie manataku hunie ne ke hiiwalaimoli oto mola aana kele maholoi sato oꞌoruꞌe urini?”

Palonga 6:1

Aana maholona soihaadaꞌinge ko peine lau-leu oto mola, oto kira hiiwalaimoli nge kire ko ere-ere mola aana erenga ni Krik, kire ko aehota upwesie mo iini nge kire sai ere aana tohungana erenga mo Jiu. Oto kire ko teꞌuri, “Suli dinge maholo omu ko haꞌa-adoa kira maitale aana mo niinge kolu meni niiꞌi, omu kaꞌa tohungei peꞌi-peꞌi diana aana ike mo nao iꞌemeelu mala mo iini iꞌomu.”

Palonga 6:5

Oto ahutana mwala kire rongoa mei wala ngeena kire ko si ilenimwaꞌe haahie. Oto kire si lio hilisie a Stivin, na a Pilip, na a Prokoras, na a Nikeno, na a Timon, na a Pamenas, na a Nikolas. Hiiwalaimolinge a Stivin ngeena e tohungei susu, na e honu aana Liꞌoa Maaꞌi. Na a Nikolas ngeena e hute aana mo Aapoloa Aaopa aana huilume i Antiok, taꞌe e talamaꞌinie tolahana mo Jiu na e neꞌie oto ngaeta iini aada.

Palonga 9:19

Na purihaꞌana e ngau mango, nge sapena ko si aꞌailaꞌa loꞌu. Oto a Sol e iiꞌo oto peꞌie mo pwaarongoisuli wau i Damaskas hunie ngaeta mo kele dinge.

Palonga 9:38

Na huilume i Jopa ngeena e iiꞌo karaꞌinie mola huilume i Lida. Oto maholo mo pwaarongoisuli kire rongoa uri a Pita e iiꞌo i Lida, kire si uusungeꞌinie e ro mwane wau i saana, oto kirerue ko teꞌuri hunie, “Melu saetoꞌo aana o ke tohungei lae lau-leu oto wau i saameelu.”

1 Korinit 11:18

Eetana nga mei ola, nou rongoa uri maholo omu ko loko mala nga soihaadaꞌinge, omu ko oopa-oopa mola, na leune nou hiiwalaimoli uri e kele toꞌohuu kaꞌune.

1 Korinit 12:12

Na loꞌu, toꞌomaaie kaꞌu sapena iinoni. E neꞌie taꞌa-taꞌa mei sape mola, taꞌe mo aapai ola hunge aana. Oto e urine noꞌone aana a Kraes. Aana e toꞌo aana taꞌa-taꞌa mei sape mola, taꞌe mo aapai ola hunge aana. Na maꞌalana e toꞌo aana mo aapai ola hunge aana urine, taꞌe e taꞌa-taꞌa mei sape mola ni ngeena.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

Epesas 3:15

nge e niie mauringe hunie taꞌena nga ola taꞌau i Lengi na mai aano i leu.

Jemes 2:7

?Na kira tei nge kire ko unue mo ola kaꞌa ado takoie a Jisas, iini nge e paine haahiꞌomu? !Kira toꞌo-toꞌo! ?Oto aana e ue nge omu ko loꞌongaꞌi haꞌamaꞌu keꞌu aana ngaeta mo iini liutaa aana ngaeta mo iini?

1 Pita 4:14

Oto mala uri mwala ko haꞌasapesaluꞌaꞌomu i tehulaꞌana omu ko lulu i sulie a Kraes, omu ke ile-ilenimwaꞌe mola haahie. Omu ke ilenimwaꞌe mola aena aana mei tolahai sapesalunge i tehulaꞌana a Kraes nge ko haataꞌinie uri Liꞌoa Maaꞌi a God e iiꞌo oto aamiu toꞌohuu na kei haro niie manikuluꞌanga huniꞌomu.

1 Pita 4:16

Taꞌe mala uri nga iini ko sapesalu i tehulaꞌana ko lulu i sulie a Kraes, nge ke suꞌuri masa haahie leune, taꞌe ke paalahea mola a God aena aana mwala kire lio saie oto uri ingeie ngaeta iini a Kraes.

1 Jon 2:27

Taꞌe iꞌomu, nou saie uri omu saꞌa rongo ike hunire aana a Kraes e neꞌie Liꞌoa Maaꞌi oto i lalo aamiu. Na aena aana ko iiꞌo taraꞌasi i lalo aamiu, omu kaꞌa saetoꞌo aana ike loꞌu nga iini hunie ke haꞌa-uusuliꞌomu, aana Liꞌoa Maaꞌi ko haꞌa-uusuliꞌomu oto aana ahutana walu ola, na nga taa ko haꞌa-uusuliꞌomu aana, e toꞌohuu na nga eeronga haꞌike. Oto omu ke iiꞌo susu i lalo aana a Kraes mala a Liꞌoa Maaꞌi e haꞌa-uusuliꞌomu.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.